Génesis 15:1 - Biblia

¹ Kua jaɨkue rupi, Tumpa umbɨpau echa Abram jare jei chupe: “Awɨye ekɨye, Abram. Che nduepɨta, jare ayandareko kawita nderé. Jare che numbɨyekoueteta nde,” jei Tumpa Abram pe.

Génesis 15:1 Iomraidhean Croise

Génesis 15:2

Erëi Abram jei chupe: “CheYa Tumpa, jaekawita’ä ko nde chembɨyekou waerä, echa’ä amanota aï cheraɨ mbae rewe ramo. Jare amano yawe, chepione reta itenondewa Eliezer – Damasco pewa ko – upɨtata opaete chembaembae reta chupe, echa’ä nemee’ä ma ko chewe pëti awe cheraɨrä,” jei.

Génesis 15:4

Jayawe Tumpa jei chupe: “Eliezer pe upɨtata’ä nembaembae reta. Nderaɨ pe ko upɨtata oï,” jei.

Génesis 22:1

Isaac taurusu ma yawe, Tumpa uipota omboporowa Abraham añetete ra wɨrowia katu jese wae. Jayawe pëti ara Tumpa ueni Abraham. Jare Abraham jei chupe: “¿Mbae pa, cheYa?” jei.

Éxodo 14:13

Jayawe Moisés jei chupe reta: “Awɨye pekɨye,” jei. “Piñemɨmɨräta. Peäro jare pechata peï Tumpa uyapota oï wae kua ara perepɨ waerä. Echa’ä opaete pea sɨndaro reta ɨwɨ Egipto pewa pecha peï añawe wae, ndarau etei ma pecha ye kuri.

San Mateo 28:5

Jayawe araɨwa jei kuña reta pe: “Awɨye pekɨye,” jei. “Aikuaa pe reta peka peï Jesús umano kurusu re wae.

San Mateo 8:26

Jayawe Jesús jei chupe reta: “¿Maera pa pekɨyete peï? Mbaetɨ chawaa perowia cheré,” jei chupe reta. Jayawe Jesús upüa, jare jei iñeeäta rewe ɨwɨtu pe jare ɨaparoa pe wi upɨta waerä. Jare jupiwoi opaete upɨta kïi ngatu.

San Lucas 1:13

Jayawe araɨwa jei chupe: “Awɨye ekɨye, Zacarías,” jei. “Tumpa uyandu ma ndewe ndiyerure chupe wae, jare nembireko Elisabet imembɨta ndewe pëti kuimbae mii. Jare nde nembɨjeeta Juan,” jei.

San Lucas 1:30

Jayawe araɨwa jei chupe: “Awɨye ekɨye, María. Echa’ä Tumpa uyerowia umae nderé,” jei chupe.

San Lucas 12:32

Jayawe Jesús jei wi chupe reta: “Awɨye pekɨye, cheremimboe mbowɨ mii peï wae reta. Echa’ä Tumpa umee ma pewe piko waerä jae ndiwe jae oï ma yawe opaete wae imburuwicha wasurä jaeño mái pewa. Jare jokua re ko jae uyerowiaete oï,” jei chupe reta.

Hechos 10:22

Jayawe jae reta jei Pedro pe: “Pëti kuimbae romano sɨndaro reta itenondewa Cornelio jee wae ko orembou,” jei. “Jae ko kuimbae uipɨu Tumpa wi wae jare opaete judío reta umae kawi jese wae. Pëti araɨwa Tumpa ombou chupe wae jei chupe ombou ndereraaka waerä jëta pe, Cornelio uyapɨsaka waerä mbae nemɨmbeuta chupe wae re,” jei reta Pedro pe.

1 Corintios 3:22

Kua uipota jei che jare Apolos jare Pedro wi, Tumpa oremondo pëti pëti pumɨmɨräta waerä Tumpa kotɨ. Jare jokuaño’ä ko. Jae nunga wi Tumpa umee ma pewe mbaembae kua ɨwɨ pewa ikawi waerä pewe. Jare pikoweño yawe ani pemano yawe, oyowakeño ikawieteta pewe. Jare opaete añawe uyeyapo oï wae jare opaete uyeyapota oï wae wi ikawita pewe. Jayawe opaete kua mbaembae reta pemaerä ko piyekou waerä jese,

Hebreos 1:1

Yande judío retarä yaiko wae, arakaete rupi yandeRu Tumpa uyemɨngetase jae iñee umɨmbeu wae reta rupi yanderamɨkue reta pe. Jeta wese jare opa kërái rái rupi uyemɨngetase chupe reta.

Apocalipsis 1:17

Jare aecha yawe, aa parawete ɨwɨ re jae jowai jare apɨta amano wae rami. Jayawe jae oñono ipo iyakata kotɨwa cheré, jare jei chewe: “Awɨye ekɨye. Che ko jae tenondewaete wae jare taɨkuewaete wae,” jei.