Génesis 1:3 - Biblia

³ Jayawe Tumpa jei: “¡Tuiko tembipe!” jei. Jare iko tembipe.

Génesis 1:3 Iomraidhean Croise

Génesis 2:4

Jukuärái uyembɨpɨ ara jare ɨwɨ. Tumpa ikoño mái wae uyapo yawe ɨwɨ jare ara, ndeiño jeñɨ iko ñana reta jare kapii reta ɨwɨ wi. Echa’ä Tumpa ndei omongɨ ɨwɨ re jare ndeiño wi ime kuimbae umaetɨ waerä.

Salmo 33:6

Tumpa iñee rupi uyapo ara. Iñee rupiño ko uyapo warasɨ, yasɨ, jare yasɨtata reta.

San Mateo 8:3

Jayawe Jesús oñono ipo jese jei rewe: “Aipotaete ndekuera waerä. Añawe ekuera,” jei chupe. Jare jupiwoiño kuimbae ukuera imbaerasɨ wi jare opaete ipire ukuera kawi.

San Juan 1:9

Echa’ä jokua tembipe uyekuaata ma iko kua ɨwɨ pewa reta pe. Jae añetete pewa ko, jare uikuaaka ɨwɨ pewa reta pe Tumpa rewa.

San Juan 11:43

Jayawe Jesús kua jei ma yawe, usapɨkai rewe jei: “Lázaro, eë joko wi,” jei chupe.

San Juan 3:19

Jare Tumpa jupi ko umbɨjeko reta waerä. Echa’ä Taɨ ou ma umbɨembipe waerä ɨwɨ pewa reta ipɨa jae reta uikuaa waerä añetete wae Tumpa rewa. Erëi jesewe opaete seri uipotaete iko reta pɨ̈tumimbi pe. Uipota’ä iko reta jokua tembipe pe, echa’ä uipota uyapo reta mbaembae ikawi mbae wae ramo.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

Efesios 5:14

Jokua jeko pewa ko jei chupe reta kuärái: “Ndeke neï wae, esarekoño ma. Epüa eyu umanokue wae reta ipɨte wi. Jare Cristo umeeta oï ndewe tembipe,” jei chupe reta.

Efesios 5:8

Echa’ä tenonde yawe pe reta pikose pɨ̈tumimbi pe wae echa mbɨrɨ Tumpa wi. Erëi añawe peï tembipe pe, echa’ä peï pëti ramiño yandeYa Jesucristo re jare jae umbɨembipe oï pepɨa. Jare yaiko yawe jokua tembipe pe, yaikota yandepɨakawi rewe añetete wae rupi jare jupi wae rupi. Tumpa peñono tee ma ko jae imaerä. Jáeramo piko tembipe pe jae umee pewe wae rupi.

1 Timoteo 6:16

Jaeño ikoño mái imbaepuere tuichaete rupi. Jare imbaepuere jupi wae jembipe tuicha uwerasɨ wae rami. Jáeramo mbaetɨ etei kiawe ipuere oya jese. Mbaetɨ etei wi kiawe ɨwɨ pewa reta ipuere uecha. Jayawe, ¡yambutuicha Tumpa jee jaeño mái pewa! Jukuärái tuiko.

1 Juan 1:5

Ore numɨmbeu noï pewe ñee Jesucristo etei uikuaaka orewe wae. Jae ko kua: Tumpa jupiete ye wae ko jare ndaraúi uyapo mbae ikawi mbae wae. Jae ko pëti tembipe umbɨembipe pɨ̈tumimbi pe wae rami.

1 Juan 2:8

Erëi yepe tëi kua Tumpa jei wae ɨma ma yaikuaa, jesewe imeño ipɨau oï wae echa. Echa’ä Cristo jei pɨau ye ma yandewe yayerau päwe waerä jae yanderau wae rami. Jare jukuärái pe reta añawe piyapo peï. Jáeramo pereko kachi opa ukañɨ oo oï jare pereko kawi uyekuaa oo oï. Jokua ko pɨ̈tumimbi ukañɨ oo oï rami jare tembipe uyekuaa oo oï rami.