Gálatas 3:1 - Biblia

¹ Pe reta Galacia pewa reta, ¿maera pa pearakuaa’ä mbate piko? Che perowake etei amɨmbeu kawi ma pewe kërái Jesucristo umano kurusu re wae. ¿Kía ra ko uyapo pewe pearakuaa mbae echa piko waerä?

Guaraní Pe (Western): Simba

¹ Galacia pegua reta, pe reta co jae iyaracuaa mbae vae reta rami. ¿Quía pa pembɨtavɨ, agüɨye vaerã perovia añete vae? Echa'ã perovaque etei amɨmbeu cavi ma quĩrai Jesucristo uyecutu curusu re.

Gálatas 3:1 Iomraidhean Croise

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

San Mateo 7:26

“Erëi ime yawe kía uyandu tëi kua chiñee wae jare mbaetɨ uyapo wae, jae ko pëti kuimbae iyarakuaa mbae echa ɨwɨkuïti re jëtarä uyapo wae rami,” jei.

San Lucas 24:25

Jayawe Jesús jei chupe reta: “Pearakuaa mbae echa ko pe reta. ¿Pepuere’ä mbate pa pikuaa? Echa’ä arakaete ma Tumpa iñee umɨmbeu wae reta uikuatía kua mbaembae uasata iko wae. ¿Këraita pa ndeiño perowia jese?” jei chupe reta.

Hechos 16:6

Joko wi Pablo jare jae ndiwe yureko wae reta uasa reta ɨwɨ Frigia jare Galacia jee wae rupi. Erëi Espíritu Santo umaeño’ä jese reta yuraa umɨmbeu waerä Tumpa iñee ɨwɨ Asia rupi.

Hechos 6:7

Jáeramo Tumpa iñee jekuaeño uñemɨái opaete tëta wasu Jerusalén rupi. Jayawe jokoropi uyembɨjeta Cristo re wɨrowia wae reta. Jare jeta judío isacerdote retawe wɨrowia wi Jesús re.

Romanos 10:16

Erëi yepe tëi ñee ikawi wae uyemɨmbeu oï, erëi amokueño wɨrowia ma jese. Jukuärái yaikuaa, echa’ä Isaías arakae jei Tumpa pe kuärái: “CheYa, ¿ime ra kía yepe wɨrowia oriñee re wae?” Jukuärái uikuatía arakae.

Romanos 2:8

Erëi ïruwe reta jukuärai’ä ko. Jae reta jaeño uipota yureko jae reta jei wae rupiño. Jae reta wɨrowia’ä añetete wae jare uipota uyapo reta mbae jupi mbae waeño. Jáeramo Tumpa uiporarakata iarasɨ rewe chupe reta. Jukuärái uyapota oï jokua ara opaete wae uyemboɨ yawe jae jowai.

Romanos 6:17

Tenonde yawe pe reta jekuaeño piyawɨ Tumpa kotɨ. Añetete jokua pereko ime wɨreko mbaepuere peré pëti patrón rami. Erëi che tuicha rupi amee yasurupái Tumpa pe, echa’ä añawe pe reta piyemboe ma Tumpa rewa jare pipɨsɨ ma pepɨa rewe jokua yemboe.

1 Corintios 11:26

Jayawe jukuärái opa wese piyembatɨ peu waerä yawe mbɨyape jare copa wi, yandeYa imano rewa ko pikuaaka peï. Jare jukuäraita ko oï yandeYa ou ye rewa.

1 Corintios 2:2

Che aiko pepɨte pe yawe, apɨta amɨmbeu waerä pewe Jesucristo rewa jare kërái jae umano kurusu re wae. Mbaetɨ ye ma ambɨe mbae.

2 Corintios 10:5

Jukuärái kía uipota yawe umbɨtawɨ jare umbɨawái ïru wae reta awɨye waerä uikuaa Tumpa, ore numɨamɨri jae jei wae. Jare jukuärái nduyapo opaete wae ipɨa pe uyemɨngeta waerä jare uyapo waerä kërái Cristo uipota wae rupi.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.

Gálatas 1:6

Tumpa pereni jare Cristo rupi uechaka pewe ipɨakawi. Jare che chepɨakañɨete aï kërái pe reta ɨmambae rupiño piyerowa ma Cristo wi perowia waerä ambɨe ñee ikawi echa wae re.

Gálatas 2:14

Jayawe aecha yawe jae reta yureko’ä añetete wae rupi ñee ikawi wae yanemboe wae rupi, che jae Pedro pe etei opaete wae jowake: “Nde ko jae judío, erëi kua pe ndeya ma judío reta jeko ndiko waerä judío mbae wae reta rami. Jokua jaekawi ko. Erëi ¿këraita ra añawe ndesɨrɨ neï chuwi reta? ¿Ndipota ra jae reta wɨrowia waerä ikɨa ra ñonoï Tumpa kotɨ jare imeta ko uyeyapo judío retarä?” jae chupe.

Gálatas 3:3

Jukuärái ko uyembɨpɨ kawi perekowe ipɨau wae Espíritu Santo rupi. Erëi ¿këraita pa añawe pe reta pipota peo tenonde peï pe reta piyapo wae rupiño? ¿Pearakuaa’ä etei mbate ra ko, cheïru reta?

Gálatas 4:9

Erëi añawe pikuaa ma ko Tumpa – ani ikawiete yae waerä chupe Tumpa pekuaa ma. ¿Kërái ramo jayawe pipota piyerowa ye peï chuwi? ¿Maera pa pipota piyapo ye mbaembae ipuere’ä pemborɨ piyembujupika waerä Tumpa kotɨ? ¿Pipota yerá piko ye jokua mbaembae imbaepuere pe?

Gálatas 5:11

Hermano mii reta, amokue wae reta jei tëi ñonoï cheré: “Pablo oporomboe oï yande reta imeta ko yayembɨcircuncidaka Tumpa umae kawi waerä yanderé.” Jukuärái jei reta tëi. Erëi jukuärai’ä ko. Jukuärái che jae yawe, jayawe judío reta ndarau tëi uiporaraka ñonoï chewe. Añetete judío reta iarasɨ ko chekotɨ che aporomboe wae jeko pewa. Echa’ä che aporomboe jaeño Cristo imano kurusu re wae rupi ko yandepuere ñaï yandereko mbae wae rami Tumpa jowai – mbaetɨ ko yayembɨcircuncidaka wae rupi.

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Efesios 4:14

Jukuärái ñanepɨräta kawi yawe Tumpa kotɨ, yaikota’ä ma sambiaɨ reta rami. Echa’ä sambiaɨ reta uikuaa’ä mbae re wɨrowia waerä. Pëti ara ipuere wɨrowia pëti mbae re, jare ïru ara ipuere wɨrowia ambɨe re. Erëi ñanepɨräta kawi Tumpa kotɨ yawe, ipuereta’ä kiawe yanembɨtawɨ. Echa’ä ime jeta wae reta ikatu upurumbɨtawɨ waerä kachi oporomboe wae rupi.

Efesios 5:15

Pe reta peï ma ko tembipe pe; jáeramo piyandareko kawi piyé pechaka waerä teko kawi. Awɨye piko wɨraeño. Piko iyarakuaa katu wae reta rami.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

1 Timoteo 6:4

Jae reta uyererowia katu iyé iyarakuaa wae echa. Jekuaeño uipota uyeaka reta opa mbaembae re. Erëi kua yeaka reta jaeño umbɨyekuaa ñemɨro, jare towaicho, jare ñee kachi wae japicha kotɨ. Jae nunga wi yeaka jeko pewa wɨrowia katu’ä reta iyé.

Hebreos 11:8

Jae nunga wi yanemandúa Abraham re. Tumpa jei chupe oë oo waerä iɨwɨ wi ambɨe ɨwɨ pe – jae ko jokua ɨwɨ Tumpa umeeta iko chupe iɨwɨrä wae pe. Jayawe yepe tëi Abraham uikuaa’ä ketɨ ra oo iko wae, erëi oë oo Tumpa re wɨrowia rewe.

Hebreos 5:9

Jare Cristo opa uyapo yawe opaete yandeRu Tumpa jei chupe wae, jae uyeyapo tekowe opa mbae wae iYarä. Jare añawe Cristo umee tekowe opa mbae wae opaete kía kía jae jei wae uyapo wae reta pe.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

1 Pedro 4:17

Jare yande yaikuaa yaiporara ñotái ko, echa’ä uwäe ma ara Tumpa umbɨpɨ waerä umɨñatima ɨwɨ pewa reta pe kërái mbaembae uyapo reta wae re. Jare kua uyembɨpɨta yande reta ndiwe, yande Tumpa jëtararä yaiko wae reta. Erëi uyembɨpɨ ma jukuärái yande ndiwe yawe, uasaete yeta ndipo kuri jokua ñee ikawi wae wɨrowia mbae wae reta pe. Echa’ä jae reta wɨrowia’ä Tumpa iñee chuwi etei ou wae re.

2 Pedro 2:18

Jare jokua oporomboe kachi wae reta, ime ye ambɨe mbae kachi uyapo reta wae. Jae reta uyemɨngeta uyembɨkate rewe. Yepe tëi iñeengatu reta, erëi jokua usiriwe’ä etei kía imaeräwe. Jae reta jei tëi: “Yandepuere yaiko yanderete uipota wae rupiño. Jokua mbae’ä ko,” jei reta. Jukuärái jae reta umbɨtawɨ jaeramo wɨrowia Cristo re wae reta. Echa’ä umɨkɨrëɨ uyapo reta ye waerä jokua jaeramo mbaembae kachi opa tëi ueya reta wae.

Apocalipsis 18:3

Tumpa uiporarakata ma oï Babilonia pe, echa’ä Babilonia pewa reta jeko kachi rupi opa urükumewa ɨwɨ pewa reta. Jae reta uyapo awasa ɨwɨ pewa reta ndiwe jare jae nunga wi imburuwicha wasu reta ndiwe. Jokua awasa ko vino rami chupe reta, jare jokua pɨpe jae reta opa usawɨpo rami ñonoï. Babilonia pewa reta jekuaeño ueka opa kërái rái mbae kachi wae. Jare opaete ɨwɨ rupi mbaembae owaka wae reta uyembɨikokatu chuwi reta jokua mbaembae kachi owaka wae rupi,” jei araɨwa.

Apocalipsis 2:20

‘Erëitu ime mbae re pumbɨjeko waerä. Jae ko kua: Pe reta pemaeño peï jokua kuña Jezabel jee wae re oporomboe waerä pepɨte pe. Echa’ä jae jei tëi iyupe: “Che ko jae ñee Tumpa wi etei ou wae amɨmbeu wae,” jei tëi iyupe. Erëi umbɨtawɨ oï uyeyokui chewe wae reta jae reta uyapo waerä awasa jare jou reta waerä tembiu tumparaanga pe uñemee wae.

1 Samuel 13:13

Jayawe Samuel jei Saúl pe: “¡Jokua ndiyapo wae ndearakuaa mbae wae ma ko!” jei. “Ndiyapo’ä ma jokua yandeTumpa ikoño mái wae jei ndewe wae rupi. Nde moná ndiyapo kawi yawe Tumpa jei wae rupi, jayawe Tumpa umeeta tëi ko ndewe jare niñemoñaa reta pe jekuaeño piko waerä kua ɨwɨ Israel imburuwicha wasurä.