Génesis 13:18 - Biblia

¹⁸ Jayawe Abram jare jëtara reta ndiwe yuraa jare wɨraa jëta wakapi pewa reta koiño tëta wasu raɨ Hebrón jee wae wi. Jare yureko ɨwɨrayapetururenda pe. Pëti kuimbae Mamre jee wae, jae ko jokua ɨwɨrarenda iya. Jare joko pe Abram uyapo ambɨe mbaerenda ita pewa Tumpa jee umbutuicha waerä.

Génesis 13:18 Iomraidhean Croise

Génesis 13:4

Jare jokua mbaerenda Abram uyapo tenonde wae, joko pe Abram umbutuicha ye Tumpa jee.

Génesis 18:1

Abraham jare jëtara reta ndiwe yureko rambuewe pëti kuimbae Mamre jee wae iɨwɨrayapetururenda pe, Tumpa ikoño mái wae uyekuaa ye Abraham pe kuärái: Pëti ara Abraham uwapɨ uputuu iko jëta wakapi pewa jöke pe ara mbɨte rupi.

Génesis 22:9

Jare yuraa uwäe reta yawe jokua ɨwɨtu wasu Tumpa uikuaaka chupe wae pe, joko pe Abraham uyapo pëti mbaerenda ita pewa jare oñono iáramo yepea. Jare Abraham uipokua taɨ Isaac jare oñono mbaerenda iáramo.

Génesis 8:20

Jayawe Noé uyapo pëti mbaerenda ita pewa oñono waerä iáramo mbaemɨmba uyukakue umee waerä Tumpa pe. Jare amokue mbaemɨmba reta jare wɨra reta Tumpa jei ikɨa mbae wae reta ipɨte wi, Noé uyuka jare uapɨ jokua mbaerenda iáramo umee waerä Tumpa pe.

Salmo 16:8

Aikuaa Tumpa ikoño mái wae jekuaeño che ndiwe oï. Jayawe ndarau kía chemɨamɨri.

Números 13:22

Uike reta yawe ɨwɨ Canaán pe, yuraa ɨwɨ Neguev jee wae rupi uwäe reta tëta wasu Hebrón jee wae pe rewa. Joko pe uecha reta Anac taɨ reta Ahimán, Sesai, jare Talmai jee wae iñemoñaa reta. Jokua tëta wasu Hebrón yepe uyeyapo chiu año ndei iko mbowe tëta wasu Zoán jee wae ɨwɨ Egipto pe wae.

1 Timoteo 2:8

Jáeramo opaete kerupi rupi Cristo re wɨrowia wae reta uyembatɨ reta rambuewe, che aipota kuimbae reta uyerure waerä Tumpa pe. Jare awɨye tuyerure reta mbochɨ rewe jare mbae umbasɨ rewe. Erëi tuyerure reta ipɨakɨa mbae rewe.

Hebreos 11:9

Jare oo uwäe yawe jokua ɨwɨ pe, Abraham uyakao joko pe ipɨawiwe rewe. Echa’ä jae wɨrowia Tumpa re, jare Tumpa jei ma chupe: “Kua ɨwɨ ameeta aï ndewe ndeɨwɨrä jare niñemoñaa reta iɨwɨrä,” jei chupe. Jare Tumpa jukuäraiete jei wi Abraham taɨ Isaac pe jare jumɨmino Jacob pe. Erëi yepe tëi jae reta ko jokua ɨwɨ iyarä etei, erëi jesewe jekuaeño yureko joko pe o wakapi pewa pe ambɨe ɨwɨ pewa echa rami.