Génesis 10:2 - Biblia

² Jafet taɨ reta ko jae Gomer, Magog, Madai, Javán, Tubal, Mesec, jare Tiras jee wae reta.

Génesis 10:2 Iomraidhean Croise

Génesis 10:1

Uasa ma yawe ɨporu wasu, Noé taɨ reta Sem, Cam, jare Jafet ime wɨreko taɨ reta. Kua ko jae iñemoñaa reta jee:

Génesis 9:27

“Jare Tumpa tumbɨjetaete Jafet iñemoñaa reta. Jae reta tuyekou kawi Sem iñemoñaa reta ndiwe. Jare Canaán ikota Jafet pe uyeyokui waerä,” jei Noé.

2 Reyes 17:6

Jayawe Oseas chau año ma iko mburuwicha wasurä yawe, jokua año etei mburuwicha wasu Asiria pewa isɨndaro reta ndiwe uike tëta wasu Samaria pe jare opa umɨamɨri. Joko wi ɨwɨ Asiria imburuwicha wasu uipɨsɨka opaete Israel pewa reta jare opa wɨraaka reta ɨwɨ Asiria kotɨ. Umbɨyakaoka amokue Israel pewa reta tëta wasu Halah jee wae pe, jare ïru wae reta ɨwɨ Gozán jee wae ɨ wasu Habor jee wae jembeɨ rupi. Jare ïru Israel pewa reta umbɨyakaoka ɨwɨ Media pewa reta jëta wasu reta rupi.

Apocalipsis 20:8

Jare Añawasu oota oï opaete ɨwɨ rupi umbɨtawɨ waerä ɨwɨ pewa reta. Jae reta ko Gog jare Magog pewa jei chupe reta wae. Jayawe Satanás umbatɨta jetaete ye uñeräro waerä tëi yandeYa ndiwe. Jae reta jetaete ye ye ko, ɨwɨkuïti ɨpa wasu jembeɨ rupiwa yandepuere’ä etei yaipapa wae rami.