Génesis 13:15 - Biblia

¹⁵ Opaete kua ɨwɨ ndecha wae ameeta ndewe jare niñemoñaa reta pe, jare jaeño mái pewa ikota pemaerä.

Génesis 13:15 Iomraidhean Croise

Génesis 12:7

Joko pe Tumpa uyekuaa Abram pe jare jei chupe: “Niñemoñaa reta pe ameeta aï kua ɨwɨ,” jei. Jayawe Abram joko pe uyapo pëti mbaerenda ita pewa Tumpa jee umbutuicha waerä, echa’ä joko pe Tumpa uyekuaa chupe ramo.

Génesis 13:17

Ekua, ewata opaete jokoropi ndikuaa waerä opaete ɨwɨ ameeta ndewe wae,” jei Tumpa Abram pe.

Génesis 15:18

Jayawe jokua ara etei Tumpa uikuaaka Abram pe mbae uyapota iko Abram iñemoñaa reta pewarä wae, jare jei chupe: “Niñemoñaa reta pe ameeta aï kua ɨwɨ, ɨ wasu Egipto pewa wiwe ɨ wasu tuicha wae Éufrates jee wae pe rewa. Kua ɨwɨ ameeta aï chupe reta,” jei chupe.

Génesis 15:7

Jare Tumpa jei chupe: “Che ko jae Tumpa nonoe tëta wasu Ur jee wae wi, caldeo reta iɨwɨ wi wae, amee waerä ndewe kua ɨwɨ,” jei chupe.

Génesis 18:18

Echa’ä Abraham iñemoñaa reta rupi ayapota aï pëti tëta wasu tuicha wae jare imbaepuerete wae. Abraham rupi opaete ɨwɨ pewa reta uyekouta.

Génesis 28:13

Jare Jacob uecha wi Tumpa yupika iáramo oï wae. Jare Tumpa jei Jacob pe: “Che ko jae Tumpa aikoño mái wae, nderamɨkue Abraham iTumpa jare nderu Isaac iTumpa,” jei. “Opaete kua ɨwɨ Canaán, ndiyapakua neï jese wae etei, ameeta aï ndewe jare niñemoñaa reta pe,” jei.

Génesis 28:14

“Niñemoñaa reta jetaeteta ko ɨwɨkuïti ɨwɨ pewa jeta ye ye wae rami. Jae reta opata tɨnee kua ɨwɨ warasɨ uike wae kotɨ wi warasɨ oë wae kotɨ rewa, jare ɨaña kotɨ wi yembɨ kotɨ rewa. Jare opaete ɨwɨ pewa reta uyekouta nde rupi jare niñemoñaa rupi,” jei.

Génesis 28:4

Jare Tumpa tumee ndewe jare niñemoñaa reta pe wi jokua ikawi wae jae umee nderamɨkue Abraham pe wae rami. Jukuärái tanemborɨ ndiyembɨiya waerä kua ɨwɨ re. Kua ɨwɨ ikota nemaerä jare niñemoñaa reta pewarä wi. Añawe yaiko kua ɨwɨ pe ambɨe ɨwɨ pewa reta rami. Jayawe Tumpa tumee ndewe jare niñemoñaa reta pe wi kua ɨwɨ piko waerä kërái umee nderamɨkue Abraham pe wae rami,” jei Isaac Jacob pe.

Éxodo 32:13

“Nemandúa mii jokua yemɨngeta nde ndiyapo ndewe uyeyokui wae reta Abraham, Isaac, jare Jacob ndiwe wae re. Nde etei ndere chupe reta kuärái: ‘Ambɨjetaeteta aï niñemoñaa reta yasɨtata reta jeta ye ye wae rami. Jare opaete kua ɨwɨ che jae ameeta aï pewe wae imeta piñemoñaa reta imaerä jaeño mái pewa,’ ndere chupe reta,” jei Moisés Tumpa pe.

Éxodo 33:1

San Mateo 5:5

Jare uyekoueteta ñonoï wi uyembutuicha mbae wae reta. Echa’ä Tumpa umeeta oï chupe reta kuri opaete kua ɨwɨ jae reta imaerä.

Hechos 7:5

“Erëi Tumpa umee’ä Abraham pe iɨwɨrä jaeramo kua pe ou uwäe yawe. Umee’ä chupe ipɨ jendarä yepe,” jei. “Erëitu Tumpa jei umee ñotái iko chupe kua ɨwɨ jae jare iñemoñaa reta pewarä. Jukuärái jei Tumpa chupe ndei ime wɨreko mbowe taɨ,” jei Esteban chupe reta.

Deuteronomio 34:4

Jayawe Tumpa jei Moisés pe: “Kua ko jae ɨwɨ ikawiete wae che jae nderamɨkue reta Abraham, Isaac, jare Jacob pe ameeta aï jae reta iñemoñaa reta pe iɨwɨrä,” jei. “Aechaka ma ndewe, erëi ndiketa’ä neï kua ɨwɨ ikawiete wae pe,” jei chupe.