Génesis 1:12 - Biblia

¹² Jare ɨwɨ wi jeñɨ kapii jare ñana jowɨ wae, opaete uñemoña reta ambɨe ye ye temitɨ rupii. Jare jeñɨ wi ɨwɨra reta umee ía jäɨ rewe wae, ambɨe ye ye temitɨ rupii. Jare Tumpa uecha jokua reta ikawiete ko.

Génesis 1:12 Iomraidhean Croise

Génesis 1:11

Jare Tumpa jei: “Ɨwɨ wi tijeñɨ kapii, jare ñana jowɨ umee ía wae, jare ɨwɨra reta umee ía wae,” jei. “Jare opaete pëti pëti tuñemoña reta ambɨe ye ye temitɨ rupii,” jei. Jayawe jukuärái iko.

Génesis 1:13

Jare uasa yawe pɨ̈tu jare ara, mbapɨ ara ma.

Marcos 4:28

Echa’ä temitɨ ukuakuaa yamborɨ mbae rewe. Tenonde oë jokɨ mii, jare joko wi uyekuaa oo itɨmaka, jare joko wi ipotɨ jare ía,” jei.

San Lucas 6:44

Echa’ä opaete ɨwɨra ía re ko yaikuaa,” jei. “Yaikuaa ñaï ndarau yaipoo ɨwa ɨwopëre jäka wi. Jae ramiño wi uva ndarau yaipoo kapiäti wi,” jei.

2 Corintios 9:10

Tumpa ko umee yandewe yanderemitɨrä ñañotɨ waerä jare yanderembiurä yau waerä. Jare jae ko umeeta oï pewe opaete mbaembae uata oï pewe wae. Jare jokuaño’ä ko. Jae umbɨjetata oï pewe mbaembae ime penoi wae, jukuärái pepuere waerä pemborɨ ïru wae reta ipotawe mbae ikawi wae rupi.

Gálatas 6:7

Awɨye piyembɨtawɨ. Echa’ä Tumpa umɨñatimata oï yandewe pëti pëti pe mbae yayapo wae rupi, jare jokua rewa yande yandepuereta’ä yambɨtawɨ Tumpa. Yande yaikuaa kawi ñaï jokua ñañotɨ wae, jokua etei ko yawɨye yawe, yaupi yeta ñaï kuri.

Hebreos 6:7

Kua re yandepuere yambɨjaanga pëti ɨwɨ ama okɨñoi jese wae re. Jokua ɨwɨ iruru kawi yawe, temitɨ jeñɨ kawita jukuärái ɨwɨ iya ipuere uyekou waerä jese. Añetete Tumpa uyapo ma ikawi wae jokua ɨwɨ pe.