Génesis 1:11 - Biblia

¹¹ Jare Tumpa jei: “Ɨwɨ wi tijeñɨ kapii, jare ñana jowɨ umee ía wae, jare ɨwɨra reta umee ía wae,” jei. “Jare opaete pëti pëti tuñemoña reta ambɨe ye ye temitɨ rupii,” jei. Jayawe jukuärái iko.

Génesis 1:11 Iomraidhean Croise

Génesis 1:12

Jare ɨwɨ wi jeñɨ kapii jare ñana jowɨ wae, opaete uñemoña reta ambɨe ye ye temitɨ rupii. Jare jeñɨ wi ɨwɨra reta umee ía jäɨ rewe wae, ambɨe ye ye temitɨ rupii. Jare Tumpa uecha jokua reta ikawiete ko.

Génesis 1:29

Jare Tumpa jei wi chupe reta: “Mase, opaete temitɨ reta ime jäɨ wae jare opaete ɨwɨra reta umee ía jäɨ wae amee pewe perembiurä.

Génesis 2:16

Jare Tumpa jei kuimbae pe kuärái: “Opaete ɨwɨra ía wae kua mbaewɨyerenda pe oï wae ndepuere ndeu,” jei.

Génesis 2:9

Jare Tumpa umbɨyekuaa jokua mbaewɨyerenda pe opaete ɨwɨra reta umee ía ikawi uyekuaa wae jare ikawi ko yau waerä wae. Jae ramiño wi oñono jokua mbaewɨyerenda mbɨte pe mokui ɨwɨra ambɨe ye ye wae. Pëti ko ɨwɨra ía tekowe umee wae, jare ïru ko ɨwɨra ía uikuaaka ikawi wae jare ikawi mbae wae.

San Mateo 3:10

“Koiño ma oï Tumpa uiporaraka waerä opaete uyawɨ ikotɨ wae reta pe. Pe reta pikuaa kawi peï pëti ɨwɨra ía kawi’ä yawe, iya uitɨta jare uapɨta. Jare jukuäraiete wi Tumpa uiporarakata oï opaete jeko kachi wae reta pe,” jei chupe reta.

San Mateo 6:30

“Jukuärái Tumpa omopöra kawi ñana reta, yepe tëi ñana reta pëti ara jekowe rewe oï jare pɨarewe pe ñañono tata pe,” jei. “Jare pe reta, Tumpa perauete ye ko jokua mbaepotɨ reta wi. Jayawe ¿këraita pa jae umeeta’ä pewe peremimonderä? Tumpa re perowia wae michiete ko,” jei chupe reta.

Marcos 4:28

Echa’ä temitɨ ukuakuaa yamborɨ mbae rewe. Tenonde oë jokɨ mii, jare joko wi uyekuaa oo itɨmaka, jare joko wi ipotɨ jare ía,” jei.

1 Corintios 15:38

Erëi uyekuaata ko ambɨe ye kërái Tumpa jei wae rupi. Jare jukuärái wi opaete temitɨ ambɨe ye wae reta uyekuaata wi ambɨe ye ye.

Hebreos 6:7

Kua re yandepuere yambɨjaanga pëti ɨwɨ ama okɨñoi jese wae re. Jokua ɨwɨ iruru kawi yawe, temitɨ jeñɨ kawita jukuärái ɨwɨ iya ipuere uyekou waerä jese. Añetete Tumpa uyapo ma ikawi wae jokua ɨwɨ pe.

Santiago 3:12

¿Ipuereta ra pëti ɨwa wi ía saini reta? ¿Ipuereta ra uva wi ía ɨwa reta? Ndarau ipuere. Jae ramiño wi ipuereta’ä oë pëti ɨkua wiño ɨ ikawi wae jare ɨ jembochɨ wae. Jayawe hermano reta, imeta ko yayemɨngeta mbae ikawi waeño.