Génesis 13:16 - Biblia

¹⁶ Tambɨjetaete niñemoñaa reta ɨwɨkuïti ɨwɨ pewa jeta ye ye wae rami. Mbaetɨta kía ipuere uipapa reta, echa’ä jetaeteta ko ramo.

Génesis 13:16 Iomraidhean Croise

Génesis 15:5

Jare Tumpa onoe Abram oka pe pɨ̈tu yawe jare jei chupe: “Emae ara kotɨ yasɨtata reta re. Mbaetɨ kía ipuere uipapa yasɨtata reta, echa’ä jetaete ye ye ramo. Jukuärái wi mbaetɨta kía ipuere uipapa niñemoñaa reta, echa’ä jetaete ye ikota ramo,” jei.

Génesis 16:10

“Ameeta ndewe jetaete niñemoñaa retarä. Ndarau ndepuere opa ndipapa opaete, echa’ä jetaete yeta ko ramo,” jei.

Génesis 17:16

“Jare chiñee rupi ayapota ikawi wae chupe, jare Sara rupi ameeta ndewe nderaɨrä. Añetete ko ayapota ikawi wae chupe jare Sara ikota jeta wae reta iyarɨrä. Jare amokue jae iñemoñaa reta ipɨte wi ikota mburuwicha wasu retarä,” jei chupe.

Génesis 17:2

Jayawe ayapota nde ndiwe pëti yemɨngeta ikawi wae, jare ambɨjetaeteta aï niñemoñaa reta,” jei chupe.

Génesis 17:20

“Erëi ayandu ma nde ndiyerure chewe Ismael rewa wae. Jáeramo ayapota ikawi wae chupe wi chiñee rupi. Ambɨjetaeteta aï chupe isambiaɨ retarä jare iñemoñaa retarä. Doce jae taɨ reta ikota mburuwicha retarä. Jayawe tayapo Ismael iñemoñaa reta wi imbaepuerete wae,” jei chupe.

Génesis 17:6

Jetaeteta ko niñemoñaa reta, jare jae reta onoita mbaepuere jeta ïru ambɨe ɨwɨ reta re. Jare amokue niñemoñaa reta ipɨte wi ikota mburuwicha wasu retarä,” jei.

Génesis 18:18

Echa’ä Abraham iñemoñaa reta rupi ayapota aï pëti tëta wasu tuicha wae jare imbaepuerete wae. Abraham rupi opaete ɨwɨ pewa reta uyekouta.

Génesis 28:14

“Niñemoñaa reta jetaeteta ko ɨwɨkuïti ɨwɨ pewa jeta ye ye wae rami. Jae reta opata tɨnee kua ɨwɨ warasɨ uike wae kotɨ wi warasɨ oë wae kotɨ rewa, jare ɨaña kotɨ wi yembɨ kotɨ rewa. Jare opaete ɨwɨ pewa reta uyekouta nde rupi jare niñemoñaa rupi,” jei.

Génesis 28:3

Jare Isaac jei wi Jacob pe: “Tumpa opaete mbaepuere onoi wae tumae nderé jare tumee ndewe jeta ndesambiaɨ retarä,” jei. “Joko wi niñemoñaa reta tuyeyapo jeta ambɨe ye ye ɨwɨ pewa retarä.

Génesis 46:3

Jayawe Tumpa jei Jacob pe: “Che ko jae Tumpa. Nderu Isaac iTumpa ko che. Awɨye ekɨye ndeo waerä ɨwɨ Egipto pe, echa’ä nde rupi joko pe ayapota aï jeta niñemoñaa reta,” jei chupe.

Éxodo 1:7

Erëitu Jacob iñemoñaa reta jeta uñemoña. Jayawe ɨmambae uyembɨjeta reta, jare opa tɨnee reta ɨwɨ Egipto pe. Jukuärái jae reta imbaepuerete uyeyapo reta.

Éxodo 32:13

“Nemandúa mii jokua yemɨngeta nde ndiyapo ndewe uyeyokui wae reta Abraham, Isaac, jare Jacob ndiwe wae re. Nde etei ndere chupe reta kuärái: ‘Ambɨjetaeteta aï niñemoñaa reta yasɨtata reta jeta ye ye wae rami. Jare opaete kua ɨwɨ che jae ameeta aï pewe wae imeta piñemoñaa reta imaerä jaeño mái pewa,’ ndere chupe reta,” jei Moisés Tumpa pe.

Hebreos 11:12

Jáeramo yepe tëi Abraham indechi ma jare uñemoña rape’ä ma iko, erëi chuwi ou jetaete ye ye iñemoñaa reta. Kërái jeta ko yasɨtata reta ara re oï wae jare jeta ye ye ko ɨwɨkuïti ɨ wasu jembeɨ pe oï wae, jukuärái rami ko Abraham iñemoñaa reta.

Apocalipsis 7:9

Kua jaɨkue rupi aecha jetaete ye ye opaete kerupi rupi yureko wae reta jare opa kërái raí ñee pe uyemɨngeta wae reta. Jae reta uyemboɨ ñonoï jokua mburuwicha wasu iwapɨa jowai jare Owecha kuimbae taurusu wae jowai. Mbaetɨ kiawe ipuere opa uipapa reta, echa’ä jetaete ye ramo. Jae reta jemimonde tïi, jare ipo pe onoi reta karandaɨ jokɨ.