Génesis 13:12 - Biblia

¹² Jayawe Abram upɨta ɨwɨ Canaán pe. Erëi Lot jare jëtara reta yuraa yureko waerä koiño tëta wasu ɨwɨ ipe tuicha wae rupiwa reta wi. Jare umbɨyemboɨ jëta wakapi pewa reta koiño tëta wasu Sodoma jee wae wi.

Génesis 13:12 Iomraidhean Croise

Génesis 13:11

Jáeramo Lot uiparawo iyupe jokua ɨwɨ ipe tuicha wae Jordán jee wae, jare oë oo warasɨ oë wae kotɨ jokua ɨwɨ pe. Jukuärái Abram jare Lot usɨrɨ iyuwi reta.

Génesis 19:1

Kaaruete ma iko yawe, jokua mokui araɨwa reta yuraa uwäe tëta wasu Sodoma pe. Jare Lot uwapɨ oï yembatɨrenda pe tëta wasu ikësea jöke iyɨpɨ pe. Jare Lot uecha yawe, upüa oo owäiti jare uñeñono ɨwɨ re uipɨu rewe. Jukuärái umbɨsaluda.

Génesis 19:24

Jayawe aramoiño Tumpa ombou ara wi tata jare azufre jendɨ wae tëta wasu reta Sodoma jare Gomorra re.

Génesis 19:25

Jukuärái Tumpa opa umbái jokua ɨwɨ ipe tuicha wae. Opa okai opaete tëta wasu pewa reta, jare opaete temitɨ reta jare ñana reta wi jokua ɨwɨ ipe tuicha wae pewa.

Génesis 19:29

Jukuärái Tumpa opa umbái tëta wasu reta jokua ɨwɨ ipe tuicha wae rupiwa. Erëitu Tumpa iñakañɨ'ä jae jei Abraham pe wae wi, jare omoë Lot joko wi ndei umbái mbowe.

1 Corintios 15:33

Erëi awɨye piyembɨtawɨka peï jukuärái uyemɨngeta wae reta pe. Jekuaeño piñemɨïru yawe jeko kachi wae reta ndiwe, jae reta urükumewata pewi pereko kawi.