Gálatas 4:4 - Biblia

⁴ Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ

Guaraní Pe (Western): Simba

⁴ Ẽrei ou ma uvãe yave ara, Tumpa ombou Taɨ. Jae oa cuña güi, jare mboroyocui güɨnoi mbaepuere jese,

Gálatas 4:4 Iomraidhean Croise

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

Isaías 7:14

Tumpa etei uechakata ndewe kua mbae: Mase, kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.

San Mateo 1:23

“Mase, pëti kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.” Jukuärái jei Tumpa arakaete. Kua tee Emanuel uipota jei, “Tumpa yande ndiwe oï.”

San Mateo 3:15

Erëi Jesús jei chupe: “Emaeño tayembɨsakambuka ndewe. Echa’ä jukuärái uyeyapota jupi rupi Tumpa uipota wae,” jei chupe. Jayawe Juan umbɨsakambu Jesús.

San Mateo 5:17

“Aramoi pe reta perowia tëi che ayu ma ko ambái waerä opaete Moisés jare ïru kuimbae Tumpa iñee arakae umɨmbeu wae reta uikuatía wae. Erëi che jokuaerä'ä ko ayu. Che ayu ko opaetei jae reta jei wae uyeyapo waerä kërái Tumpa uipota wae rupi,” jei.

Marcos 1:15

Jae jeiñoise kuärái: “Uwäe ma ara Tumpa uyapo waerä jae jei uyapota iko wae. Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa iñee ikawi wae re,” jei.

San Lucas 1:31

“Mase, ndepuruata jare nemembɨta neï pëti kuimbae mii. Jare nemembɨ oa yawe, nembɨjeeta Jesús.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Lucas 2:7

Erëi mbaetɨ chupe reta o ipotawe tëta pe. Jáeramo María imembɨrɨpɨ kuimbae mii oa pëti o mbaemɨmba reta jokai japɨpe oï wae pe. Jare María oñoma imembɨ mii ñomaka reta pe jare umbɨyapakua mbaemɨmba reta ikaruarɨru pe.

San Lucas 20:44

Jayawe David etei jei chupe yawe, ‘CheYa,’ ¿këraita pa jayawe Cristo ipuere iko David iñemoñaa pewaño?” jei Jesús chupe reta.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 10:36

“Erëitu añawe pe reta chembɨjeko peï, echa’ä che jae pewe che ko jae Tumpa Taɨ ramo. ‘Nde ndere mbae kachi wae Tumpa kotɨ,’ pere chewe. Erëi awɨyeta tëi ko pere jukuärái, echa’ä che pëti kuimbaeño’ä ko. Echa’ä cheRu Tumpa etei ko cheñono tee jae imaerä jare chembou kua ɨwɨ pe,” jei Jesús chupe reta.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

Hechos 1:7

Jayawe Jesús jei chupe reta: “Ndarau pepuere pikuaa kërái yawe cheRu jokua uyapota oï wae. Jaeño cheRu jeita jokua re,” jei.

Romanos 1:3

Jare kua ñee ikawi wae uikuaaka yandewe Tumpa Taɨ rewa. Jae ou kua ɨwɨ pe uyeyapo pëti kuimbaerä, jare jae ko arakae mburuwicha wasu David jee wae iñemoñaa rupi outa iko wae.

Romanos 15:8

Pemandúa kawi peï kërái etei Cristo uñemɨïru kawi oï yande reta ndiwe. Ore judiorä nduiko wae reta, tenonde Cristo ou oremborɨ waerä jare uikuaaka waerä orewe Tumpa jupi ko uyapo waerä jae jei wae. Echa’ä arakae rupi Tumpa jei oreramɨkue reta pe ombouta iko Upuruepɨ wae.

Romanos 5:6

Jare ¿kërái ra ko Tumpa yanderau? Yaikuaa Tumpa yanderauete ko, echa’ä Cristo umano yanderé, yande jupi mbae yaiko wae reta re. Yande parawete reta teko pe yaiko Tumpa jowai yayawɨ jae jei wae ramo. Jare yandepuere’ä etei yayerepɨ chuwi yandeiño. Erëi ou ma uwäe yawe ara Tumpa uiparawo wae, Cristo umano yanderé.

Romanos 8:3

Opaete Tumpa jei Moisés pe uikuatía waerä wae ipuere’ä yanderepɨ Tumpa iarasɨ wi, echa’ä ñanepɨräta’ä ñaï yaiko waerä jupi opaete Tumpa jei wae rupi. Jáeramo Tumpa uyapo mbae ikawi wae yanderepɨ waerä. Jae ombou Taɨ kua ɨwɨ pe umano waerä mbaembae yayawɨ Tumpa kotɨ wae re. Taɨ uyeyapo kuimbaerä jare uyekuaa yandewe ipotawe kuimbae uyawɨ Tumpa kotɨ wae rami, erëi jae uyawɨ'ä etei Tumpa kotɨ. Erëitu Tumpa uiporaraka chupe jete pe yande mbaembae yayawɨ wae re, jare jukuärái ndarau ma ñanoi teko Tumpa jowai.

Romanos 9:5

Jae nunga wi judío tamɨkue reta Tumpa uiparawo wae reta ko, jare jae reta iñemoñaa ko Cristo ou uyeyapo kuimbaerä wae. Erëi yepe tëi Cristo jae ko Tumpa etei jare opaete mbaembae iYa, jesewe judío reta wɨrɨ̈ro. Tuyembutuichaka Cristo jee jaeño mái pewa. Jukuärái tuiko.

Efesios 1:10

Jare Tumpa ipɨayemɨngeta ko kuärái: Jokua ara jae jei wae uwäe yawe, umbatɨta opaetei ara pe ñonoï wae reta jare ɨwɨ pe ñonoï wae reta wi, jare oñonota Cristo iko waerä jae reta imburuwicha wasurä jaeño mái pewa.

Colosenses 2:14

Añetete jokua mbaembae yayawɨ wae uyekuatía iko tupapire re rami opaete yanembɨjekose iko jese wae ndiwe. Jare jokua ko Tumpa opa ma uikutu kurusu re rami Cristo uyekutuka iko yawe. Jáeramo yande mbaetɨ ma teko pe ñaï Tumpa jowai yayawɨ wae re.

1 Timoteo 2:6

Echa’ä opaete wae yayawɨ Tumpa kotɨ jare yandereko ñaneapɨ̈ti oï wae echa. Erëi Jesucristo uñemee umano waerä yanderé umbɨepɨ waerä teko ñanoi wae. Jukuärái jae yandeyora ma yandereko wi. Jokua ko jae ñee ikawi wae Tumpa uikuaaka yandewe wae jokua ara jae uiparawo wae pe.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

Hebreos 2:14

Opaete kua Tumpa taɨ reta yae chupe wae, jae reta ko jae soo jare tuwɨ jare maekäwe pewa. Jáeramo Jesús wi uyeyapo jae reta rami etei ipuere waerä imano rupi umɨamɨri mano iya – jae ko Añawasu.

1 Juan 4:14

Jare jokuaño’ä ko. Jae nunga wi yandeRu Tumpa ombou Taɨ ɨwɨ pe uepɨ waerä ɨwɨ pewa reta. Jukuärái ore nduecha ma, jare jukuäraiete wi ore nduikuaaka noï opaete wae pe.

1 Juan 4:2

Kuärái pepuere pikuaa jae ime ra onoi Tumpa iEspíritu wae. Jae jei yawe, “Jesucristo ko jae Upuruepɨ wae kuimbaerä uyeyapo wae,” jukuärái pepuere pikuaa jae iñee ou ko Tumpa wi.