Gálatas 1:7 - Biblia

⁷ Yanemaerä jaeño ko pëtiño ñee ikawi wae jare añetete wae. Erëi ime amokue oporomboe kachi wae reta, jare jae reta mbaetɨ umɨmbeu ñonoï ñee ikawi wae. Jae reta pembopa ñonoï jare uipota umbɨambɨe reta ñee ikawi wae Cristo rewa.

Guaraní Pe (Western): Simba

⁷ Ẽrei mbaetɨ co ĩru ñee icavi vae. Jaeño ime amocue pembopa vae. Echa'ã jae reta uipota perovia vaerã ĩru ñee icavi echa vae ñee icavi vae Cristo regua ipepɨca pe.

Gálatas 1:7 Iomraidhean Croise

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

Hechos 13:10

“Elimas, nde ko jae Añawasu pe ndiyeyokui wae, jare opaete jupi wae jare añetete wae jowaicho ko nde,” jei. “Nde ko jae upurumbɨtawɨ wae jare jupi mbae ndiyapo wae. Nde jekuaeño nembɨyea mbaembae añetete wae Tumpa rewa añetete mbae wae ndiwe,” jei chupe.

Hechos 15:24

Jeräkua ma orewe kërái amokue orepɨte wi yuraa pepɨ. Jare jae reta oporomboe wae rupi pembopa jare pembɨpɨawiwe’ä. Jukuärái jae reta uyapo, yepe tëi ore nomondo’ä reta pepɨ.

Hechos 20:30

“Amokue reta pepɨte wi etei umbɨpɨta oporomboe oï apu rewe umbɨtawɨ waerä hermano reta. Echa’ä jae reta uipotata hermano reta uyerowa waerä yandeYa wi jae reta oporomboe kachi wae kotɨ,” jei chupe reta.

2 Corintios 11:13

Kua nunga reta jei tëi iyupe: “Cristo chembou.” Erëi upurumbɨtawɨ wae reta ko, echa’ä Cristo ombou’ä reta.

2 Corintios 2:17

Erëi pëti ramiño noï Cristo re ramo, orepuere nduyapo. Tumpa oreñono numɨmbeu waerä Cristo rewa. Jare jukuärái nduyapo noï ndupurumbɨtawɨ mbae rewe Tumpa jowake. Pe reta pikuaa ko jeta wae reta umɨmbeu ñonoï Tumpa iñee umɨngana iyupe waeräño. Erëi ore reta jukuärai’ä ko.

2 Corintios 4:2

Ore nduyapo’ä etei wɨari rupi mbaembae kachi wae mara pewa. Ndupurumbɨtawɨ'ä. Jare ndorowa’ä wi Tumpa iñee. Ore jaeño numɨmbeu noï añetete wae. Kua nduyapo Tumpa jowake opaete wae uikuaa waerä orereko.

Gálatas 1:6

Tumpa pereni jare Cristo rupi uechaka pewe ipɨakawi. Jare che chepɨakañɨete aï kërái pe reta ɨmambae rupiño piyerowa ma Cristo wi perowia waerä ambɨe ñee ikawi echa wae re.

Gálatas 2:4

Jokua rewa ore nduyemɨngeta, echa’ä amokue ïru wae reta uipota tëi opaete judío mbae Cristo re wɨrowia wae reta uyembɨcircuncidaka waerä. Erëi jae reta Cristo re wɨrowiaraanga wae reta ko uyembatɨ reta añetete wae nunga ore ndiwe. Ko yepe jae reta jaeño uipota uikuaa ore nduyapo ra noï judío reta jeko rupi wae, jare uipota tëi uyapoka orewe jokua jae reta jeko. Erëi michi pewa awe numaeño’ä oriyé jese reta, echa’ä nduipota’ä numbɨyea ñee ikawi wae Cristo rewa yemboe ambɨe wae ndiwe. Ore nduipota pe reta pikuaa waerä kërái ñee ikawi wae Cristo rewa añetete ko jare uata’ä etei chupe mbae awe. Yande yarowia jokua ñee re ramo, pëti ramiño ñaï Jesucristo re jare yaikota’ä judío reta jeko rupi.

Gálatas 4:17

Jokua oporomboeraanga wae reta pepepɨka pe ñonoï wae echa tëi, erëi añetete ueka’ä ñonoï ikawi wae pemaerä. Echa’ä jae reta jaeño uipota pembopia waerä orewi, pe reta piko waerä jae reta ipepɨka pe.

Gálatas 5:10

Erëi che arowia katu aï peré piyemɨngeta waerä pepɨa pe kua mbaembae re che chepɨa pe ayemɨngeta wae rami. Echa’ä pe reta jare che pëti ramiño ko ñaï päwe yandeYa Cristo re. Añetete jokua kía nunga pembojopa ñonoï wae reta, Tumpa uiporarakata oï chupe reta.

Gálatas 5:12

¡Aipota echa ko tëi jokua jei pewe piyembɨcircuncidaka waerä wae reta tuyeapiawoka opaetei kuri!

Gálatas 6:17

Mase, cherete re ime uyekuaa oï chembɨpere wae reta jendakue. Jokua uikuaaka oï kërái che tuicha aiporara ayeyokui kawi waerä yandeYa Cristo pe. Erëi jukuärai’ä ko jokua oporomboe kachi wae reta. Jáeramo añawe wiwe awɨye ma jae reta chembɨawái toï kuri.

2 Timoteo 2:18

Echa’ä jae reta opia ma añetete wae wi, jare oporomboe reta jokua yaikowe yeta wae uyeyapo ma wae. Jare jukuärái oporomboe reta ramo, amokue wae reta jopa ñonoï jokua re.

1 Juan 2:26

Che aikuatía aï pewe kua mbaembae, echa’ä ime amokue wae reta uipota pembɨtawɨ ñonoï.

1 Juan 4:1

Cheïru puau wae reta, awɨye perowia woi ipotawe kía Tumpa iñee ou umɨmbeu wae, echa’ä añawe rupi ime jeta wae reta Tumpa iñee umɨmbeuraanga wae reta. Jayawe ime yawe kía ou piyembatɨ wae pe jare jei pewe yawe, “Che ko jae Tumpa iñee umɨmbeu wae,” pemboporowa rani jae iñee añetete ra ou Tumpa wi wae.

2 Juan 1:10

Jayawe ou yawe kía uipota pemboe wae, erëi oporomboe oï ambɨe ye yawe kua ore ndoporomboe wae wi, jayawe awɨye peparea chupe upɨta waerä perëta pe. Jare awɨye awe pere chupe: “Jaekawi ko ndeyu.”

2 Juan 1:7

Jukuärái jae pewe, echa’ä kua ɨwɨ pe ime jeta upurumbɨtawɨ wae reta. Jae reta wɨrowia’ä yandeYa Jesucristo uyeyapo kuimbaerä wae. Ime yawe kía jukuärái uyemɨngeta wae, jae ko upurumbɨtawɨ wae jare jae ko Cristo kotɨ oyowaicho oï wae.

Judas 1:4

Kua re aikuatía aï pewe, echa’ä amokue wae reta uyembatɨ ñonoï pe reta ndiwe añetete wae nunga pe reta pikuaa mbae rewe. Jae reta jei tëi pewe: “Tumpa ipɨakawi oï yandewe. Jáeramo yandepuere yaiko yande yae wae rupiño,” jei reta. Jare jukuärái jae reta uyapo ñonoï opaño mbaembae kachi wae. Erëi kua jae reta uyapo wae rupi wɨrɨ̈ro ko ñonoï Jesucristo, yepe tëi jaeño ko jae yandeYa jare yaneMburuwicha wasu imbaepuerete wae. Jae reta uipɨu’ä etei Tumpa wi. Jare kërái uyekuatiaño mái ko oï Tumpa iñeerɨru pe wae, Tumpa uiporarakata oï chupe reta tuicha rupi.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 19:20

Jare joko pe oï wi jokua bestia taɨkue rupi uyekuaa wae – jae ko jokua Tumpa iñee umɨmbeuraanga wae. Jare jae ko tenonde yawe tenondewa bestia jee re uyapo mbaembae kuimbae retaño ipuere’ä uyapo wae. Jukuärái jae umbɨtawɨ jokua bestia imarka onoi wae reta jare jaanga re umbɨadora wae reta. Erëi Tumpa uipɨsɨka jokua bestia jare Tumpa iñee umɨmbeuraanga wae. Jare jae reta mokui rewe Tumpa omomboka Tatawasurenda pe. Jokua tata wasu jendɨ oï azufre ndiwe.

Apocalipsis 2:2

Jare che tae Éfeso pewa cheré wɨrowia wae reta pe kuärái: Che aikuaa opaete mbae piyapo wae, kërái täta peparawɨkɨ peï chemaerä jare kërái pemɨawäta peï yembɨawái reta pepɨawasu rewe. Aikuaa wi piñemɨïru’ä peï ikawi mbae wae uyapo wae reta ndiwe. Jare aikuaa wi ime pepɨte pe amokue wae reta jei tëi ñonoï kuärái: “Che ko jae Jesús chembou jae jee re wae.” Erëi aikuaa wi pe reta pikuaa ma chuwi jae reta iyapu wae.

Apocalipsis 2:20

‘Erëitu ime mbae re pumbɨjeko waerä. Jae ko kua: Pe reta pemaeño peï jokua kuña Jezabel jee wae re oporomboe waerä pepɨte pe. Echa’ä jae jei tëi iyupe: “Che ko jae ñee Tumpa wi etei ou wae amɨmbeu wae,” jei tëi iyupe. Erëi umbɨtawɨ oï uyeyokui chewe wae reta jae reta uyapo waerä awasa jare jou reta waerä tembiu tumparaanga pe uñemee wae.

Apocalipsis 2:6

‘Erëi ayerowia kua re: pemaerä kachi oï jokua nicolaíta reta mbae uyapo wae. Jare jukuärái wi chemaerä kachi oï.

Apocalipsis 20:3

Jare uñapɨ̈ti ma oñono yawe, omombo jokua ɨwɨkua wasu juwa mbae wae pe. Jare uyukenda kawi ɨwɨkua jöke illave pɨpe. Jukuärái uyapo awɨye waerä Satanás jekuaeño umbɨtawɨ ɨwɨ pewa reta jokua miri año rupi. Erëi miri año ma uasa yawe, araɨwa oyorata ko Satanás michi pewa.