Génesis 1:21 - Biblia

²¹ Jare Tumpa uyapo opaete tekowe onoi wae reta ɨ rupiwa – tuicha wae reta jare michi wae reta wi. Uyapo wi opa yea wɨra reta. Jare uyapo uñemoña reta waerä jae jee rupii. Jare Tumpa uecha ikawiete ko.

Génesis 1:21 Iomraidhean Croise

Génesis 1:20

Joko wi Tumpa jei: “Tuñemoña jeta mbaembae jekowe wae ɨ reta rupi, jare tuiko wɨra reta uwewe ɨwate rupi wae,” jei.

Génesis 1:22

Jare Tumpa uyapo ikawi wae chupe reta iñee rupi jei rewe kuärái: “Piñemoña jare pemɨtɨnee mar reta, ɨpa reta, jare ɨ wasu reta rupi. Jare wɨra reta piñemoña jeta ɨwɨ iáramo rupi.” Jukuärái jei.

Génesis 1:25

Tumpa uyapo opaete mbaemɨmba reta – jae ko ñana rupiwa reta, jare tëta rupiwa reta, jare ɨwɨ rupi uyewichɨ wae reta – pëti pëti ambɨe ye ye uñemoña jae jee rupii. Jare Tumpa uecha jokua reta ikawiete ko.

Génesis 1:31

Jare Tumpa uecha opaete jembiapo reta ikawiete ko. Jare uasa yawe pɨ̈tu jare ara, owa ara ma.

Génesis 2:19

Jare ɨwɨ wi Tumpa uyapo opaete mbaemɨmba reta jare opaete wɨra reta, jare ueru Adán pe jae umbɨjee waerä. Jare opaete tekowe onoi wae reta Adán umbɨjee wae, jukuärái ko jee.

Génesis 6:20

“Jayawe wɨra reta, jare mbaemɨmba reta, jare opaete ɨwɨ rupi uyewichɨ wae reta wi, opaete ambɨe ye ye wae reta mokui mokui rupi yuweruta nde neï wae pe ndiyandareko waerä jese reta awɨye waerä opa ukañɨ,” jei.

Génesis 7:14

Jae reta ndiwe uike wi opaete mbaemɨmba ambɨe ye ye tëta rupiwa reta wi jare ñana rupiwa reta wi, jare opaete ambɨe ye ye ɨwɨ rupi uyewichɨ wae reta wi, jare opaete wɨra ambɨe ye ye wae reta jare uwewe wae reta wi.

Génesis 8:17

“Enoe wi opaete nde ndiwe japɨpe ñonoï wae reta – jae ko wɨra reta, mbaemɨmba reta, jare opaete ɨwɨ rupi uyewichɨ wae reta. Toë too reta uñemoña ye waerä jetaete opaete ɨwɨ rupi,” jei Tumpa Noé pe.

Génesis 8:19

Jare opaete mbaemɨmba ambɨe ye ye wae oë reta chalana wasu wi. Oë mbaemɨmba uwata ɨwɨ rupi wae reta, jare wɨra reta, jare opaete ɨwɨ rupi uyewichɨ wae reta wi. Pëti pëti jae jee wae rupi oë chalana wasu wi.

Génesis 9:2

“Amee ma kɨye opaete mbaemɨmba reta ɨwɨ rupiwa reta pe ukɨye waerä pewi. Penoi ma mbaepuere opaete mbaemɨmba reta re, wɨra reta re, pira ɨ rupiwa reta re, jare opaete ɨwɨ rupi uyewichɨ wae reta re,” jei chupe reta.

Génesis 9:7

“Jayawe pe reta piñemoñata ko jeta kua ɨwɨ pe. Pemɨtɨnee ɨwɨ piko waerä opaete kerupi rupi,” jei Tumpa chupe reta.

Éxodo 1:7

Erëitu Jacob iñemoñaa reta jeta uñemoña. Jayawe ɨmambae uyembɨjeta reta, jare opa tɨnee reta ɨwɨ Egipto pe. Jukuärái jae reta imbaepuerete uyeyapo reta.

Éxodo 8:3

Aramoiño uyekuaata jetaete pïte reta ɨ wasu rupi rani. Jokua pïte reta oëta ɨ wasu wi jare uiketa nerëta japɨpe, jare ndero ndeke pɨpe wae japɨpe, jare nderupa pe wi. Uiketa reta wi nemborɨa nembɨarakuaa wae reta jëta japɨpe rupi, jare opaete ndeɨwɨ pewa reta jëta japɨpe wi. Uiketa reta wi horno reta japɨpe jare mbatea reta mbɨyape piyapo pɨpe wae pe.

Jonás 1:17

Erëi Jonás oa yawe ɨ pe, iputupa’ä, echa’ä Tumpa ombou ma pëti pira wasu uepɨ waerä Jonás. Jokua pira wasu jupiwoi omokui Jonás jekowe rewe. Joko wi Jonás upɨta jekowe rewe mbapɨ ara jare mbapɨ pɨ̈tu rupi pira wasu jɨe pe.

Jonás 2:10

Joko wi mbapɨ ara ma uasa yawe, Tumpa jei pira wasu pe oo ɨembeɨ pe jɨe wi omoë waerä Jonás ɨwɨ utini wae pe. Jare jukuärái pira wasu uyapo.

San Mateo 12:40

“Echa’ä kërái Jonás iko mbapɨ ara jare mbapɨ pɨare jokua pira wasu jɨe pe, jukuärái wi che kuimbaerä ayeyapo wae aïta mbapɨ ara jare mbapɨ pɨare teöwerenda pe,” jei chupe reta.