Gálatas 4:5 - Biblia

⁵ orerepɨ waerä ore Moisés uikuatía wae rupi nduiko wae. Añetete Tumpa ombou Taɨ yanderepɨ waerä opaete yande reta yandepuere waerä yaiko Tumpa taɨ retarä.

Guaraní Pe (Western): Simba

⁵ jae ipuere vaerã uepɨ mboroyocui güɨnoi mbaepuere jese vae reta, ore orepuere vaerã nduyeyapo Tumpa taɨ retarã.

Gálatas 4:5 Iomraidhean Croise

San Mateo 20:28

“Jukuärái wi che kuimbaerä ayeyapo wae ayu’ä ko ïru wae reta uyeyokui waerä chewe. Che ayu ko ayeyokui waerä ïru wae reta pe jare amee waerä cherekowe jeta wae reta aepɨ waerä.” Jukuärái jei Jesús jemimboe reta pe.

San Lucas 1:68

“¡Tuyembutuichaka yandeTumpa jee opaete yande Israel pewa yaiko wae reta! Echa’ä jae ou ma yanemborɨ waerä jare yanderepɨ waerä, yande jae imaerä yaiko wae reta.

San Juan 1:12

Erëi amokue wae reta umbɨresiwe. Wɨrowia reta jese. Jáeramo jae reta Tumpa uyapo taɨ retarä yureko waerä.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Romanos 10:4

Erëi Cristo opa ma jupi uyapo yandepepɨka pe opaete Moisés uikuatía wae rupi. Jare jukuärái añawe Tumpa umae opaete kía Cristo re wɨrowia wae reta re jeko mbae wae rami.

Romanos 8:14

Añetete ko, Tumpa taɨ añetete wae reta jae ko kía kía Espíritu Santo uparawɨkɨ oï jese wae.

Romanos 8:15

Jayawe mbaetɨ ko ikawi yakɨye waerä Tumpa wi kërái pione reta ukɨye ipatrón wi rami. Echa’ä Espíritu Santo Tumpa umee yandewe wae yandapo’ä oï yakɨye chuwi waerä. Echa’ä Espíritu Santo yandapo ko Tumpa taɨrä yaiko waerä. Jáeramo añawe yandepuere yae Tumpa pe: “CheRu.”

Romanos 8:19

Jare opaete mbaembae Tumpa uyapo wae uäro ñonoï wi ikɨrëɨete rewe jokua ara. Echa’ä jokua ara Tumpa yandekuaakata oï opaete wae pe yande ko jae Tumpa taɨ reta wae.

Romanos 8:23

Jukuärái wi yande reta yaiporara ñaï yandepɨa pe jokua kuña imembɨrasɨ oï wae rami. Echa’ä yepe tëi Tumpa umbɨtenonde ma yandewe Espíritu Santo, erëi imeño ñaäro ñaï yayekou waerä ïru mbaembae reta re – jae ko jokua mbaembae Tumpa umeeta oï yandewe jae taɨrä ma yaiko wae reta pe. Jare jokua ko uyeyapota oï yandewe kuri, jokua ara Tumpa umbɨpɨau yawe yanderete.

Romanos 9:4

Añetete ko Israel iñemoñaa reta uyekouta tëi, echa’ä jae reta ko Tumpa uiparawo yureko waerä tëi taɨ retarä. Chupe reta ko Tumpa uechaka imbaepuere jupiete ye wae. Jae reta ndiwe Tumpa uyapo tëi pëti yemɨngeta, jare uikuaaka tëi chupe reta kërái jupi rupi yureko reta waerä wi. Omboe reta tëi kërái jupi rupi umbutuicha reta waerä jae jee. Jare chupe reta Tumpa jei uyapota jeta mbaembae ikawi wae.

Gálatas 3:13

Jayawe yepe tëi yande yaiko’ä ko jupi rupi opaete Tumpa arakae jei Moisés pe wae rupi, jare jokua jeko pewa Tumpa iarasɨ pe yaikose, jesewe yandeYa Cristo yanderepɨ ma chuwi. Echa’ä Tumpa iarasɨ oata tëi iko yanderé wae oa Cristo re yandepepɨka pe jae uyekutuka iko kurusu re rambuewe. Jukuärái jei yandewe Tumpa iñeerɨru pe jei yawe: “Kía uyekutuka ɨwɨra re wae, Tumpa iarasɨ toa jese.”

Gálatas 3:26

Jare añawe opaete pe reta Tumpa taɨ reta ma ko Jesucristo re perowia ramo.

Gálatas 4:21

Pe Moisés arakae uikuatía wae rupi pipota piko wae reta, ikawi ko piyemɨngeta waerä pepɨa pe Moisés uikuatía wae re.

Gálatas 4:7

Jayawe, ¿mbae pa añawe yaikuaa kua pe? Pe reta mbaetɨ ma ko jae täta uyeyokui wae reta rami. Pe reta Tumpa taɨ reta ma ko. Jare taɨ reta ma peï ramo, opaete mbaembae Tumpa umeeta taɨ reta pe wae pemaerä ma ko wi Cristo uyapo pewe wae rupi.

Efesios 1:5

Jare wi iyɨpɨ wiwe Tumpa yandeparawo yaiko waerä taɨ jare tayɨ retarä yanderauete ramo. Jokua ko jae Tumpa ipɨayemɨngeta uyerowia rewe uyapota iko wae, echa’ä jukuärái jae uipota ramo. Jáeramo ipɨakawi ramo, ombou Cristo kua ɨwɨ pe. Jare Cristo upɨyere juwɨ opa umbái waerä yandewi mbaembae yayawɨ Tumpa kotɨ wae. Jukuärái jae yanderepɨ ma jokua teko yareko wae wi. Jayawe Tumpa yandapo ñaï waerä pëti ramiño Taɨ uauete wae re. Jáeramo uyerowia umae yanderé. Jukuärái Tumpa uyapo yandewe yambutuicha waerä Tumpa jee ipɨakawi tuichaete yandewe ramo.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

Hebreos 1:3

Jare Taɨ iñee imbaepuerete wae rupi opaete jokua mbaembae jekuaeño ime ñonoï. Taɨ rupi uyekuaa Tumpa imbaepuere jembipete ye wae jare kërái etei ko Tumpa wae. Taɨ etei ou kua ɨwɨ pe umano waerä mbaembae yayawɨ Tumpa kotɨ wae re opa umbái waerä yandewi. Joko wi jae ikowe ye ou umanokue wae reta ipɨte wi, jare oo ye ara pe uwapɨ Tumpa iyakata kotɨ kiape onoi mbaepuere Tumpa ndiwe opaete mbaembae re.

Hebreos 9:12

Jare jae uike yawe jokua tupao joo jupiete ye wae pe, jae uike pëti weseño jaeño mái pewa. Jare uruike’ä kapura juwɨ ani toro taurusu wae juwɨ. Jae uruike jae juwɨ etei, jare jukuärái opa umbɨepɨ jaeño mái pewa mbaembae yayawɨ Tumpa kotɨ wae.

Hebreos 9:15

Jare Cristo kua uyapo ramo, jae ipo pe ma oï uyeyapo kawi waerä yemɨngeta ipɨau wae Tumpa uyapo oï yande ndiwe wae. Jokua ïru yemɨngeta arakae uyapo reta wae ipuere’ä yanemborɨ. Echa’ä jokua yemɨngeta ime wɨreko mbaepuere yanderé yawe, yayawɨñoi Tumpa kotɨ. Jare jokua teko Tumpa kotɨ yareko wae ñaneapɨ̈ti iko rami ko. Erëi añawe Cristo umano ma yanderé opa umbɨepɨ waerä mbaembae yayawɨ wae, jare jukuärái opa ma yandeyora jokua teko wi. Jáeramo añawe yande jae ñanereni wae reta yandepuere ñanoi yanemaerä opa mbaembae ikawi wae Tumpa jei umeeta oï yandewe wae jaeño mái pewa.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.

Apocalipsis 14:3

Echa’ä jokua 144.000 wae reta ukäta ñonoï Tumpa iwapɨa jowai, jare jokua irundɨ mbae tekowe onoi wae reta jare mburuwicha reta jowai. Jae reta ukäta ñonoï käta ipɨau wae. Jare ndarau kiawe ipuere uikuaa jokua ukäta reta wae – jaeño jae reta ipuere uikuaa. Tumpa uepɨ kua reta ɨwɨ pewa reta ipɨte wi.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.