Gálatas 4:8 - Biblia

⁸ Tenonde yawe, ndei Tumpa pikuaa mbowe, piyeyokuise tëi piko tumparaanga reta pe. Piyapose tëi chupe reta opa kërái rái jae reta pemborɨ waerä.

Guaraní Pe (Western): Simba

⁸ Añete co, tenonde yave picuaa'ã Tumpa yave, piyeyocuise tumpa-raanga reta pe. Jae reta mbaetɨ etei tecove güɨnoi.

Gálatas 4:8 Iomraidhean Croise

Éxodo 5:2

Erëi mburuwicha wasu jei chupe reta: “¿Kía pa ko jokua peTumpa ayapɨsaka waerä jese jare amaeño waerä oë yuraa Israel iñemoñaa reta? Aikuaa’ä jokua peTumpa, jare ndarau amaeño Israel iñemoñaa reta re oë yuraa reta waerä,” jei chupe reta.

San Juan 1:10

Jayawe jae ko jee Ñee wae ou kua ɨwɨ pe. Erëi yepe tëi jae etei uyapo kua ɨwɨ, jesewe kua ɨwɨ pewa reta uikuaa’ä kía ko jae wae.

Hechos 14:12

Jae reta wɨrowia tëi Bernabé ko jae itumpa reta itenondewa Júpiter jee wae, jare Pablo ko jae itumpa Mercurio jee wae. Jukuärái wɨrowia reta tëi, echa’ä Pablo ñee wɨraa wae ko jare jae reta wɨrowia itumpa Mercurio jee wae ikatu uyemɨngeta.

Hechos 17:23

“Echa’ä awata aiko rambuewe tëta wasu rupi, aecha jeta ambɨe ye ye petumpa reta pe uñeñono tee oï yembɨadorarenda reta,” jei chupe reta. “Jare aecha wi pëti mbaerenda ambɨe ye wae. Echa’ä uyekuatía oï jese kuärái: ‘TUMPA YAIKUAA MBAE WAE PEWARÄ.’ Jukuärái uyekuatía oï jese. Jáeramo jokua Tumpa pe reta pikuaa mbae wae rewe pipɨu chuwi wae, añawe aipota amɨmbeu kawi pewe jesewa,” jei chupe reta.

Romanos 1:23

Jáeramo jae reta umbutuicha’ä Tumpa ikoño mái wae jee. Jaeño umbɨadora reta kuimbaeraanga re jare kuñaraanga re, yepe tëi kuimbae jare kuña Tumpa rami’ä ko jare umanota ko. Jae nunga wi umbɨadora reta wɨraraanga reta re, jare mbaemɨmbaraanga reta re, jare ɨwɨ rupi uyewichɨ waeraanga reta re wi.

Romanos 1:28

Jayawe opaete wae uikuaa tëi yureko Tumpa rewa, erëi jesewe opaete seri opa umbɨsɨrɨ iyuwi jokua arakuaa. Jáeramo Tumpa ipɨatɨtɨ rewe opa ueya reta uyemɨngeta reta waerä ipɨa pe opaete mbaembae ikawi mbae wae re. Jare jokua jeko pewa jae reta añawe rewa jekuaeño uyapo opaete mbaembae ikawi mbae wae Tumpa jowai.

1 Corintios 1:21

Echa’ä ipuere’ä kiawe uikuaa Tumpa jukuärái rupi. Jukuärái Tumpa uikuaaka ma yandewe, jare jaeño ko jae iyarakuaa katuete ye wae opaete wae wi. Jare yepe tëi ñee Cristo rewa uyemɨmbeu oï wae mbae’ä ko jeta wae reta pewarä, erëi ime yawe kía jokua ñee re wɨrowia wae, Tumpa uyerowia rewe uepɨ teko onoi wae wi.

1 Corintios 12:2

Pe reta pikuaa kawi peï kërái ndei perowia yandeYa re mbowe, pe reta piyembɨtawɨka piko tumparaanga reta pe. Echa’ä yepe tëi tumparaanga reta ipuere’äwe mbae yepe jei, erëi pemaeño piyé pembɨadora jese reta waerä.

1 Corintios 8:4

Jayawe, ¿mbae pa pere? ¿Ikawita ra yau waerä soo tumparaanga pe uñemee ma wae? Yaikuaa ñaï tumparaanga reta mbaetɨ ko onoi tekowe. Jare yaikuaa ñaï wi ime ko pëtiño Tumpa añetete wae.

Gálatas 4:3

Jare jukuärái wi yande reta yaikose jokua sambiaɨ rami ndei Cristo re yarowia mbowe. Echa’ä yaikose ipotawe kua ɨwɨ pewa jeko re, jare jokua teko reta ime wɨreko mbaepuere yanderé.

Efesios 4:18

Jae reta uyembɨpɨatäta Tumpa wi, jare uipota’ä uyapɨsaka reta ñee ikawi wae Tumpa rewa. Jáeramo ñonoï reta pɨ̈tumimbi pe wae echa jare mbɨrɨ Tumpa tekowe ipɨau wae umee wae wi.

1 Tesalonicenses 1:9

Añawe ipotawe kerupi ndoo wae rupi imiäri reta orewe kërái mbae piyapo wae ore nduiko yawe pepɨ. Echa’ä imiäri reta orewe kërái pe reta piyerowa ma Tumpa ikoño mái wae jare añetete wae kotɨ tumparaanga reta wi.

1 Tesalonicenses 4:5

Awɨye tuiko jete uipota uyapo wae rupiño Tumpa uikuaa mbae wae reta yureko rami.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

Josué 24:15

“Erëi pipota’ä piyeyokui yawe Tumpa pe, jayawe kua ara etei piparawo kía pe piyeyokuita wae,” jei. “Pepuere piyapo peramɨkue reta uyapo wae rami. Echa’ä arakae rupi yureko reta yawe ɨwɨ Mesopotamia pe, umbɨadorase reta tumparaanga reta re. Ani pepuere piyeyokui amorreo reta kua ɨwɨ rupi yureko wae itumpa reta pe. Erëi che jare cherëta pewa reta ndiwe nduyeyokuita noï Tumpa ikoño mái wae pe,” jei Josué chupe reta.

1 Pedro 4:3

Pe reta ɨma rupi piyapose Tumpa re wɨrowia mbae wae reta ikawi echa chupe wae. Jetaete ma piyapo. Piyapose mbaembae perete uipota uyapo wae rupi, jare awasa rupi, jare sawɨpo rupi. Piyapose arete jare kau wasu opa mbaembae uasa wae. Jare yepe tëi tumparaanga reta kachi ko Tumpa jowai, erëi pembɨadorase jese reta. Erëi añawe peya ma ko jokua mbaembae.

1 Juan 3:1

Mase, kërái etei ra ko yandeRu Tumpa yanderau, echa’ä jae jei yandewe, “Cheraɨ retarä ko.” Jare jokua ko jae yande reta. Erëi kua ɨwɨ jeko rupi yureko wae reta uikuaa’ä kía ko yande wae, echa’ä uikuaa’ä reta yandeRu Tumpa ramo.