Génesis 13:7 - Biblia

⁷ Jare wi jokua año reta rupi kuimbae cananeo reta jare kuimbae ferezeo reta yurekose jokua ɨwɨ pe. Jáeramo uata Abram jare Lot imbaemɨmba reta pewarä kapii. Jayawe Abram jɨmba iyandarekoa reta umbɨpɨ uñeräro Lot jɨmba iyandarekoa reta ndiwe.

Génesis 13:7 Iomraidhean Croise

Génesis 12:6

Joko wi yuraa uwäe reta yawe ɨwɨ Canaán pe, Abram jare ïru reta uwata jokua ɨwɨ rupi yuraa uwäe rewa tëta wasu raɨ Siquem jee wae pe. Siquem wi koiño ime pëti ɨwɨrayapeturu echa wae, ɨwɨ Moré jee wae pe. Ndei Abram ou mbowe, jokua ɨwɨ pewa reta yuweruse joko pe umbɨadora waerä itumparaanga reta re jokua ɨwɨra iyɨpɨ rupi. Jare ɨwɨ Canaán pewa reta yureko jokua ɨwɨ pe.

Éxodo 2:17

Erëi yuweru ïruwe owecha iyandarekoa reta jare opa umbɨsɨrɨ jokua kuñatái reta ɨkua wi. Jokua uecha yawe, Moisés oo ikotɨ jare uepɨ jokua kuñatái reta ïruwe reta wi. Jare omborɨ wi kuñatái reta umee waerä jou ɨ iowecha reta.

Marcos 3:25

Jare jukuäraita wi ko pëti ñetära reta oyowaicho yawe jae yepái,” jei.

1 Corintios 3:3

Echa’ä imeño piko peï pere wae rupiño. Echa’ä piyeaka peï pe yepái jare piñemɨro peï peyupe. Jare jukuärái piko yawe, ¿piko’ä yerá peï pere wae rupiño? Jukuärái ko. Añetete, pe reta piko peï Tumpa re wɨrowia mbae wae reta rami.

Gálatas 5:20

Jae nunga wi umbɨadora tumparaanga reta re, jare ipaye. Uñamɨtäa japicha reta jare jowaichopota. Jawɨ̈ropota. Pochɨ wɨrae mbae re. Uyembutuicha. Iyeakase jare uyapo uyembɨyao tee tee reta waerä.

Colosenses 4:5

Jayawe piko pearakuaa katu rewe Cristo re wɨrowia mbae wae reta ipɨte rupi. Jare piporu kawi ara reta piyeyokui waerä Tumpa pe.

1 Tesalonicenses 4:12

Echa’ä jukuärái piko yawe, Cristo re wɨrowia mbae wae reta uipɨuta pewi jare ndarau mbae uata pewe.

Tito 3:3

Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.

Santiago 3:16

Jukuärái yaikuaa, echa’ä ñañemɨro jare yayembutuicha yawe, joko pe ime oï ñeräro, jare yeaka, jare opaño kërái rái mbae kachi wae.

Santiago 4:1

¿Maera ra ime yeaka jare ñeräro pepɨte pe? Tamɨmbeu pewe. Ime ñeräro, echa’ä ime pepɨa pe kɨrëɨ mbae kachi piyapo waerä. Jare jokua ko pemɨamɨri oï. Jae ko pëti ñeräro oï pepɨa pe.

1 Pedro 2:12

Pechaka mii teko kawi Tumpa re wɨrowia mbae wae reta ipɨte rupi. Añawe jae reta uyemɨngeta tëi kachi pekotɨ pereko kachi wae echa rami. Erëitu pereko ikawi oï yawe, jae reta uechata jare aramoi ipɨakueeta kuri Tumpa kotɨ. Jayawe uwäe yawe ara opaete wae uyemboɨ waerä Tumpa jowai, jae reta umbutuichata ñonoï Tumpa jee pereko pewa.