Gálatas 5:1 - Biblia

¹ YandeYa Cristo yandeyora ma añetete rewe. Jare jae uipota yande yapɨta waerä jekuaeño uyeyora wae reta rami. Jáeramo awɨye pemaeño piyé piko ye waerä Moisés arakae uikuatía wae rupi kía täta uyeyokui wae rami.

Guaraní Pe (Western): Simba

¹ Yayeyora ma. Echa'ã Cristo yandeyora ma. Jáeramo jecuaeño pipota ete pico uyeyora vae reta rami. Agüɨye ye ma pipota pico uyeyora mbae vae reta rami.

Gálatas 5:1 Iomraidhean Croise

Isaías 61:1

Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Mateo 23:4

“Jae reta umɨïru pewe jetaete ye mbaembae piyapo waerä, jare jei reta tëi pewe: ‘Kua rupi ko piyeyokuita Tumpa pe.’ Jukuärái jei reta tëi. Erëi jukuärái jae reta jaeño oñono ñonoï peré tewɨta poɨete wae pewoɨ peraa waerä wae rami. Erëi michi mii awe yepe jae reta pemborɨ'ä,” jei chupe reta.

San Lucas 5:38

Jáeramo yambɨru ko vino ipɨau wae jɨru ipɨau wae pe,” jei. “Jukuäraiete wi che aporomboe wae ipɨau wae ko,” jei chupe reta.

Hechos 15:10

“Jayawe, ¿maera pa pemboporowa peï Tumpa ipɨawasu? Pe pikuaa kawi ma Moisés arakae uikuatía wae ko jae pëti tewɨta poɨete wae rami. Jare jokua tewɨta yande parawete reta yandepuere’ä yawoɨ. Yanderamɨkue reta wi ipuere’ä owoɨ. Jayawe, ¿maera pa añawe pipota piñono jokua tewɨta yandehermano judío mbae wae reta re?” jei.

Romanos 6:14

Añawe pe reta ko peï Tumpa ipɨakawi rupi. Mbaetɨ ma ko peï Moisés arakae uikuatía wae rupi. Jáeramo ndarau ye ma tuyembɨiya peré jokua kɨrëɨ mbae kachi piyapo waerä wae. Ndarau ye ma teko kachi tuiko pepatrón rami.

Romanos 6:18

Añawe Tumpa perepɨ ma ko pereko kachi imbaepuere wi. Jáeramo jokua kɨrëɨ mbae kachi piyapo waerä wae ndarau ye ma ime onoi peré mbaepuere. Añawe pe reta peï ma ko Tumpa pe piyeyokui waerä jare piyapo waerä mbae jupi wae rupi.

Romanos 7:3

Jáeramo kuña ueya yawe ime jare umenda ye yawe ïru kuimbae ndiwe, kuña uyapo ko oï awasa. Erëi ime umano chuwi yawe, kuña mbaetɨ ma oï jokua teko menda rewa imbaepuere pe. Jare umenda ye yawe ïru kuimbae ndiwe, mbaetɨ ko uyapo oï awasa.

Romanos 7:6

Añetete ko Moisés arakae uikuatía wae ñaneapɨ̈ti iko rami awɨye waerä yandepuere yayeyokui Tumpa pe. Erëi añawe Tumpa yandeyora ma chuwi, echa’ä Cristo ndiwe ñamano ma ko chuwi rami. Jáeramo ndarau ma yayeyokui Tumpa pe Moisés arakae uikuatía wae rupi tenonde yayapose wae rami. Ime añawe kërái rupi yayeyokui waerä Tumpa pe mbae ipɨau wae rupi – jae ko tekowe Espíritu Santo umee yandewe wae rupi etei.

Romanos 8:15

Jayawe mbaetɨ ko ikawi yakɨye waerä Tumpa wi kërái pione reta ukɨye ipatrón wi rami. Echa’ä Espíritu Santo Tumpa umee yandewe wae yandapo’ä oï yakɨye chuwi waerä. Echa’ä Espíritu Santo yandapo ko Tumpa taɨrä yaiko waerä. Jáeramo añawe yandepuere yae Tumpa pe: “CheRu.”

Romanos 8:2

Echa’ä yepe tëi yayawɨ Tumpa kotɨ, jare jokua jeko pewa imeta tëi ko ya Tatawasurenda pe, erëi añawe Tumpa yanderepɨ ma chuwi Jesucristo rupi. Echa’ä pëti ramiño ñaï Jesucristo re, jare jukuärái Tumpa umee yandewe Espíritu Santo. Jare jokua Espíritu Santo rupi ime ma ñanoi tekowe ipɨau wae. Jáeramo ndarau ma Tumpa yanembɨsɨrɨ iyuwi.

1 Corintios 15:58

Jáeramo hermano mii reta, piñemɨmɨräta yandeYa re, jare awɨye pesɨrɨ chuwi. Jekuaeño piñemɨatangätu piyapo waerä mbarawɨkɨ yandeYa umee pewe wae. Echa’ä pe reta pikuaa peï, peparawɨkɨ yawe yandeYa pe, yandeYa umeeta oï pewe kuri ikawiete wae jokua re.

1 Corintios 16:13

Jae nunga wi che aipota jae pewe piyandareko kawi piyé awɨye waerä kía pembɨtawɨ. Jekuaeño perowia katu Cristo re. Piñemɨatangätu jare awɨye pekɨye mbae wi.

1 Corintios 7:22

Echa’ä yepe tëi kía pëti pione ko, erëi yandeYa ueni yawe iko waerä jae imaerä, jokua pione uyenduta oï yandeYa uepɨ rami ma ko. Jae ramiño wi yepe tëi kía jae’ä ko pionerä iko wae, erëi yandeYa ueni yawe iko waerä jae imaerä, jae ma ko Cristo pe täta rupi uyeyokui wae.

2 Corintios 11:20

Echa’ä ime yawe kía uipota täta rupi peokui wae, ani ime yawe kía uipota uyekou peré wae ani uyuwanga katu peré wae, pe reta pemaeño ko jese. Jae ramiño wi ime yawe kía uipota uyererowia katu pewi wae jare perowapete wae, pe reta pemaeño ko jese.

2 Corintios 3:17

YandeYa jae ko Espíritu. Jare ime yawe kía yandeYa iEspíritu onoi wae, ndarau ma iyarakuaa uyakasoi oï wae rami.

Gálatas 2:4

Jokua rewa ore nduyemɨngeta, echa’ä amokue ïru wae reta uipota tëi opaete judío mbae Cristo re wɨrowia wae reta uyembɨcircuncidaka waerä. Erëi jae reta Cristo re wɨrowiaraanga wae reta ko uyembatɨ reta añetete wae nunga ore ndiwe. Ko yepe jae reta jaeño uipota uikuaa ore nduyapo ra noï judío reta jeko rupi wae, jare uipota tëi uyapoka orewe jokua jae reta jeko. Erëi michi pewa awe numaeño’ä oriyé jese reta, echa’ä nduipota’ä numbɨyea ñee ikawi wae Cristo rewa yemboe ambɨe wae ndiwe. Ore nduipota pe reta pikuaa waerä kërái ñee ikawi wae Cristo rewa añetete ko jare uata’ä etei chupe mbae awe. Yande yarowia jokua ñee re ramo, pëti ramiño ñaï Jesucristo re jare yaikota’ä judío reta jeko rupi.

Gálatas 4:26

Erëi jukuärai’ä ko yande reta. Echa’ä Tumpa uyapo ma mbae ambɨe ye wae yanemaerä. Yande reta ko jae añawe Sara imembɨ rami. Jare yande ko jae tëta wasu Jerusalén pewa reta wi. Erëi kua Jerusalén, mbaetɨ ko kua ɨwɨ pewa. Jae ko ara pewa. Jare joko pewa reta yureko ipɨawiwe rewe, jare uyeyokui’ä täta kía pe awe.

Gálatas 4:31

Jayawe hermano mii reta, yande mbaetɨ ko jae jokua kuña täta uyeyokui wae imembɨ rami, echa’ä Moisés arakae uikuatía wae mbaetɨ onoi mbaepuere yanderé ramo. Yande ko jae jokua kuña uyeyokui mbae wae imembɨ rami.

Gálatas 4:9

Erëi añawe pikuaa ma ko Tumpa – ani ikawiete yae waerä chupe Tumpa pekuaa ma. ¿Kërái ramo jayawe pipota piyerowa ye peï chuwi? ¿Maera pa pipota piyapo ye mbaembae ipuere’ä pemborɨ piyembujupika waerä Tumpa kotɨ? ¿Pipota yerá piko ye jokua mbaembae imbaepuere pe?

Gálatas 5:13

Jukuärái che jae, echa’ä pe chehermano mii reta, Tumpa mbaetɨ etei ko pereni pe reta piko waerä Moisés arakae uikuatía wae rupi täta uyeyokui wae reta rami. Tumpa pereni ko piko waerä pepɨawiwe rewe. Erëi awɨye pere peyupe: “Tumpa uyapo yandepɨawiwe yaiko waerä. Jáeramo yandepuere yaiko yande yae wae rupiño.” Awɨye jokua. Piyeyokuita ko peyupe piyerau päwe rewe.

Efesios 6:14

Jayawe piyepɨtaso kawi piñeräro waerä. Jare piporu opaete temimonde jare tembiporu wae echa Tumpa umee yandewe wae. ¿Mbae ra ko jokua reta? Yaikuaa pëti sɨndaro uiporu jumbɨkuaa ikawi wae, jare ipɨtía yopiaka jiero pewa, jare ipɨpasa ikawi wae, jare iyeyopiaka ikawi wae, jare iñäka jɨru jiero pewa, jare ikɨsepuku wi. Jukuärái ko sɨndaro jemimonde jare jembiporu ñeräro pewa. Jare jukuärái rami wi ko mbaembae Tumpa umee ma yandewe wae yayerepɨ kawi waerä. Jae ko kua reta: Yanderumbɨkuaarä Tumpa umee yandewe wae ko jae iñee añetete wae. Pipɨsɨ kawi jayawe jokua ñee awɨye waerä Añawasu pembɨtawɨ. Jare pemandúa Cristo rupi ko yande ñaï Tumpa jowai yandereko mbae wae rami. Echa’ä jokua ko jae yandewe yandepɨtía yopiaka rami. Jukuärái Añawasu yanembɨjeko yawe, ndarau yayapɨsaka jese.

Filipenses 1:27

Erëi ipotawe mbae uasa chewe wae rupi, che pumɨñera pechaka waerä teko kawi opaete wae jowake, jae reta umae kawi waerä ñee ikawi Cristo rewa wae re. Echa’ä jukuärái piyapo yawe, aikuaata pe reta piñemɨmɨräta peï pëti ramiño, jare pëti ramiño piñemɨatangätu peï ñee ikawi wae pemɨmbeu waerä. Jukuärái aipota pereräkua kawi waerä chewe chepuere’ä añatima ye pekotɨ yawe.

1 Tesalonicenses 3:8

Añawe ramo nduyerowia pɨau ye noï, echa’ä nduikuaa ma pe reta pepɨräta peï yandeYa re ramo.

2 Tesalonicenses 2:15

Jáeramo hermano mii reta, jukuärái Tumpa uyapo yandewe ramo, jekuaeño pepɨräta yandeYa re. Jare awɨye peakañɨ jokua mbaembae ore pomboe jese wae wi jare mbaembae ore nduikuatía pewe wae wi.

Hebreos 10:23

Jare ñaäro mii yarowia katu rewe jokua mbaembae ikawiete wae Tumpa jei umeeta oï yandewe wae. Echa’ä yaikuaa Tumpa jupi ko uyapo waerä jae jei wae. Yande yamɨmbeu ma ïru wae reta pe jokua mbaembae rewa, jare Tumpa ndarau uyawɨ yandewe.

Hebreos 3:14

Yanemandúa kawi ñaï kërái yarowia katu Cristo re jaeramo yarowia jese yawe. Jukuärái wi jekuaeño yarowia katu jese ara taɨkuewa uwäe rewa. Echa’ä jukuärái yayapo yawe, uyekuaata añetete ñanoi ma ko tekowe Cristo ndiwe.

Hebreos 3:6

Erëi Cristo ko jae tëta iya taɨ rami etei. Jare jae ko Tumpa jëta iyandarekoa. Jare yande reta ko jae Tumpa jëta pewa reta, jekuaeño ñaneratangätu yawe jare ñaäro yawe yarowia katu rewe Tumpa umeeta oï yandewe wae.

Hebreos 4:14

Erëi yande ime ma ñanoi pëti sacerdote tenondewaete – jae ko Jesús, Tumpa Taɨ etei. Jae oo ma ara pe etei yandeRu Tumpa jowai jare joko pe jae uyerure oï yanderé. Jáeramo jekuaeñota ko yarowia kawi jese.

1 Pedro 2:16

Tumpa peyora ma ko pereko kachi wae wi. Añawe pe reta ko jae Tumpa pe piyeyokui wae reta. Jáeramo piko mii jukuärái. Awɨye pere peyupe kuärái: “Tumpa cheyora ma. Jáeramo chepuere ayapo mbae kachi wae chepɨawiwe rewe.” Awɨye pere jokua.

2 Pedro 2:19

Jae reta jei tëi wi: “Tumpa yandeyora ma ko. Jáeramo yandepuere yaiko yande yae wae rupiño,” jei reta tëi. Erëi añetete jae reta mbae kachi wae pe täta rupi uyeyokui wae reta ko, echa’ä teko kachi imbaepuere pe ñonoï reta. Jare mbae uyemɨmbaepuere yanderé yawe, ñanerenoi ipo íɨwɨ pe.

Judas 1:3

Cheïru puau mii wae reta, che aipota tëi aikuatía aiko pewe jokua tekowe opa mbae wae ime ñanoi wae re. Erëi aikuaa ime ye ambɨe mbae re imeta ko aikuatía pewe. Tumpa ñaneñono tee ma jae imaerä jare uikuaaka ma yandewe mbaembae re yarowia waerä. Kua mbaembae jaeño mái pewa añetete ko jare ndarau etei uyepepɨka. Jáeramo aipota pumɨkɨrëɨ jekuaeño piyapo waerä pepuere wae rupi uyemɨmbeu waerä jupi rupi jokua mbaembae.

Apocalipsis 2:25

jekuaeño piyapo jokua piyapo peï wae che ayu ye rewa.

Apocalipsis 3:3

Jekuaeño pemandúa opaete piyemboe Tumpa re wae. Piñemɨmɨräta jese, jare peya pepɨayemɨngeta jupi mbae wae. Echa’ä piyandareko’ä yawe, ayuta aiporaraka waerä pewe. Jare che ayuta aï aramoiño pëti imonda wae ou rami. Echa’ä pepɨranoe pewa ayekuaata pewe.