Génesis 15:18 - Biblia

¹⁸ Jayawe jokua ara etei Tumpa uikuaaka Abram pe mbae uyapota iko Abram iñemoñaa reta pewarä wae, jare jei chupe: “Niñemoñaa reta pe ameeta aï kua ɨwɨ, ɨ wasu Egipto pewa wiwe ɨ wasu tuicha wae Éufrates jee wae pe rewa. Kua ɨwɨ ameeta aï chupe reta,” jei chupe.

Génesis 15:18 Iomraidhean Croise

Génesis 12:7

Joko pe Tumpa uyekuaa Abram pe jare jei chupe: “Niñemoñaa reta pe ameeta aï kua ɨwɨ,” jei. Jayawe Abram joko pe uyapo pëti mbaerenda ita pewa Tumpa jee umbutuicha waerä, echa’ä joko pe Tumpa uyekuaa chupe ramo.

Génesis 13:15

Opaete kua ɨwɨ ndecha wae ameeta ndewe jare niñemoñaa reta pe, jare jaeño mái pewa ikota pemaerä.

Génesis 2:14

Ɨ wasu ïru wae ko Tigris jee wae. Kua uasa ɨwɨ Asiria jee wae rupi warasɨ oë wae kotɨ. Jare ɨ wasu ïru wae ko jee Éufrates.

Génesis 28:4

Jare Tumpa tumee ndewe jare niñemoñaa reta pe wi jokua ikawi wae jae umee nderamɨkue Abraham pe wae rami. Jukuärái tanemborɨ ndiyembɨiya waerä kua ɨwɨ re. Kua ɨwɨ ikota nemaerä jare niñemoñaa reta pewarä wi. Añawe yaiko kua ɨwɨ pe ambɨe ɨwɨ pewa reta rami. Jayawe Tumpa tumee ndewe jare niñemoñaa reta pe wi kua ɨwɨ piko waerä kërái umee nderamɨkue Abraham pe wae rami,” jei Isaac Jacob pe.

Éxodo 13:11

“Jayawe pemanduata ko opaete kua mbaembae reta re Tumpa peruwäe ma yawe cananeo reta iɨwɨ pe. Jokua ɨwɨ arakae Tumpa jei umeeta iko peramɨkue reta pe wae,” jei Moisés chupe reta.

Éxodo 2:24

Tumpa uyandu wi uyao reta wae, jare imandúa jokua yemɨngeta ikawi wae re arakae uyapo Abraham, jare Isaac, jare Jacob ndiwe wae.

Éxodo 3:8

“Jáeramo che ayu aepɨ reta waerä ɨwɨ Egipto pewa reta wi,” jei. “Che anoeta reta jokua ɨwɨ Egipto wi araa waerä pëti ɨwɨ ikawiete wae pe kiape uyekouta ñonoï wae,” jei. “Jokua ɨwɨ pe ñonoï cananeo jee wae reta, jare heteo jee wae reta, jare amorreo jee wae reta, jare ferezeo jee wae reta, jare heveo jee wae reta, jare jebuseo jee wae reta,” jei Tumpa Moisés pe.

Éxodo 32:13

“Nemandúa mii jokua yemɨngeta nde ndiyapo ndewe uyeyokui wae reta Abraham, Isaac, jare Jacob ndiwe wae re. Nde etei ndere chupe reta kuärái: ‘Ambɨjetaeteta aï niñemoñaa reta yasɨtata reta jeta ye ye wae rami. Jare opaete kua ɨwɨ che jae ameeta aï pewe wae imeta piñemoñaa reta imaerä jaeño mái pewa,’ ndere chupe reta,” jei Moisés Tumpa pe.

Éxodo 6:4

“Jae reta yureko ɨwɨ Canaán pe ambɨe ɨwɨ pewa reta rami. Erëitu che jae chupe reta ameeta aiko chupe reta jare iñemoñaa reta pe wi jokua ɨwɨ,” jei.

Éxodo 6:8

Puraata pe reta jokua ɨwɨ che etei jae ameeta aiko peramɨkue reta Abraham, Isaac, jare Jacob pe wae pe. Jokua ɨwɨ ikota pemaerä. Che ko jae Tumpa aikoño mái wae.’ Jukuärái ere Israel iñemoñaa reta pe,” jei Tumpa Moisés pe.

Hechos 7:5

“Erëi Tumpa umee’ä Abraham pe iɨwɨrä jaeramo kua pe ou uwäe yawe. Umee’ä chupe ipɨ jendarä yepe,” jei. “Erëitu Tumpa jei umee ñotái iko chupe kua ɨwɨ jae jare iñemoñaa reta pewarä. Jukuärái jei Tumpa chupe ndei ime wɨreko mbowe taɨ,” jei Esteban chupe reta.

Deuteronomio 34:4

Jayawe Tumpa jei Moisés pe: “Kua ko jae ɨwɨ ikawiete wae che jae nderamɨkue reta Abraham, Isaac, jare Jacob pe ameeta aï jae reta iñemoñaa reta pe iɨwɨrä,” jei. “Aechaka ma ndewe, erëi ndiketa’ä neï kua ɨwɨ ikawiete wae pe,” jei chupe.

Hebreos 13:20

YandeRu Tumpa ko jae yanembɨpɨakatu wae. Jare jae ko uyapo pëti yemɨngeta ipɨau wae yande ndiwe. Jare yandeYa Jesucristo juwɨ uyepɨyere wae pɨpe jokua yemɨngeta upɨta kawi ma oï jaeño mái pewa. Jáeramo Tumpa umbɨjekowe ye ueru Jesucristo uyandareko waerä yanderé pëti owecha reta iyandarekoa ikawi wae rami.

Apocalipsis 9:14

Jare jokua ñee jei araɨwa jemimbɨ wasu umɨñee ramo wae pe kuärái: “Iyora jokua irundɨ araɨwakue reta uñeñapɨ̈ti ñonoï ɨ wasu Éufrates jembeɨ pe wae,” jei chupe.