Génesis 1:26 - Biblia

²⁶ Joko wi Tumpa jei: “Yayapo kuimbae yande echa rami. Jae tonoi mbaepuere pira reta re, jare wɨra reta re, jare opaete mbaemɨmba reta re, jare opaete ɨwɨ rupi uyewichɨ wae reta re,” jei.

Génesis 1:26 Iomraidhean Croise

Génesis 11:7

Jayawe Tumpa jei: “Yaweyɨ ye yambɨambɨe iñee chuwi reta awɨye pëti pëti wae uikuaa waerä japicha jei wae,” jei.

Génesis 2:19

Jare ɨwɨ wi Tumpa uyapo opaete mbaemɨmba reta jare opaete wɨra reta, jare ueru Adán pe jae umbɨjee waerä. Jare opaete tekowe onoi wae reta Adán umbɨjee wae, jukuärái ko jee.

Génesis 3:22

Joko wi Tumpa jei: “Mase, añawe kua kuimbae uikuaa oï ikawi wae jare ikawi mbae wae re yande rami. Erëi añawe, awɨye tueki tou wi jokua ɨwɨra ía tekowe umee wae. Echa’ä jou yawe, jekowe iyapɨta’ä,” jei.

Génesis 5:1

Tumpa jaeramo uyapo yawe kuimbae, Tumpa echa rami uyapo. Tumpa uyapo kuimbae jare kuña, jare uyapo ikawi wae chupe reta iñee rupi. Jare jokua ara uyapo reta yawe, Tumpa jei chupe reta: “Pe reta ko jae piko waerä kua ɨwɨ pe,” jei chupe reta. Kua jae Adán iñemoñaa pewa tee reta:

Génesis 9:6

“Ipotawe japicha uyuka wae, jae japicha reta tuyuka wi, echa’ä kuimbae ayapo che echa rami,” jei chupe reta.

San Juan 14:23

Jare Jesús jei chupe: “Cherau wae uyapota chiñee rupi. Jare cheRu uauta jae. Jare che jare cheRu mokui rewe ndoyuta nduiko waerä jae ndiwe. Jayawe che ayekuaakata chupe,” jei.

San Juan 5:17

Erëi Jesús ukɨye’ä chuwi reta. Jae jei chupe reta: “CheRu jekuaeño uyapo oï mbarawɨkɨ ipɨakawi pewa. Jare jukuärái che ayapo aï wi,” jei chupe reta.

Hechos 17:20

“Echa’ä ndeporomboe wae jaeramo etei nduyandu noï. Jare nduipota nduikuaa kawi jokua rewa,” jei reta Pablo pe.

Hechos 17:26

“Jare pëti kuimbae wiño Tumpa uyapo opaete ambɨe ye ye ɨwɨ pewa reta kiape kiape ñonoï wae rupi. Jare ndei uyekuaa reta mbowe, Tumpa jei ma kiape etei ra yurekota wae jare kërái yawe rewa ra yurekota reta joko pe,” jei.

1 Corintios 11:7

Erëi kuimbae reta awɨye tuñeäkasoi yembatɨ pe, echa’ä Tumpa uyapo kuimbae jae echa rami. Jare jae nunga wi kuimbae rupi yandepuere yaecha mbae ikawi wae Tumpa pewa, echa’ä Tumpa ko uyapo kuimbae. Erëi kuña reta ambɨe ye ko, echa’ä kuña Tumpa uyapo kuimbae wi. Jáeramo kuña rupi yandepuere yaecha mbae ikawi wae kuimbae pewa.

2 Corintios 3:18

Jare jukuärái ko yande reta. Tenonde yawe yaikuaa’ä yaiko yandeYa. Yandearakuaa uyakasoi ikose rami. Erëi añawe yandearakuaa uyepea ma, jare añawe yaecha kawi ma yandeYa kërái ikawiete ye ko. Jare ñamae yawe yandeYa kotɨ, ndewe ndewe rupi yandeYa iEspíritu jekuaeño yanembɨambɨe oï yandereko oya katu oo waerä yandeYa jeko re. Jare jukuärái yande rupi ïru wae reta ipuere uecha yandeYa kërái ko jae wae.

2 Corintios 4:4

Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.

Efesios 4:24

jare kërái imeta ko piko pereko ipɨau wae rupi. Jukuärái piyapota ikawi waeño jare jupi waeño. Jukuärái ko Tumpa jeko jare jukuäraita ko pereko wi.

Colosenses 1:15

Mbaetɨ etei kía uecha yandeRu Tumpa. Erëi Taɨ rupi ko yaecha Tumpa uyekuaa mbae wae. Jare Taɨ ko jae opaete mbaembae ime oï wae iYa.

Colosenses 3:10

Jare pipɨsɨ ma peyupe teko ipɨau wae. Añawe Tumpa jekuaeño umbɨpɨau oï pepɨa, pe reta pikuaa kawi waerä Tumpa. Jare jukuärái pereko oya katu oo oï jae jeko jupi wae re.

Santiago 3:7

Yande reta yandepuere ñamɨmaso jeta mbaemɨmba ambɨe ye ye wae reta, jare wɨra reta, jare ɨwɨ rupi uyewichɨ wae reta, jare mbaemɨmba ɨ rupiwa reta wi. Jare jukuärái yayapo.

Santiago 3:9

Yandeyuru pe yambutuicha yandeRu Tumpa jee. Pɨpe wi ko yayepɨpeyu yanderapicha re, yepe tëi Tumpa uyapo jae echa rami.

1 Juan 5:7

Añetete ime mbapɨ mbaembae uikuaaka kawi yandewe Jesucristo rewa.