Génesis 13:10 - Biblia

¹⁰ Jare Lot umae jare uecha ɨwɨ ipe tuicha wae ɨ wasu Jordán jee wae kotɨ tëta wasu raɨ Zoar jee wae pe rewa. Ikawiete ko jokua ɨwɨ, jare iñäkɨ ngatu ɨwɨ Egipto pe ɨ wasu jembeɨ rupi ɨwɨ oï wae rami. Jae uecha jokua mbaewɨyerenda Edén pe wae rami. Jukuärái iko ndei Tumpa opa umbái mbowe tëta wasu reta Sodoma jare Gomorra jee wae.

Génesis 13:10 Iomraidhean Croise

Génesis 11:27

Kua reta ko jae Taré iñemoñaa reta: Taré taɨ reta ko jee Abram, Nacor, jare Harán. Harán taɨ ko jee Lot.

Génesis 13:11

Jáeramo Lot uiparawo iyupe jokua ɨwɨ ipe tuicha wae Jordán jee wae, jare oë oo warasɨ oë wae kotɨ jokua ɨwɨ pe. Jukuärái Abram jare Lot usɨrɨ iyuwi reta.

Génesis 13:9

“Mase, emae. Ime oï tuichaete ɨwɨ. Iparawo jayawe ndeyupe kiape ndiko waerä. Nde ndeo yawe cheaso kotɨ, jayawe che ata cheakata kotɨ. Erëi nde ndeo yawe cheakata kotɨ, jayawe che ata cheaso kotɨ,” jei Abram jiɨ pe.

Génesis 3:6

Jayawe kuña umae yawe ɨwɨra ía re, uecha maepöra jare ikawi echa jou waerä. Jare uecha wi ipuere umee chupe arakuaa. Jayawe ueki ɨwɨra ía jare jou. Umee wi ime pe, jare jae jou wi.

Génesis 6:2

Jayawe Tumpa taɨ reta uecha kuimbae reta tayɨ maepöra wae reta, jare uiparawo iyupe jae reta ipɨte wi uipota wae jae reta jembirekorä.

Deuteronomio 34:3

Uechaka chupe wi ɨwɨ Neguev jee wae, ɨwɨ ipe tuicha wae tëta wasu Zoar jee wae wi tëta wasu Jericó jee wae rewa. Jokua tëta wasu Jericó jeese wi Karandaɨrenda.