Génesis 12:4 - Biblia

⁴ Jayawe Abram setenta y cinco año wɨreko yawe, oë oo tëta wasu Harán wi kërái Tumpa jei chupe rami. Oo jae ndiwe wi jiɨ Lot.

Génesis 12:4 Iomraidhean Croise

Génesis 11:27

Kua reta ko jae Taré iñemoñaa reta: Taré taɨ reta ko jee Abram, Nacor, jare Harán. Harán taɨ ko jee Lot.

Génesis 11:31

Jayawe Taré wɨraa taɨ Abram jare Abram jembireko Sarai, jare yuraa reta tëta wasu Ur wi. Kua tëta wasu oï caldeo pewa reta iɨwɨ pe. Taré wɨraa wi jumɨmino kuimbae Lot. Lot Harán taɨ ko. Taré uipota tëi oo iko ɨwɨ Canaán jee wae pe. Erëi yuraa uwäe reta yawe tëta wasu Harán jee wae pe, upɨta reta yureko waerä joko pe.

Génesis 13:5

Abram jiɨ Lot ime wɨreko wi jeta owecha reta jare waka reta, jare jëtara reta jare chupe uyeyokui wae reta.

Génesis 16:16

Abram ime wɨreko ochenta y seis año yawe, oa taɨ Ismael.

Génesis 16:3

Jayawe Abram jembireko Sarai ueru chupe Agar jare umee ime pe jembirekorä. Kua uasa payandepo año ma Abram iko yawe ɨwɨ Canaán pe.

Génesis 28:10

Jacob oë oo ɨwɨ Beerseba wi yawe, jae oo tëta wasu Harán kotɨ.

Hechos 7:4

“Jayawe Abraham oë oo caldeo reta iɨwɨ wi jare upɨta rani ɨma katu rupi tëta wasu Harán pe. Jare joko pe umano tu,” jei. “Jayawe tu umano ma yawe, Tumpa ombou Abraham joko wi kua ɨwɨ añawe yaiko pɨpe wae pe,” jei.

Hebreos 11:8

Jae nunga wi yanemandúa Abraham re. Tumpa jei chupe oë oo waerä iɨwɨ wi ambɨe ɨwɨ pe – jae ko jokua ɨwɨ Tumpa umeeta iko chupe iɨwɨrä wae pe. Jayawe yepe tëi Abraham uikuaa’ä ketɨ ra oo iko wae, erëi oë oo Tumpa re wɨrowia rewe.

Hebreos 6:15

Jayawe Abraham ɨma ma uäro yawe ipɨawasu rewe, uyekou jokua Tumpa jei umeeta chupe wae re.