Génesis 15:15 - Biblia

^15-16 “Jare irundɨ chiëto año uasa yawe, niñemoñaa reta yuweru yeta kua ɨwɨ pe,” jei. “Jokua ara rupi kua ɨwɨ pewa reta – jae ko jokua amorreo jee wae reta – jeko kachi ukuakuaaeteta oï. Jare che aiporarakata aï chupe reta jare amoëta amombo reta kua ɨwɨ wi,” jei. “Jayawe aru yeta niñemoñaa reta kua ɨwɨ pe,” jei. “Erëi awɨye ndepɨatɨtɨ, echa’ä nemanota neï jare niñeñotɨkata neï ndepɨakatu rewe nendechi ma yawe, nderekowe puku wae uasa ma yawe,” jei Tumpa Abram pe.

Génesis 15:15 Iomraidhean Croise

Génesis 23:19

Joko wi Abraham oñotɨ jembireko Sara jetekue ɨwɨkua pe ñuu Macpela jee wae pe. Macpela oï Mamre wi koiño. Mamre ɨwɨ Canaán pe oï, jare ïruwe jee ko Hebrón.

1 Crónicas 29:28

David uyeyapo ikokatuete, jare jeräkua opaete rupi kuimbae ikawiete jare jupi wae. Jare jae ukuakuaaete ma yawe, umano. Joko wi taɨ Salomón umbɨpɨ iko Israel pewa reta imburuwicha wasurä.

Números 20:24

“Aarón umanota oï,” jei. “Uiketa’ä oï jae jokua ɨwɨ ikawiete wae pe ameeta aï Israel iñemoñaa reta isambiaɨ reta pe wae. Echa’ä pe reta piyapo’ä che jae wae rupi ɨtoröro Meriba jee wae jowai piko rambuewe,” jei chupe reta.

San Mateo 22:32

Echa’ä jei kuärái: ‘Che ko jae nderamɨkue reta Abraham, Isaac, jare Jacob iTumpa.’ Jukuärái Tumpa jei yepe tëi yanderamɨkue reta arakaete ye ma opa umano,” jei. “Añetete umanokue wae reta mbaetɨ yawe onoi tekowe, jayawe Tumpa ndarau jei tëi jae ko jae reta iTumpa wae, echa’ä jae ko ime tekowe onoi wae reta iTumpa,” jei. “Jayawe kua uikuaaka yandewe yanderamɨkue reta imeño yepe tekowe onoi,” jei Jesús saduceo reta pe.

Hechos 13:36

“Erëi kua salmo pe uyemɨngeta’ä oï David rewa. Echa’ä David umano opa ma uyapo yawe opaete mbarawɨkɨ Tumpa umee chupe wae. Jare jetekue uñeñotɨka tamɨkue reta jetekue ñonoï wae pe jare opa ikumewa.

Jueces 2:10

Joko wiwe ndewe ndewe rupi umano opaete Josué iyaweiwa reta. Erëi jae reta isambiaɨ reta ukuakuaa ma yawe, uikuaa’ä reta Tumpa jare opa iñakañɨ reta jokua mbaembae tuicha Tumpa uyapo tamɨkue reta pe wae wi.