Génesis 1:29 - Biblia

²⁹ Jare Tumpa jei wi chupe reta: “Mase, opaete temitɨ reta ime jäɨ wae jare opaete ɨwɨra reta umee ía jäɨ wae amee pewe perembiurä.

Génesis 1:29 Iomraidhean Croise

Génesis 2:16

Jare Tumpa jei kuimbae pe kuärái: “Opaete ɨwɨra ía wae kua mbaewɨyerenda pe oï wae ndepuere ndeu,” jei.

Génesis 6:21

“Jare embatɨ eupi opa mbae nunga nunga tembiurä wae pemaerä, jare mbaemɨmba reta pewarä, jare wɨra reta pewarä wi,” jei Tumpa Noé pe.

Génesis 9:3

“Tenonde yawe, opaete temitɨ retaño ikose perembiurä. Erëi añawe, temitɨ reta ndiwe, opaete mbaemɨmba reta isoo wi amee pewe perembiurä,” jei.

San Mateo 6:11

Jare emee mii orewe kua ara orerembiurä.

Hechos 14:17

Erëitu Tumpa jekuaeño uyekuaaka pewe mbaembae ikawi wae jae uyapo pemaerä wae rupi. Echa’ä jae ombou pewe ama, jare umbɨkuakuaa kawi temitɨ reta ime waerä perembiurä. Jukuärái Tumpa uyapo piyerowia kawi piko waerä.” Jukuärái Pablo jei chupe reta.

Hechos 17:28

Echa’ä Tumpa imbaepuere rupi ime ñanoi tekowe. Jare opa ara rupi jae ko umee yandewe tekowe yaiko waerä. Jare jukuärái wi amokue perëtáɨwa reta uikuatía kuärái: ‘Opaete yande ko jae Tumpa taɨ reta.’ Jukuärái uikuatía reta,” jei chupe reta.

1 Timoteo 4:3

Jae reta jei tëi yandewe, “Pipota piyeyokui kawi Tumpa pe yawe, awɨyeta ko pemenda,” jei yandewe. Jei reta tëi yandewe wi, “Pipota pembɨyerowia Tumpa yawe, awɨyeta ko peu amokue tembiu,” jei yandewe. Erëi yande Cristo re yarowia wae reta yaikuaa ñaï añetete wae. Yaikuaa ñaï Tumpa umee yandewe opaete tembiu yau waerä jare ñamee waerä chupe yasurupái jese.

1 Timoteo 6:17

Jare añawe che aipota numbɨarakuaa ikokatu wae Cristo re wɨrowia wae reta rewa. Ere chupe reta awɨye waerä ikate iparawete wae reta kotɨ. Ere wi chupe reta awɨye waerä uyeko ikorepoti re, echa’ä aramoi ɨmambae opata chuwi reta. Ikawiete ko uyeko reta waerä Tumpa imeño mái iko wae re. Jae ko umee yandewe opaete mbaembae yayekou waerä jese.