Génesis 12:10 - Biblia

¹⁰ Jokua año rupi ime iko karuái tuicha wae jokua ɨwɨ Canaán pe. Jáeramo Abram jare jëtara reta oë yuraa ɨwɨ Egipto kotɨ ñonoï waerä joko pe karuái uasa rewa.

Génesis 12:10 Iomraidhean Croise

Génesis 41:56

Jayawe karuái tuichaete oï ramo, José uipeaka opaete tembiurä jɨru reta jare umbɨpɨ owaka tembiurä ɨwɨ Egipto pewa reta pe.

Génesis 41:57

Jayawe ou reta ikotɨ̈atɨ̈a ɨwɨ wi Egipto pe owa reta waerä tembiurä José wi, echa’ä karuái tuichaete oï opaete ɨwɨ rupi ramo.

Génesis 42:5

Jayawe Jacob taɨ reta yuraa ɨwɨ Egipto pe. Jare jae nunga ikotɨ̈a wi yuraa reta wi jae reta ndiwe, echa’ä jokua karuái wasu uwäe ma opaete ɨwɨ Canaán rupi wi.

Génesis 43:1

Joko wi jeieteño karuái täta rupi ɨwɨ Canaán pe.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

Hechos 14:22

Jare jokua tëta wasu reta rupi, jae reta jekuaeño uyembatɨ Cristo re wɨrowia wae reta ndiwe. Jare omboe reta ye Tumpa iñee re umɨmɨräta reta waerä Tumpa re. Jare umɨkɨrëɨ reta awɨye uyerowa ye reta waerä Tumpa wi. Jare jei wi chupe reta: “Pëti ara Tumpa ikota opaete wae imburuwicha wasurä jaeño mái pewa. Jare yande yaiporara ñotái ko jeta ñaï waerä jae ndiwe, echa’ä Tumpa jowaicho reta ikuerita’ä uiporaraka yandewe ramo.” Jukuärái jei chupe reta.

Hechos 7:11

“Erëi karuái wasu ou opaete ɨwɨ Egipto rupi jare ɨwɨ Canaán rupi. Jáeramo jeta wae reta ikuasɨete. Jare yanderamɨkue reta uwäe’ä mbae awe jou reta waerä,” jei.