Gálatas 5:2 - Biblia

² Mase, jeta wae reta uyembɨcircuncidaka uyembujupika waerä tëi Tumpa kotɨ. Erëi che tae pewe, pe reta piyapo yawe jukuärái, jayawe Cristo uyapo wae usiriweta’ä etei ko pewe maeräwe.

Guaraní Pe (Western): Simba

² Mase, che jae peve, piñemɨcircuncidaca yave, pe reta co jae uyeyoraca'ã etei Cristo pe vae rami.

Gálatas 5:2 Iomraidhean Croise

Hechos 15:1

Pablo jare Bernabé tëta wasu Antioquía pe ñonoï rambuewe, yuweru ɨwɨ Judea wi amokue oporomboe wae reta. Jae reta ko jae judío Cristo re wɨrowia wae reta. Kua reta umbɨpɨ omboe hermano reta kuärái: “Pe judío mbae piko wae reta piyembɨcircuncidaka’ä yawe Moisés arakae uikuatía wae rupi, Tumpa ndarau perepɨ mbaembae piyawɨ ikotɨ wae wi.” Jukuärái oporomboe iko reta tëi.

Hechos 15:24

Jeräkua ma orewe kërái amokue orepɨte wi yuraa pepɨ. Jare jae reta oporomboe wae rupi pembopa jare pembɨpɨawiwe’ä. Jukuärái jae reta uyapo, yepe tëi ore nomondo’ä reta pepɨ.

Hechos 15:5

Erëi amokue fariseo Cristo re wɨrowia wae reta uyemboɨ jare jei chupe reta: “Jokua judío mbae wae reta imeta ko uyembɨcircuncidaka reta, jare yaeta ko chupe reta uyapo waerä Moisés arakae uikuatía wae rupi,” jei reta.

1 Corintios 16:21

Che Pablo, che etei aikuatía aï pewe kua saludo miño chepo pe etei, pe reta pikuaa waerä che ko araaka aï pewe kua tupapire wae.

2 Corintios 10:1

Amokue pepɨte pe ñonoï wae reta jei: “Pablo yande ndiwe oï yawe, uñemɨmichi. Erëi ikotɨ̈a oï yawe, uyemɨngeta yandekotɨ uipɨu mbae rewe,” jei reta. Jae reta wɨrowia tëi ore nduiko kua ɨwɨ jeko rupiño. Jáeramo che a awäe pepɨ yawe, imeta ko aipo ambɨeta chupe reta aipɨu mbae rewe. Erëi kërái yandeYa Cristo uñemɨmichi jare uyembutuicha’ä etei, jukuärái wi che añemɨmichi rewe pumɨñera, awɨye piko jae reta rami. Echa’ä che aipota’ä ambɨeta aï pewe wi jukuärái.

Gálatas 5:11

Hermano mii reta, amokue wae reta jei tëi ñonoï cheré: “Pablo oporomboe oï yande reta imeta ko yayembɨcircuncidaka Tumpa umae kawi waerä yanderé.” Jukuärái jei reta tëi. Erëi jukuärai’ä ko. Jukuärái che jae yawe, jayawe judío reta ndarau tëi uiporaraka ñonoï chewe. Añetete judío reta iarasɨ ko chekotɨ che aporomboe wae jeko pewa. Echa’ä che aporomboe jaeño Cristo imano kurusu re wae rupi ko yandepuere ñaï yandereko mbae wae rami Tumpa jowai – mbaetɨ ko yayembɨcircuncidaka wae rupi.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

1 Tesalonicenses 2:18

Nduipota echa tëi ko ndoo ye ndopou pepɨ. Che Pablo jeta wese aipota tëi a ye apou pepɨ, erëitu Satanás jekuaeño orembɨawái parawete.

Filemón 1:19

Chepo pe etei kua aikuatía aï ndewe ndikuaa kawi waerä ambɨepɨta aï ndewe wae. Awɨye neakañɨ nde ndepía ko chewe nderekowe re. Echa’ä che ko amɨmbeu ndewe Cristo rewa ndepuere waerä nenoi tekowe opa mbae wae.

Filemón 1:9

Erëi nduau rewe che numɨñera. Mase, che chendechi ma ko, jare añawe kua peresorɨru pe aï parawete amɨmbeu Jesucristo rewa ramo. Jáeramo cheparareko mii jare iyapo mii chewe ikawi wae.

Hebreos 4:2

Echa’ä jukuärái uasa arakaete. Tumpa uikuaaka tëi yanderamɨkue reta pe jae reta ipuere uputuu añetete pewa ɨwɨ Canaán pe. Erëi jae reta uyekou’ä jese, echa’ä wɨrowia’ä reta jokua uyandu wae re. Jae ramiño wi Tumpa uikuaaka ma yandewe pëti ñee ikawi wae – jae ko yandepuere yaputuu waerä añetete pewa.