Génesis 11:31 - Biblia

³¹ Jayawe Taré wɨraa taɨ Abram jare Abram jembireko Sarai, jare yuraa reta tëta wasu Ur wi. Kua tëta wasu oï caldeo pewa reta iɨwɨ pe. Taré wɨraa wi jumɨmino kuimbae Lot. Lot Harán taɨ ko. Taré uipota tëi oo iko ɨwɨ Canaán jee wae pe. Erëi yuraa uwäe reta yawe tëta wasu Harán jee wae pe, upɨta reta yureko waerä joko pe.

Génesis 11:31 Iomraidhean Croise

Génesis 11:32

Jayawe Taré ime wɨreko mokui chiëto pandepo año yawe, umano Harán pe.

Génesis 12:4

Jayawe Abram setenta y cinco año wɨreko yawe, oë oo tëta wasu Harán wi kërái Tumpa jei chupe rami. Oo jae ndiwe wi jiɨ Lot.

Génesis 12:5

Jayawe Abram wɨraa jembireko Sarai, jare jiɨ Lot, jare opaete uyeyokui chupe wae reta jae owa iyupe Harán pe wae, jare opaete mbaembae reta jae onoi wae. Jare oë reta yuraa ɨwɨ Canaán jee wae kotɨ.

Génesis 15:7

Jare Tumpa jei chupe: “Che ko jae Tumpa nonoe tëta wasu Ur jee wae wi, caldeo reta iɨwɨ wi wae, amee waerä ndewe kua ɨwɨ,” jei chupe.

Génesis 27:43

“Jáeramo, chemembɨ mii, iyapo che jae ndewe wae rupi. Iyeyapɨkatu woi jare ekua tëta wasu Harán pe, chekɨwɨ Labán jëta pe,” jei.

Génesis 28:10

Jacob oë oo ɨwɨ Beerseba wi yawe, jae oo tëta wasu Harán kotɨ.

Hebreos 11:8

Jae nunga wi yanemandúa Abraham re. Tumpa jei chupe oë oo waerä iɨwɨ wi ambɨe ɨwɨ pe – jae ko jokua ɨwɨ Tumpa umeeta iko chupe iɨwɨrä wae pe. Jayawe yepe tëi Abraham uikuaa’ä ketɨ ra oo iko wae, erëi oë oo Tumpa re wɨrowia rewe.