Gálatas 6:3 - Biblia

³ Erëi ime yawe kía uyererowia katu jokua teko kachi pe oa wae wi, jae uyembɨtawɨ ko oï. Echa’ä jae mbae’ä ko.

Guaraní Pe (Western): Simba

³ Ẽrei ime yave quía uyembutuicha vae, uyembɨtavɨ co. Echa'ã jae mbae'ã co.

Gálatas 6:3 Iomraidhean Croise

San Lucas 18:11

“Jokua fariseo uyemboɨ jare uyerure uyembutuicha rewe kuärái: ‘Tumpa, amee yasurupái ndewe. Echa’ä che jae’ä ko ïru kuimbae reta rami. Echa’ä che jae’ä ko imonda wae. Ayapo’ä jupi mbae wae. Ayapo’ä awasa. Ayapo’ä wi pea mburuwicha pewarä okowara wae uyapo wae rami.

Hechos 5:36

“Yanemandúa kawi ñaï, karamboe yawe ou pëti kuimbae Teudas jee wae ombowaicho waerä tëi romano imburuwicha reta kotɨ. Jae uyererowiaka ïru wae reta pe. Jare jeta kuimbae reta – aramoi irundɨ chiëto rupi – yuraa jae ndiwe,” jei. “Erëi sɨndaro reta uyuka Teudas. Jare opaete jae ndiwe yureko wae reta opa uñemɨái, jare mbaetɨ ye ma mbae ipuere uyapo reta,” jei.

Romanos 12:16

Piko kawi pëti ramiño päwe rewe. Awɨye piyererowia katuete piyé ïru wae reta wi. Piñemɨïruta ko iparawete wae reta ndiwe wi. Jare awɨye piyererowia katu opa mbae pikuaa wae echa.

Romanos 12:3

Tumpa ipɨakawi rupi umee chewe mbaepuere jae waerä pewe kuärái: Awɨye piyererowia katuete piyé. Erëi pëti pëti pepɨa pe piyemɨngeta kawi piyé añetete rewe kërái Tumpa peapo wae rupi. Echa’ä jokua ara perowia jese yawe, Tumpa umee pewe pëti pëti pe kërái rupi piyeyokui waerä chupe. Erëi mbaetɨ ko yayeyokui chupe oyowake.

1 Corintios 13:2

Jare aramoi Tumpa umee oï chewe ñee amɨmbeu waerä ïru wae reta pe. Jare aramoi ime anoi opaete arakuaa chepuere waerä aikuaa opaete mbaembae ïru wae reta uikuaa mbae wae. Jare aramoi chepuere ambɨsɨrɨ ɨwɨtu wasu reta che tuicha arowia Tumpa re ramoño. Erëi mbaetɨ apuruau yawe, mbae’ä etei ko che.

1 Corintios 3:18

Awɨye piyembɨtawɨka. Ime yawe kía pepɨte rupi iyarakuaa katu echa iyupe wae, erëi jae iyarakuaa kua ɨwɨ pewaño ko yawe, tueya jokua arakuaa. Tumaeño Cristo re wɨrowia mbae wae reta re umae waerä jese iyarakuaa mbae wae echa. Jukuärái Tumpa umaeta jese iyarakuaa katu wae ko.

1 Corintios 8:2

Ime yawe kía uyererowia katu opa mbae uikuaa wae, jae ko uikuaa’ä wɨteño mbae uikuaata tëi wae. Añetete jae mbae’ä ko.

2 Corintios 12:11

Kua chemiäri ayembutuicha rewe wae rupi ayeyapo ma pëti iyarakuaa mbae wae rami. Erëi pe reta ime penoi teko. Echa’ä pe reta pemiäri kawita tëi ko ïru wae reta pe che rewa. Aramoi che parawete mbae’ä ko, erëi jokua Cristo omondo wae tenondewaete reta pere chupe wae, jae reta mbae pe awe chapɨraa’ä.

2 Corintios 3:5

Ndorowia’ä etei oreiño orepuereta nduyapo mbarawɨkɨ Tumpa pewarä. Tumpa ko oremɨmbaepuere.

Gálatas 2:6

Jayawe che amɨmbeu kua mbaembae re jokua Jerusalén pewa Cristo re wɨrowia wae itenondewa reta pe. Che aikuaa opaete wae umae jese reta uipɨu rewe, erëi jokua mbae’ä chewe, echa’ä Tumpa pewarä opaete yande reta oyowakeño ko ñaï. Jare che amɨesäka chupe reta ñee ikawi wae amɨmbeu wae re yawe, jae reta upɨta oyowake che ndiwe jare umɨïru’ä reta mbae ipɨau wae ñee amɨmbeu wae pe.

Gálatas 2:9

Jare joko pe yureko wi Pedro, Jacobo, jare Juan. Jese reta ïru wae reta umae Cristo re wɨrowia wae reta itenondewaete reta ko. Jare jae reta uikuaa ma yawe Tumpa ko umee chewe ipɨakawi rupi kua mbarawɨkɨ, chepopɨsɨ reta opaete wae jowake. Jare uipopɨsɨ reta wi Bernabé. Jukuärái jae reta uikuaaka opaete wae pe oyowake ñonoï ore ndiwe jare jaekawi chupe reta jokua ñee ore numɨmbeu wae. Jare ikawi iko chupe reta ore jekuaeño numɨmbeu waerä judío mbae wae reta pe jare jae reta umɨmbeu waerä judío reta pe.

2 Timoteo 3:13

Erëi jeko pochɨ wae reta jare upurumbɨtawɨ wae reta jeieteta uyapo reta mbaembae ikawi mbae wae. Jae reta jekuaeño umbɨtawɨta ïru wae reta, jare jae reta uyembɨtawɨkata wi.

Santiago 1:22

Erëi awɨye mii piyanduiño Tumpa iñee. Imeta ko piyapo wi. Echa’ä piyanduiño yawe Tumpa iñee, piyembɨtawɨ ko peï.

Santiago 1:26

Ime yawe kía jei tëi iyupe “Che ayeyokui Tumpa pe” wae, erëi jae mbaetɨ uyandareko yawe iñee re jare ipotaweño uyemɨngeta, jayawe jae uyembɨtawɨño ko oï. Jare jokua mbaembae jae wɨrowia tëi uyapo Tumpa pewarä wae mbae’ä etei ko. Jae mbaetɨ yepe uyeyokui oï Tumpa pe.

1 Juan 1:8

Erëi yande yae yawe, “Che ayawɨ'ä etei ko aï Tumpa kotɨ,” jayawe yandei yayembɨtawɨ ko ñaï. Yaikuaa’ä etei añetete wae.