Filemón 1:8 - Biblia

⁸ Jáeramo ime anoi mbae mii re che aipota numɨñera jese wae. Jare kua pe jupi ko che jae waerä tëi ndewe mbae jupi wae ndiyapo waerä. Echa’ä Cristo umee chewe mbaepuere jukuärái ayapo waerä.

Guaraní Pe (Western): Simba

⁸ Che ndoyocuita tẽi ndiyapo vaerã jupi ndiyapo vaerã vae. Echa'ã Cristo umee cheve mbaepuere cuarãi ndoyocui vaerã.

Filemón 1:8 Iomraidhean Croise

2 Corintios 10:8

Jare yandeYa umee ko orewe mbaepuere nonoi waerä peré. Aramoi amokue wae reta jei: “Pablo uasaete ma uyemɨngeta mbaepuere yandeYa umee chupe wae re.” Jukuärái ipuere jei reta, erëi ndarau chemara kua che jae wae re. Añetete yandeYa umee orewe kua mbaepuere pumɨmɨräta waerä Tumpa re, mbaetɨ ko purukachi waerä.

2 Corintios 11:21

Ore parawete reta nduyapo’ä jokua nunga mbaembae. Jáeramo ïru wae reta jei tëi orewe orepɨräta’ä noï. Tome tuyemɨngeta pochɨño reta jukuärái. Tapɨta jayawe ñemɨmaraka pe. Erëi jokua mbaembae re ïru wae reta uyembutuicha rewe imiäri wae, che wi chemiärita jese reta ayembutuicha rewe, yepe tëi iyarakuaa mbae retaño ko jukuärái uyemɨngeta.

2 Corintios 3:12

Ore nduikuaa kua ñee ikawiete ye ko. Jáeramo numɨmbeu opaete wae pe nduipɨu mbae rewe.

Efesios 5:4

Jare piyemɨngeta yawe ïru wae reta ndiwe, jekuaeño piyemɨngeta pemee rewe yasurupái Tumpa pe. Awɨye ma piyemɨngeta iyarakuaa mbae wae reta jare ipotawe imbɨkere wae reta uyemɨngeta wae rami. Echa’ä ndarau ikawi kía Tumpa oñono tee jae imaerä wae uyemɨngeta waerä jukuärái.

1 Tesalonicenses 2:2

Ndei ore ndoo pepɨ mbowe, jeta nduiporara tëta wasu Filipos pe. Jokua tëta wasu pewa reta uyapo mbaembae ikawi mbae wae orewe. Kua pikuaa ko. Erëi yepe tëi yawái iko orewe, jesewe Tumpa oremborɨ ndoo numɨmbeu waerä pewe ndukɨye mbae rewe ñee ikawi wae Tumpa wi ou wae.

1 Tesalonicenses 2:6

Ore ndueka’ä nduiko pe reta jare ïru wae reta piyemɨngeta kawi waerä oreré. Jare yepe tëi Cristo etei oremondo iñee numɨmbeu waerä, jare jukuärái ore orepuere tëi ndoe pewe oremborɨ waerä, erëi nduyapo’ä jukuärái.