Gálatas 1:6 - Biblia

⁶ Tumpa pereni jare Cristo rupi uechaka pewe ipɨakawi. Jare che chepɨakañɨete aï kërái pe reta ɨmambae rupiño piyerowa ma Cristo wi perowia waerä ambɨe ñee ikawi echa wae re.

Guaraní Pe (Western): Simba

⁶ Chepɨacañɨ ete quirãi ɨmambae ete piyembopiaca Tumpa güi perovia vaerã ĩru ñee icavi echa vae. Echa'ã Tumpa peparavo Cristo ipɨacavi rupi.

Gálatas 1:6 Iomraidhean Croise

Marcos 6:6

Jare Jesús ipɨakañɨ jae reta wɨrowia’ä jese ramo. Jayawe oë ye oo joko wi oporomboe waerä ïru tëta wasu raɨ reta rupi.

San Juan 9:30

“¿Këraita ra pikuaa’ä kía ra ombou wae?” jei kuimbae. “Jae ko chemɨmae wae. Kua ambɨe yeete oï chemaerä.

Hechos 15:11

“Mase, yande yarowia Tumpa yanderepɨ ma ko yandeYa Jesús ipɨakawi rupiño, mbaetɨ ko Moisés arakae uikuatía wae rupi. Jae nunga wi judío mbae wae reta uyerepɨka wi Jesús ipɨakawi rupiño,” jei Pedro chupe reta.

Romanos 10:3

Echa’ä yepe tëi Tumpa uikuaaka ma yandewe kërái rupi umae yanderé yandereko mbae wae rami, erëi jae reta uikuaa’ä jokua jare uipota’äwe wi uikuaa reta. Jaeño uipota tëi uyembujupika reta Tumpa kotɨ jae reta jei wae rupiño – jae ko Moisés arakae uikuatía wae re yureko wae rupi.

Romanos 5:2

Jare añawe yarowia ma Cristo re ramo, Cristo uyapo ma yayekou waerä Tumpa ipɨakawi re. Jare yayerowia ñaï, echa’ä yaikuaa ko pëti ara yayekouta ñaï kuri Tumpa imbaepuere jupiete ye wae re.

Romanos 8:28

Jare yande Tumpa yaau wae reta yaikuaa ko Tumpa uparawɨkɨ oï opaete mbaembae uyeyapo oï yandewe wae rupi ikawi waerä yandewe. Jukuärái Tumpa uyapo oï, echa’ä jukuärái rupi uyeyapota oï ipɨayemɨngeta yanemaerä wae. Jokuaerä ko jae ñanereni.

Romanos 8:30

Jare jokuaño’ä ko Tumpa ipɨayemɨngeta yanemaerä. Tumpa ñaneñono tee jae imaerä ramo, jae nunga wi ñanereni. Jare jae ñanereni ramo, jae nunga wi jae umae yanderé yandereko mbae wae rami. Jare jokuaño’ä ko uyapo. Jae uyapo ma wi yandewe ñanoi waerä jae ndiwe imbaepuere jembipete ye wae jaeño mái pewa.

1 Corintios 4:15

Ipuere ko jeta pemboe ñonoï Cristo rewa, erëi cheño ko jae peru rami, echa’ä che rani amɨmbeu pewe ñee ikawi wae Jesucristo rewa.

2 Corintios 11:4

Echa’ä che aikuaa aï ou yawe kía ambɨe ye umɨmbeu pewe Cristo rewa wae, pe reta pere’ä ko mbae awe jare pemaeño ko jese. Jukuärái piyapo peï, yepe tëi jae umɨmbeu Cristo rewa ambɨe ye ore numɨmbeu pewe wae wi, jare yepe tëi jae ou’ä Espíritu Santo imbaepuere pe. Añetete ko jae ou ambɨe espíritu imbaepuere pe, jare jae iñee ambɨe ye ko ñee ikawi wae pe reta perowia ma jese wae wi.

2 Corintios 2:17

Erëi pëti ramiño noï Cristo re ramo, orepuere nduyapo. Tumpa oreñono numɨmbeu waerä Cristo rewa. Jare jukuärái nduyapo noï ndupurumbɨtawɨ mbae rewe Tumpa jowake. Pe reta pikuaa ko jeta wae reta umɨmbeu ñonoï Tumpa iñee umɨngana iyupe waeräño. Erëi ore reta jukuärai’ä ko.

Gálatas 1:11

Cherɨkeɨ reta, cherɨwɨ reta, jare cherindɨ mii reta, aipota pikuaa waerä kuimbae reta wi’ä ko ou kua ñee ikawi wae che amɨmbeu wae.

Gálatas 1:15

Erëitu Tumpa ipɨakawiete chewe. Echa’ä ndei awe chesɨ wi aa mbowe, Tumpa chereni ma jare cheñono tee ma aiko waerä jae imaerä. Jare ikawi iko chupe

Gálatas 1:7

Yanemaerä jaeño ko pëtiño ñee ikawi wae jare añetete wae. Erëi ime amokue oporomboe kachi wae reta, jare jae reta mbaetɨ umɨmbeu ñonoï ñee ikawi wae. Jae reta pembopa ñonoï jare uipota umbɨambɨe reta ñee ikawi wae Cristo rewa.

Gálatas 2:14

Jayawe aecha yawe jae reta yureko’ä añetete wae rupi ñee ikawi wae yanemboe wae rupi, che jae Pedro pe etei opaete wae jowake: “Nde ko jae judío, erëi kua pe ndeya ma judío reta jeko ndiko waerä judío mbae wae reta rami. Jokua jaekawi ko. Erëi ¿këraita ra añawe ndesɨrɨ neï chuwi reta? ¿Ndipota ra jae reta wɨrowia waerä ikɨa ra ñonoï Tumpa kotɨ jare imeta ko uyeyapo judío retarä?” jae chupe.

Gálatas 2:7

Jare jae nunga wi jae reta uikuaa ko Tumpa chokui che amɨmbeu waerä ñee ikawi wae judío mbae wae reta pe kërái Tumpa oyokui Pedro umɨmbeu waerä judío reta pe rami.

Gálatas 5:14

Echa’ä opaete mbaembae Tumpa arakae jei Moisés rupi wae, jae ko pëti waeño. Jae ko kua: “Peau perapicha kërái pe reta etei piyerau wae rami.”

Gálatas 5:4

Mbaetɨ ye mbae, echa’ä pipota yawe piyembujupika Moisés uikuatía wae piyapo wae rupi, jayawe piyembɨsɨrɨ ma ko Cristo wi jare piyerowa ma ko Tumpa ipɨakawi wi.

2 Tesalonicenses 2:14

Jokuaerä Tumpa pereni ñee ikawi wae ore numɨmbeu pewe wae rupi. Echa’ä jae uipota pe reta piyekou waerä yandeYa Jesucristo imbaepuere jupiete wae re ara taɨkuewa pe.

1 Timoteo 1:14

Añetete tuicha ko yandeYa ipɨakawi chewe. Jáeramo añawe chepɨa rewe arowia aï Jesucristo re, jare jae umee chewe chepuere apuruau waerä.

1 Timoteo 1:3

Kërái karamboe che jae ndewe rami ndei a ye ndewi mbowe ɨwɨ Macedonia kotɨ, epɨtaño tëta wasu Éfeso pe. Jukuärái ndepuere ndiyopia jokua Tumpa iñee re oporomboeraanga wae reta wi, awɨye waerä jekuaeño oporomboe reta añetete mbae wae re.

2 Timoteo 1:9

Jeta ma yayawɨ Tumpa kotɨ. Erëi Tumpa yanderepɨ ma jokua teko yareko wae wi, jare ñanereni ma ñañeñono tee waerä jae imaerä. Yande mbaembae ikawi wae yayapo wae rupi’ä ko jokua, erëi Tumpa ipɨakawi ramo ko uyapo yandewe jokua. Echa’ä iyɨpɨ wiwe ndei ɨwɨ jae uyapo mbowe, Tumpa ipɨayemɨngeta ko uikuaaka waerä yandewe ipɨakawi Jesucristo rupi.

2 Timoteo 2:1

Yande pëti ramiño ñaï Jesucristo re ramo, jeta yayekou ñaï Tumpa ipɨakawi re. Jáeramo nde, cheraɨ mii, jekuaeño iñemɨmɨräta kawi jae ipɨakawi re.

1 Pedro 1:15

Tumpa pereni ma piko waerä jae imaerä. Jare Tumpa jupiete ye wae ko. Jáeramo pe reta pikota ko jupi wi opaete mbaembae piyapo wae rupi.

2 Pedro 1:3

Tumpa ñanereni ma yayekou waerä imbaepuere jupiete wae re jare ipɨakawi re. Jare añawe Tumpa yaikuaa ramo, jae imbaepuere rupi umee ma yandewe opaetei yaiko jupi waerä jae jowai jare yambɨyerowia waerä wi.

Apocalipsis 22:21

YandeYa Jesús jekuaeño tipɨakawi pewe. Jukuärái tuiko.