Génesis 1:28 - Biblia

²⁸ Jare Tumpa uyapo ikawi wae chupe reta iñee rupi jei rewe: “Piñemoña jeta jare pemɨtɨnee ɨwɨ, jare piporu opaete ɨwɨ. Jare penoi mbaepuere pira reta re, jare wɨra reta re, jare opaete mbaemɨmba reta re,” jei.

Génesis 1:28 Iomraidhean Croise

Génesis 1:22

Jare Tumpa uyapo ikawi wae chupe reta iñee rupi jei rewe kuärái: “Piñemoña jare pemɨtɨnee mar reta, ɨpa reta, jare ɨ wasu reta rupi. Jare wɨra reta piñemoña jeta ɨwɨ iáramo rupi.” Jukuärái jei.

Génesis 17:16

“Jare chiñee rupi ayapota ikawi wae chupe, jare Sara rupi ameeta ndewe nderaɨrä. Añetete ko ayapota ikawi wae chupe jare Sara ikota jeta wae reta iyarɨrä. Jare amokue jae iñemoñaa reta ipɨte wi ikota mburuwicha wasu retarä,” jei chupe.

Génesis 17:20

“Erëi ayandu ma nde ndiyerure chewe Ismael rewa wae. Jáeramo ayapota ikawi wae chupe wi chiñee rupi. Ambɨjetaeteta aï chupe isambiaɨ retarä jare iñemoñaa retarä. Doce jae taɨ reta ikota mburuwicha retarä. Jayawe tayapo Ismael iñemoñaa reta wi imbaepuerete wae,” jei chupe.

Génesis 6:1

Joko wi ɨwɨ pewa reta umbɨpɨ uñemoña jeta.

Génesis 8:17

“Enoe wi opaete nde ndiwe japɨpe ñonoï wae reta – jae ko wɨra reta, mbaemɨmba reta, jare opaete ɨwɨ rupi uyewichɨ wae reta. Toë too reta uñemoña ye waerä jetaete opaete ɨwɨ rupi,” jei Tumpa Noé pe.

Génesis 9:1

Jare Tumpa uyapo ikawi wae Noé pe jare taɨ reta pe iñee rupi kuärái: “Piñemoña jeta jare pemɨtɨnee ɨwɨ piko waerä opaete kerupi rupi,” jei.

Génesis 9:7

“Jayawe pe reta piñemoñata ko jeta kua ɨwɨ pe. Pemɨtɨnee ɨwɨ piko waerä opaete kerupi rupi,” jei Tumpa chupe reta.

Salmo 8:6

Nde nemee orewe mbaepuere nderembiapo reta re. Opaete mbaembae niñono ma orepo pe.

1 Timoteo 4:3

Jae reta jei tëi yandewe, “Pipota piyeyokui kawi Tumpa pe yawe, awɨyeta ko pemenda,” jei yandewe. Jei reta tëi yandewe wi, “Pipota pembɨyerowia Tumpa yawe, awɨyeta ko peu amokue tembiu,” jei yandewe. Erëi yande Cristo re yarowia wae reta yaikuaa ñaï añetete wae. Yaikuaa ñaï Tumpa umee yandewe opaete tembiu yau waerä jare ñamee waerä chupe yasurupái jese.