Gálatas 2:1 - Biblia

^1-2 Jokua jaɨkue rupi catorce año ma uasa yawe, Tumpa uikuaaka chewe a ye waerä Jerusalén pe. Jayawe che a. Jare kua wese Bernabé chemɨïru. Jare araa wi Tito che ndiwe. Jare ore ndoo nuwäe yawe Jerusalén pe, che ayembatɨ jaeño Cristo re wɨrowia wae itenondewa reta ndiwe. Jare che amɨesäka kawi chupe reta kërái che amɨmbeu ñee ikawi wae judío mbae wae reta pe. Echa’ä che aipota aikuaa aiko kërái ra jae reta umae cheparawɨkɨ judío mbae wae reta ipɨte rupi wae re. Echa’ä jae reta uipota’ä uñemɨïru yawe judío mbae Cristo re wɨrowia wae reta ndiwe, jayawe opaete cheparawɨkɨ opata tëi ikumewa.

Guaraní Pe (Western): Simba

¹ Cua jaɨcue rupi, catorce año uasa ma yave, aa ye Jerusalén pe Bernabé ndive, jare araa vi Tito.

Gálatas 2:1 Iomraidhean Croise

Hechos 11:25

Joko wi Bernabé oë oo tëta wasu Tarso kotɨ ueka waerä Saulo. Jare uwäe chupe yawe, ueru tëta wasu Antioquía pe.

Hechos 11:30

Jare opa ma umbatɨ reta korepoti yawe, uiparawo reta Bernabé jare Saulo wɨraa waerä ɨwɨ Judea pe Cristo re wɨrowia wae reta itenondewa reta pe.

Hechos 12:25

Jayawe Bernabé jare Saulo opa ma wɨraa jokua korepoti Jerusalén pe. Jare joko wi uñatima reta ye Antioquía kotɨ. Jare ueru jae reta ndiwe Juan. Jae jee wi Marcos.

Hechos 13:2

Pëti ara jokua kuimbae reta uñeñono tee ukaru mbae waerä amokue ara rupi uyerure reta waerä Tumpa pe. Jare uyerure yureko reta rambuewe, Espíritu Santo jei chupe reta: “Piñono tee pepɨte wi Bernabé jare Saulo uyapo reta waerä mbarawɨkɨ amee aï chupe reta wae,” jei chupe reta.

Hechos 13:50

Erëi judío itenondewa reta ombowaichoka Pablo jare Bernabé kotɨ jokua tëta wasu pewa amokue kuimbae itenondewa reta jare amokue kuña ikokatu wae Tumpa wi uipɨu wae reta. Jayawe jae reta uiporaraka Pablo jare Bernabé pe, jare omombo reta iyuwi jokua tëta wasu wi.

Hechos 14:12

Jae reta wɨrowia tëi Bernabé ko jae itumpa reta itenondewa Júpiter jee wae, jare Pablo ko jae itumpa Mercurio jee wae. Jukuärái wɨrowia reta tëi, echa’ä Pablo ñee wɨraa wae ko jare jae reta wɨrowia itumpa Mercurio jee wae ikatu uyemɨngeta.

Hechos 15:25

Ore jeta ma nduyemɨngeta jokua re jare ndupɨta nomondo waerä pepɨ amokue kuimbae orepɨte wi. Jae reta yuraa ñonoï yandehermano mii reta Pablo jare Bernabé ndiwe.

1 Corintios 9:6

Jare nduipota yawe, ndarau tëi nduparawɨkɨ ndukaru waerä. Jare orepuere tëi ndoe pewe piyandareko waerä oreré.

2 Corintios 2:13

Erëi mbaetɨ chepɨawiwe aiko. Echa’ä awäe’ä yanderɨwɨ Tito joko pe. Jae ueruta tëi iko chewe ñee pe reta rewa. Jáeramo che aeya Troas pewa reta jare ayu chuwi reta kua Macedonia kotɨ.

2 Corintios 8:16

Che chepɨa’ä aï peré. Jare amee yasurupái Tumpa pe Tito ipɨa’ä oï rambuewe peré wi.

2 Corintios 8:23

Jare ime yawe kía upɨrandu pewe Tito re wae, pere chupe: “Jae ko Pablo ïru uyeyokui Tumpa pe wae, jukuärái ore nduyekou waerä Tumpa iñee re,” pere chupe. Jare kía upɨrandu yawe kua mokui yanderɨwɨ reta re, pemɨmbeu chupe jae reta ko kerupi rupi uyembatɨ Cristo re wɨrowia wae reta ombou wae. Jare jae reta rupi Cristo jee uyembutuichaka oï.

Gálatas 1:18

Jokua jaɨkue rupi, mbapɨ año ma uasa yawe ramo che a Jerusalén pe aikuaa waerä Pedro. Erëi jaeño apɨta jae ndiwe quince ara rupi.

Gálatas 2:13

Jukuärái jae uyapo iko jokua mokui jowa wae reta uyapo wae rami. Jare ïru judío joko pe yureko wae reta wi uyemboe Pedro jeko re. Jare Bernabé jae nunga wi uñemaeño iyé uyapo waerä jae reta uyapo wae rami.

Gálatas 2:3

Erëi jukuärai’ä uyeyapo. Echa’ä jae reta wɨrɨ̈ro’ä jokua che aporomboe wae. Jare yepe tëi Tito ko jae judío mbae wae, erëi jae reta jei’äwe Tito uyembɨcircuncidaka waerä.

Gálatas 2:9

Jare joko pe yureko wi Pedro, Jacobo, jare Juan. Jese reta ïru wae reta umae Cristo re wɨrowia wae reta itenondewaete reta ko. Jare jae reta uikuaa ma yawe Tumpa ko umee chewe ipɨakawi rupi kua mbarawɨkɨ, chepopɨsɨ reta opaete wae jowake. Jare uipopɨsɨ reta wi Bernabé. Jukuärái jae reta uikuaaka opaete wae pe oyowake ñonoï ore ndiwe jare jaekawi chupe reta jokua ñee ore numɨmbeu wae. Jare ikawi iko chupe reta ore jekuaeño numɨmbeu waerä judío mbae wae reta pe jare jae reta umɨmbeu waerä judío reta pe.

Colosenses 4:10

Aristarco omondo oï pewe saludo. Jae oï kua peresorɨru pe che ndiwe. Jare Marcos omondo pewe wi saludo. Jae ko Bernabé jiɨ. Pemandúa peï, tenonde yawe che jae pewe Marcos oo opou pepɨ yawe, pembɨasa kawi.

Tito 1:4

Che aikuatía aï ndewe kua tupapire, Tito. Nde ko jae cheraɨ rami, echa’ä che ko jae nomboe Cristo rewa ramo. YandeRu Tumpa jare yandeYa Jesucristo yandeRepɨ wae jekuaeño tipɨakawi ndewe jare tuyapo ndewe ndiko waerä ndepɨakatu rewe.