Génesis 13:8 - Biblia

⁸ Jayawe Abram jei Lot pe: “Ñëtara ko yande. Jáeramo ikawi’ä ko ñañeräro waerä yande yepái jare uñeräro waerä cherɨmba iyandarekoa reta jare nderɨmba iyandarekoa reta ndiwe,” jei.

Génesis 13:8 Iomraidhean Croise

Génesis 13:9

“Mase, emae. Ime oï tuichaete ɨwɨ. Iparawo jayawe ndeyupe kiape ndiko waerä. Nde ndeo yawe cheaso kotɨ, jayawe che ata cheakata kotɨ. Erëi nde ndeo yawe cheakata kotɨ, jayawe che ata cheaso kotɨ,” jei Abram jiɨ pe.

Génesis 45:24

Joko wi José wɨraa omondo waerä tɨwɨ jare tɨkeɨ reta, jare jei chupe reta: “Pekua pepɨakatu rewe. Awɨye ye ma pepɨatɨtɨ,” jei chupe reta.

Éxodo 2:13

Pɨarewe pe Moisés oo ye uwata jokoropi, jare uecha uñeräro ñonoï mokui hebreo reta. Jayawe Moisés upɨrandu teko iya pe: “¿Marái ramo ndekua neï neïru re?” jei chupe.

San Mateo 5:9

Jare uyekoueteta ñonoï wi jokua upurumbɨpɨakatu wae reta. Echa’ä Tumpa jeita chupe reta: ‘Cheraɨ jare cherayɨ reta.’

Hechos 7:26

“Pɨarewe pe Moisés uecha uñeräro ñonoï mokui Israel iñemoñaa reta jae yepái. Jayawe Moisés uipota tëi umbɨpɨakatu reta jare jei chupe reta: “¿Maera pa piyapo peï mbae ikawi mbae wae peyupe? Pëti tëta pewa yepái ko pe reta,’ jei chupe.

Romanos 12:10

Piyerau päwe rewe pëti tëtara reta uyerau wae rami, jare awɨye piyembɨtenonde ïru wae reta wi.

Filipenses 2:14

Opaete mbaembae piyapo wae, piyapota ko piyengeta mbae rewe jare piyeaka mbae rewe.

1 Tesalonicenses 4:9

Che ndarau aikuatía pewe kua tupapire pe piyerau päwe waerä. Echa’ä Tumpa etei jukuärái pemboe.

Hebreos 12:14

Peka kërái piko kawi waerä opaete wae ndiwe. Jare piñeñono tee Tumpa pewaräño. Echa’ä kía uñeñono tee’ä chupe yawe, ndarau uecha yandeYa.

Hebreos 13:1

Jayawe, ¿këraita ra yaiko yambɨyerowia waerä Tumpa? Pe reta ko jae Tumpa jëtara reta. Jáeramo piko jekuaeño piyerau päwe rewe.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

1 Pedro 2:17

Jare pipɨu opaete wae wi. Peau opaete Cristo re wɨrowia wae reta. Pipɨu Tumpa wi jare mburuwicha wasu wi.

1 Pedro 3:8

Jayawe opaete kua mbaembae rupi aipota jae pewe kuärái: Piko kawi pëti ramiño päwe rewe. Piyeparareko. Piyerau päwe rewe. Pepɨakawi jare piñemɨmichi peyupe.

1 Pedro 4:8

Jare opaete mbaembae reta wi, tenonde imeta ko tuicha rupi piyerau päwe rewe waerä. Echa’ä piko yawe jukuärái, ndarau ma pemandúa peyupe mbaembae kachi piyapo wae re.

2 Pedro 1:7

jare pepɨakawi waerä peyupe, jare piyerau waerä päwe rewe.

1 Juan 4:7

Cheïru puau wae reta, jekuaeño yayerauta ko päwe rewe, echa’ä jokua ou Tumpa wi ramo. Ime kía Tumpa uyapo taɨrä wae jare uikuaa Tumpa wae, upuruauta oï.