Gálatas 3:5 - Biblia

⁵ Tapɨrandu ye pewe: “¿Marái ramo ra Tumpa umee pewe Espíritu Santo jare uyapo pepɨte rupi mbaembae kiawe ipuere’ä etei uyapo wae? ¿Aramoi piko ra Moisés arakae uikuatía wae rupi ramo? Jukuärai’ä ko. Pe reta ime ko penoi Espíritu Santo, echa’ä perowia ñee ikawi wae Cristo rewa piyandu yawe.

Guaraní Pe (Western): Simba

⁵ Tumpa umee peve Espíritu Santo, jare uyapo mɨacañɨ reta pepɨte pe. ¿Uyapo pa cua mbaembae mboroyocui jei vae re piyapo vae rupi, ani ñee icavi vae piyandu yave pepurugüɨrovia ramo?

Gálatas 3:5 Iomraidhean Croise

Hechos 14:3

Jesewe Pablo jare Bernabé upɨta reta joko pe ɨma rupi. Jare jekuaeño omboe reta ukɨye mbae rewe yandeYa rewa opaete uyapɨsaka jese wae reta. Jare yandeYa umee mbaepuere Pablo jare Bernabé pe uyapo reta waerä opaete jowake jeta mbaembae kiawe ipuere’ä uyapo wae. Jukuärái yandeYa uechaka iko tëta wasu pewa reta pe kërái añetete ko iñee wae.

Romanos 10:17

Erëitu yaikuaa ñaï jaeño kía uyapɨsaka ñee ikawi wae re Cristo rewa wae ipuere wɨrowia jese.

Romanos 15:19

Jare jokuaerä wi ko Espíritu Santo umee chewe mbaepuere ayapo waerä mbaembae kiawe ipuere’ä uyapo wae. Jayawe jukuärái opa ma amɨmbeu araa araa chupe reta ñee ikawi wae Cristo rewa opaete kerupi Jerusalén wiwe ɨwɨ Ilírico pe rewa.

1 Corintios 12:10

Jare jae nunga wi Espíritu Santo umee ïru wae reta pe uyapo waerä mbaembae tuicha wae kiawe ipuere’ä uyapo wae. Jare ïru wae reta pe umee umɨmbeu waerä ñee Tumpa wi etei ou wae. Jare umee wi ïru wae reta pe uikuaa kawi waerä ñee ou ra Espíritu Santo wi ani ou ra aña wi. Jare umee ïru wae reta pe ñee ambɨe ye ye wae uyemɨngeta waerä – jae ko jae ñee uyemɨngeta mbaei pɨpe wae. Jare ïru wae reta pe Espíritu Santo umee ipuere waerä umbɨasa iñee pei jokua ambɨe ye ñee reta wae. Jukuärái ko amokue mbaepuere reta Espíritu Santo umee yandewe wae.

2 Corintios 10:4

Ore nuñeräro waerä, nduiporu’ä noï tembiporu kua ɨwɨ pewa. Ore nuñeräro ko noï Tumpa imbaepuere rupi. Jare jokua mbaepuere pe orepuere numɨamɨri ipotawe Tumpa kotɨ oyowaicho wae.

2 Corintios 12:12

Pe reta pikuaa kawi ko che aiko yawe pe reta ndiwe, che ayekuaaka kawi pewe chepɨawasu rewe Cristo chemondo jae jee re. Jare Tumpa imbaepuere rupi ayapo mbaembae kiawe ipuere’ä uyapo wae jukuärái rupi uyekuaa waerä che ko jae Cristo chemondo wae.

2 Corintios 13:3

Pe reta pipota pikuaa peï añetete ra Cristo uyemɨngeta che rupi wae. Jayawe che aechakata aï pewe aiporaraka yawe jokua teko kachi rupi yureko wae reta pe. Jukuärái pikuaata Cristo imbaepuere pepɨte rupi yepe oï. Jae mbaetɨ ko imbaepuere mbae wae rami pekotɨ.

2 Corintios 3:8

Erëi ¡ikawiete ye ye ko kua yemɨngeta ipɨau wae Espíritu Santo uyapo oï wae!

2 Corintios 9:10

Tumpa ko umee yandewe yanderemitɨrä ñañotɨ waerä jare yanderembiurä yau waerä. Jare jae ko umeeta oï pewe opaete mbaembae uata oï pewe wae. Jare jokuaño’ä ko. Jae umbɨjetata oï pewe mbaembae ime penoi wae, jukuärái pepuere waerä pemborɨ ïru wae reta ipotawe mbae ikawi wae rupi.

Gálatas 3:2

Jaeño aipota pikuaaka waerä chewe kua: ¿Marái ramo ra Tumpa umee pewe Espíritu Santo? ¿Aramoi piyapo jupi opaete Tumpa arakae jei Moisés pe wae rupi ramo? Mbaetɨ etei. Pe reta penoi ko Espíritu Santo, echa’ä perowia ñee ikawi wae Cristo rewa piyandu yawe.

Filipenses 1:19

Echa’ä che aikuaa opaete kua mbaembae uyeyapo oï chewe wae ikawita oï chewe, echa’ä pe reta piyerure peï Tumpa pe cheré ramo, jare Espíritu Santo Jesucristo ombou wae chemborɨ oï ramo.