Génesis 11:7 - Biblia

⁷ Jayawe Tumpa jei: “Yaweyɨ ye yambɨambɨe iñee chuwi reta awɨye pëti pëti wae uikuaa waerä japicha jei wae,” jei.

Génesis 11:7 Iomraidhean Croise

Génesis 1:26

Joko wi Tumpa jei: “Yayapo kuimbae yande echa rami. Jae tonoi mbaepuere pira reta re, jare wɨra reta re, jare opaete mbaemɨmba reta re, jare opaete ɨwɨ rupi uyewichɨ wae reta re,” jei.

Génesis 10:5

Amokue jae reta ipɨte wi uyapo jëta wasu retarä mar jembeɨ rupi. Pëti pëti iɨwɨ rupi uyemɨngeta iñee pe eteiño.

Génesis 11:5

Jayawe Tumpa uweyɨ ou umae waerä jokua tëta wasu re jare jokua tëta ɨwatete wae uyapo yureko reta wae re.

Génesis 3:22

Joko wi Tumpa jei: “Mase, añawe kua kuimbae uikuaa oï ikawi wae jare ikawi mbae wae re yande rami. Erëi añawe, awɨye tueki tou wi jokua ɨwɨra ía tekowe umee wae. Echa’ä jou yawe, jekowe iyapɨta’ä,” jei.

Génesis 42:23

Jae reta hebreo ñee pe uyemɨngeta ñonoï, erëi uikuaa’ä reta José uikuaa wi uyemɨngeta jokua ñee pe wae. Echa’ä José jekuaeño uyemɨngeta ɨwɨ Egipto pewa reta iñee pe, jare pëti uyeyokui chupe wae umbɨasa iko José tɨkeɨ reta pe jae reta iñee pe.

Éxodo 4:11

Jayawe Tumpa jei Moisés pe: “¿Kía pa uyapo ɨwɨ pewa reta iyururä? ¿Kía pa uyapo iyapɨsa mbae wae jare iñee mbae wae? ¿Kía pa umee ɨwɨ pewa reta pe jesarä jare uyapo jesa mbae wae? Jaeño che, ndeTumpa, chepuere ayapo,” jei chupe.

1 Corintios 14:23

Jayawe pe reta piyembatɨ peï yawe päwe rewe pembutuicha waerä Tumpa jee, jare opaete pe reta piyemɨngeta peï yawe ambɨe ye ye ñee reta pe wae, ¿mbae ra uasata amokue wɨrowia mbae Cristo re wae reta uike yawe piyembatɨ peï wae pe? Jae reta jeita pewe pe reta pembɨkere peï, echa’ä uikuaa kawi’ä reta kua mbaembae rewa.