Gálatas 1:11 - Biblia

¹¹ Cherɨkeɨ reta, cherɨwɨ reta, jare cherindɨ mii reta, aipota pikuaa waerä kuimbae reta wi’ä ko ou kua ñee ikawi wae che amɨmbeu wae.

Guaraní Pe (Western): Simba

¹¹ Ẽrei aipota picuaa vaerã, cherɨvɨ reta, cua: Cua ñee icavi vae che amɨmbeu vae ou'ã co cuimbae güi.

Gálatas 1:11 Iomraidhean Croise

Romanos 2:16

Jayawe Tumpa mbaetɨta iñakañɨ jokua mbaembae reta wi, ɨwɨ pewa reta uyemboɨ yawe jae jowai. Jokua ara ramo Tumpa oñonota Jesucristo jei waerä jae reta jeko re opaete mbaembae uyapo reta wae rupi, jare mbaembae uyapo wɨari ñonoï wae rupi wi. Jekuaeño jukuärái chemiäri, ñee ikawi wae amɨmbeu aï wae rupi.

1 Corintios 11:23

Che chepuere’ä ayerowia kua mbaembae piyapo wae re, echa’ä mbaetɨ piyapo peï kërái che pomboe wae rupi. Jokua ko jae mbaembae yandeYa etei uikuaaka chewe wae. Jae ko kua: Jokua pɨare Judas umeeta iko yandeYa jowaicho reta pe yawe, yandeYa ukaru jemimboe reta ndiwe. Jare ukaru yureko reta rambuewe, yandeYa uipɨsɨ mbɨyape,

1 Corintios 3:4

Pe reta pere yawe piyererowia katu rewe, “Che chemboea ko jae Pablo,” ani “Che chemboea ko jae Apolos,” piyapo ko peï Tumpa re wɨrowia mbae wae reta uyapo wae rami.

1 Corintios 9:8

Jare amaeta’ä kua ɨwɨ pewa reta jeko reño, echa’ä Tumpa iñeerɨru pe jukuärái wi yanembɨarakuaa.

Gálatas 1:1

Pe Jesucristo re perowia wae reta ɨwɨ Galacia rupi piyembatɨ peï wae, che ko jae Pablo aikuatía aï pewe kua tupapire. YandeYa Jesucristo etei chemondo jae jee re amɨmbeu waerä jesewa. Jare jaeño’ä ko chemondo wae. YandeRu Tumpa umbɨjekowe ye Cristo wae, jae wi chemondo. Mbaetɨ ko pëti awe kuimbae chemondo, jare kuimbae reta’ä ko chokui kua mbarawɨkɨ ayapo waerä. Jayawe che jare opaete hermano reta che ndiwe ñonoï wae nduraaka noï pewe saludo.

Gálatas 1:6

Tumpa pereni jare Cristo rupi uechaka pewe ipɨakawi. Jare che chepɨakañɨete aï kërái pe reta ɨmambae rupiño piyerowa ma Cristo wi perowia waerä ambɨe ñee ikawi echa wae re.