Génesis 13:13 - Biblia

¹³ Jokua tëta wasu Sodoma pewa reta jeko kachiete jare jekuaeño uyawɨ reta tuicha rupi Tumpa kotɨ mbaembae kachi wae rupi.

Génesis 13:13 Iomraidhean Croise

Génesis 10:9

Tumpa ko umee chupe mbaepuere iko waerä jewaerekaa ñana rupiwa re ikawiete wae. Jáeramo jeise reta: “Tumpa tanemborɨ ndiko waerä jewaerekaa ñana rupiwa re ikawiete wae Nimrod rami,” jeise reta. (

Génesis 18:20

Jayawe Tumpa jei Abraham pe: “Jeräkua ma opaete rupi tëta wasu reta Sodoma jare Gomorra pewa reta jeko kachiete ma reta.

Génesis 19:13

Echa’ä opata numbái noï kua tëta wasu. Tumpa uecha kua tëta wasu pewa reta jeko kachi tuichaete ma ko ukuakuaa wae. Jáeramo orembou numbái waerä kua tëta wasu,” jei reta Lot pe.

Génesis 39:9

“Cheya umee chewe mbaepuere opaete ïru uyeyokui chupe wae reta re jare opaetei imbaembae reta re. Umbɨete’ä chewe mbae awe – jaeño nde, echa’ä nde ko jae jembireko ramo. Aipota’ä etei ayapo kua mbae kachi wae, echa’ä kua mbae kachi wae rupi ayawɨta Tumpa kotɨ etei,” jei José kuña pe.

Génesis 6:11

Jare opaete ɨwɨ pewa reta iñerärose reta jare ikawi mbae waeño uyapo reta Tumpa jowai. Jare ɨwɨ tɨnee ikawi mbae wae peño.

San Mateo 9:10

Jare kaaru katu ma yawe, Mateo uparea Jesús jare jemimboe reta pe ukaru waerä jae jëta pe. Jare joko pe ukaru ñonoï wi ïru kuimbae reta mburuwicha pewarä okowara wae jare jeko kachi wae reta wi.

San Mateo 9:13

“Tumpa jei iñeerɨru pe: ‘Che aipotaete ko perapicha piparareko waerä mbaemɨmba peru pemee chewe wae wi.’ Jukuärái jei. Jare pe reta ikawi ko piyemboe waerä mbae ra uipota jokua jei. Echa’ä che ayu’ä ko aeni waerä jupi wae reta. Ayu ko aeni waerä jeko kachi wae reta,” jei chupe reta.

San Juan 9:24

Jayawe judío itenondewa reta uenika ye kuimbae tenonde yawe jesa mbae iko wae, jare jei reta chupe: “Iyemɨngeta orewe Tumpa jowake. Echa’ä ore nduikuaa jokua Jesús uyawɨ oï Tumpa jei wae,” jei reta chupe.

San Juan 9:31

Yande yaikuaa ñaï Tumpa ndarau uyapɨsaka jeko kachi wae reta re. Erëi ime yawe kía Tumpa jee umbutuicha wae jare uyapo Tumpa jei wae, Tumpa uyapɨsakata oï jese,” jei chupe reta.

Romanos 1:27

Jae ramiño wi jeta kuimbae reta uipota’ä ma oroke jembireko. Jare umbɨpɨ uyepota reta kuimbae yepái umae iyé jare uyerereko reta wi. Yepe tëi Tumpa uyapo’ä kuimbae reta jukuärái yureko waerä, erëi uyapoñoi reta. Ñanemara rape tëi ko, erëi jae reta mbaetɨ etei imara. Jáeramo jokua jeko pewa jae reta uiporara ma ñonoï jete pe. Jare jupi ko Tumpa uiporaraka waerä chupe reta jukuärái, echa’ä jae reta uyembɨsɨrɨ mbɨrɨete ye Tumpa wi.

Hebreos 4:13

Añetete mbaetɨ kiawe Tumpa uyapo wae ipuere uñemi chuwi, echa’ä Tumpa uecha jare uikuaa opaetei mbaembae. Jare jae jowai yayemboɨta ñaï kuri yamɨmbeu waerä yandereko rewa.

2 Pedro 2:10

Jare oete uiporarakata oï opaete kía uipota’ä Tumpa jei wae rupi yureko wae reta pe. Jae reta jei wae rupiño ko yureko reta, jare opa ma uñererükumewa reta jeko kachi rupi. Jokua oporomboe kachi wae reta ikate iyé reta. Mbaetɨ etei ukɨye reta uyemɨngeta waerä ipotawe mbaepuere onoi wae reta kotɨ.

Judas 1:7

Jare jae nunga wi yanemandúa jokua tëta wasu reta Sodoma jare Gomorra jare iyɨpɨ rupi yureko wae reta re. Jae reta jokua araɨwa reta rami uipota’ä yureko kërái Tumpa uyapo reta wae rupi. Echa’ä uyapo reta awasa opa kërái rái jare kuimbae reta uipotaete jae yepái uyereroke reta. Jáeramo Tumpa tuicha rupi uiporaraka chupe reta tata pe. Jare jukuärái Tumpa uikuaaka opaete wae pe awɨye waerä mbae kachi yayapo jae reta rami. Echa’ä jokua nunga mbae kachi uyapo wae reta uiporarata tata owe mbae wae pe.