Génesis 1:1 - Biblia

¹ Iyɨpɨ wiwe Tumpa uyapo ara jare ɨwɨ.

Génesis 1:1 Iomraidhean Croise

Job 38:4

Tumpa ikoño mái wae upɨrandu Job pe: “Nde ndearakuaa katu yawe, embeu chewe, ¿kiape pa ndiko nde che ayapo aiko rambuewe ɨwɨ?” jei.

Salmo 102:25

CheTumpa, nde ko jae iyɨpɨ wiwe ndiyapo ɨwɨ wae. Jare opaete mbaembae ara re oï wae, nde nderembiapo ko.

Salmo 104:24

CheTumpa, nderembiapo reta jetaete ye ye ko. Opaete jokua reta ndiyapo ndearakuaa katu rewe. ¡Ɨwɨ tɨnee oï mbaembae ndiyapo wae!

Salmo 33:6

Tumpa iñee rupi uyapo ara. Iñee rupiño ko uyapo warasɨ, yasɨ, jare yasɨtata reta.

Salmo 8:4

CheTumpa, ¿kía pa ko ore nemandúa waerä oreré? ¿Kía pa ko ore ndiyandareko waerä oreré?

Éxodo 20:11

Echa’ä owa ara pe che, peTumpa, opa ayapo ara, jare ɨwɨ, jare mar reta, jare opaete mbaembae oï pɨpe wae. Jare ara chiu pe aparawɨkɨ'ä ma. Jáeramo che, peTumpa, ayemɨngeta kawi chiu ara rewa jare añono tee jokua ara chemaerä,” jei.

Isaías 44:24

Tumpa jei kuärái: “Che ko jae Tumpa aikoño mái wae ndeRepɨ wae. Che ko jae ndapoa ndesɨ jɨe pe ndiko wiwe. Che ko jae opaete wae iYa jare opaete mbaembae iyapoa. Cheño ko jae ara jare ɨwɨ iyapoa. Mbaetɨ ye kía.” Jukuärái jei Tumpa.

San Mateo 11:25

Joko wi Jesús umbɨpɨ uyerure Tumpa pe kuärái: “CheRu mii, nde ko jae ara pewa reta iYa jare ɨwɨ pewa reta iYa wi,” jei. “Che ambutuicha nderee, echa’ä kua mbaembae ndikuaaka ma sambiaɨ reta pe, jare nemaeño’ä iyarakuaa katu echa iyupe wae reta re uikuaa waerä,” jei.

Marcos 13:19

“Jokua ara reta rupi uiporaraeteta ñonoï reta. Mbaetɨi uiporara reta jukuärái Tumpa ɨwɨ uyapo wiwe, jare ndarau ye uiporara reta jukuärái,” jei.

Hechos 14:15

“Kuimbae reta, ¡awɨye etei kua piyapo! ¡Ore jae’ä ko tumpa reta! ¡Ore ko jae kuimbae retaño pe reta rami! Ndoyu ko numɨmbeu waerä pewe ñee ikawi wae Tumpa ikoño mái wae rewa. Kua Tumpa uyapo ara, jare ɨwɨ, jare mar, jare opaete mbaembae ime ñonoï pɨpe wae reta,” jei chupe reta. “Jare ore numɨmbeu noï pewe peya waerä petumparaanga usiriwe mbae wae reta jare piyerowa waerä Tumpa tekowe onoi wae kotɨ,” jei chupe reta.

Hechos 17:24

“Echa’ä jokua Tumpa ko jae imbaepuerete ye wae. Jae ko uyapo ara jare ɨwɨ jare opaete oï pɨpe wae,” jei. “Jae ko ara jare ɨwɨ iYa. Jáeramo ndarau iko tupao reta yande yayapo jae imaerä tëi wae pe,” jei.

Hechos 4:24

Jare jokua uyandu reta yawe, uyerure reta pëti ramiño Tumpa pe kuärái: “OreRu mii Tumpa, nde ko jae ara, ɨwɨ, mar, jare opaete mbaembae ñonoï pɨpe wae iyapoa,” jei reta.

Romanos 11:36

Echa’ä yandeYa ko jae opaete mbaembae iYa. Jae ipo wiño ko ou opaete mbaembae, jare jae rupi opaete mbaembae ñonoï. Jare opaete mbaembae ime oï wae reta jae uyapo jae imaerä. ¡Tuyembutuichaka yandeYa jee jaeño mái pewa! Jukuärái tuiko.

1 Corintios 8:6

Erëi yanemaerä ime pëtiño Tumpa añetete wae. Jae ko yandeRu Tumpa ara pe oï wae. Jae ko uyapo opaete mbaembae, jare yande reta yaiko yambutuicha waerä jae jee. Jare ime wi oï pëtiño yandeYa. Jae ko yandeYa Jesucristo. Jae rupi ko opaete mbaembae uyekuaa. Jare jae rupi ko wi yande reta ime ñanoi tekowe ipɨau wae.

Efesios 3:9

Jare umee wi chewe amɨesäka kawi waerä opaete wae pe kërái jae uyapo oï ipɨayemɨngeta wae. Echa’ä Tumpa opaete mbaembae uyapo wiwe uikuaaka’ä ipɨayemɨngeta kía pe awe. Erëi añawe jae uikuaaka ma yandewe.

Hebreos 1:10

Jare Tumpa jei wi Taɨ pe kuärái: “Nde ko jae opaete mbaembae iYa. Nde ko jae iyɨpɨ wiwe ndiyapo ɨwɨ wae. Jare opaete mbaembae ara re oï wae, nde nderembiapo ko.

Hebreos 1:2

Erëi añawe kua ara reta pe Tumpa uyemɨngeta ma yandewe Taɨ rupi – jae ko umbɨjee opaete mbaembae iYarä wae. Jare kua Taɨ rupi Tumpa umbɨyekuaa opaete mbaembae ime ñonoï wae.

Hebreos 11:3

Yande yarowia Tumpa jei wae re ramo, yaikuaa Tumpa uyapo iñee rupiño ɨwɨ jare opaete ara re ñonoï wae. Jare jukuärái opaete mbaembae yaecha wae Tumpa uyapo mbae awe wi.

Hebreos 3:4

Jare kërái pëti pëti tëta ime onoi iyapoa, jukuärái wi Tumpa ko jae opaete mbaembae iyapoa.

2 Pedro 3:5

Erëi jae reta ipotái iñakañɨraanga Tumpa wi kërái arakaete iñee rupiño uyapo ara jare ɨwɨ. Jare kua ɨwɨ jaeramo uyapo yawe, ɨ opa oñowa iko ɨwɨ. Jayawe Tumpa iñee rupiño umbɨsɨrɨ ɨ umbɨyekuaa waerä ɨwɨ.

1 Juan 1:1

Cheïru mii reta, aikuatía aï pewe jae ko jee Ñee wae rewa. Jae ikoño mái iyɨpɨ wiwe. Ore reta nduyandu jare nduecha oreresa pe etei. Numae jese jare nduipɨsɨ wi orepo pe etei. Jae ko tekowe iYa etei.

Apocalipsis 10:6

Jare jei: “Tumpa ko jae imeño mái iko wae. Jae ko uyapo ara, jare ɨwɨ, jare mar, jare opaete mbaembae pɨpe oï wae reta. Jare jae jowake che tae añawe uwäe ma ora.

Apocalipsis 14:7

Jei chupe reta usapɨkai rewe: “Pipɨu Tumpa wi jare pembutuicha jee. Echa’ä ou ma uwäe ora opaete wae reta uyemboɨ waerä Tumpa jowai. Pembutuicha Tumpa jee, echa’ä jae uyapo ara, jare ɨwɨ, jare mar, jare ɨwororo reta,” jei.

Apocalipsis 21:6

“Añawe opaete mbaembae che jae wae opa ma uyeyapo,” jei. “Che ko jae Alfa jare Omega jee wae. Che ko jae iyɨpɨete wae jare iyapɨete wae. Ime yawe kía iɨwe wae, che ameeta chupe jou waerä ɨ tekowe umee wae ɨwororo wi oë wae jepɨ mbae,” jei.

Apocalipsis 22:13

“Che ko jae Alfa jare Omega jee wae. Che ko jae iyɨpɨete wae jare iyapɨete wae. Che ko jae tenondewaete wae jare taɨkuewaete wae,” jei.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.

Apocalipsis 4:11

“OreTumpa ndikoño mái wae, jupi ko nde nenoi waerä opaete mbaepuere. Jare jupi ko wi opaete wae uipɨu waerä ndewi, jare umbutuicha reta waerä nderee. Echa’ä nde ndiyapo opaetei mbaembae, jare nde ndipota wae rupi opaete mbaembae uyekuaa.” Jukuärái jei reta.