Filemón 1:7 - Biblia

⁷ Che ayerowiaete aï ndepuruau re jare chepɨakatu aï jese wi. Echa’ä aikuaa nde, chehermano mii, nemɨkɨrëɨ ye ma jeta wae reta Cristo re wɨrowia wae.

Guaraní Pe (Western): Simba

⁷ Ayerovia ete jare chepɨacatu ndepuruau re, cherɨvɨ. Echa'ã nde nembɨpɨacatu uñeñono tee yandeYa peguarã vae reta.

Filemón 1:7 Iomraidhean Croise

1 Corintios 16:18

Jare jae reta chemɨkɨrëɨ ngatu yewɨ kërái jae reta pemɨkɨrëɨ ngatu rami. Jáeramo ikawi ko pipɨu waerä kua nunga reta wi.

2 Corintios 7:13

Jukuärái uyekuaa ma orewe jare jokua orembɨpɨakatuete. Jare ore nduyerowia noï wi kërái Tito ou pewi uyerowia rewe ramo, echa’ä pe reta pemɨkɨrëɨ pɨau ye.

2 Corintios 7:4

Che arowia che chepuere ayemɨngeta pewe añetete rewe. Che ayerowia katu aï peré. Jare jokua pereräkua chewe wae chembɨyerowia wi. Jáeramo yepe tëi ore tuicha nduiporara noï kua pe, erëi che ayerowiaete aï.

1 Tesalonicenses 1:3

Jare yandeRu Tumpa jowai jekuaeño oremandúa noï kërái perowia Tumpa re, jare kërái jokua pemɨkɨrëɨ oï piyeyokui kawi waerä chupe. Jare oremandúa noï wi kërái pe reta jekuaeño piyemborɨ katu peï, echa’ä piyerau päwe añetete rewe ramo. Jare jekuaeño oremandúa noï wi kërái perupɨa peï opaete yembɨawái reta. Echa’ä jukuärái peäro peï perowia katu rewe jokua ara yandeYa Jesucristo ou yeta oï wae. Jokua ara jae umɨñatimata oï yandewe opaete yaiporara wae re.

1 Tesalonicenses 2:13

Jayawe hermano mii reta, ore jekuaeño numee yasurupái Tumpa pe. Echa’ä ore numɨmbeu pewe yawe Tumpa iñee, pe reta perowia woi Tumpa iñee etei ko. Kuimbae iñee’ä ko. Jukuärái ko añetete, jare jukuärái pe reta perowia wi. Jare yepe tëi täta rupi piporara peï perëtáɨwa reta ipo pe Cristo re perowia ramo, erëi pe reta piporara peï piyerowia rewe. Jare jukuärái uyekuaa oï kërái Tumpa iñee uparawɨkɨ oï pepɨa pe wae, pe Cristo re perowia wae reta. Jukuärái wi uyeyapo Jesucristo re wɨrowia wae reta pe ɨwɨ Judea rupi kerupi rupi uyembatɨ wae rupi. Jae reta täta rupi uiporara wi jëtáɨwa judío reta ipo pe. Jare añawe jukuäraiete wi uyeyapo ma pewe.

1 Tesalonicenses 2:19

Ore nduipota tëi ndoo ye ndopou pepɨ, echa’ä pe reta tuicha rupi orembɨyerowia peï. Jare ore nduikuaa jokua ara yandeYa Jesús ou ye yawe ara wi, pe reta wi peïta jae ndiwe joko pe. Jare ore nduyerowiaeteta noï jae jowai jae oreporu rambuewe pe reta penoi waerä tekowe opa mbae wae.

1 Tesalonicenses 3:9

¡Kërái etei ko numee yasurupái Tumpa pe jokua yerowia pemee orewe wae re!

2 Timoteo 1:16

Erëitu yandeYa Jesucristo tuiparareko Onesíforo jare jëtara reta, echa’ä Onesíforo jeta wese ou opou chepɨ jare jekuaeño chembɨpɨakatu. Jare yepe tëi peresorɨru pe aï parawete, jesewe jae imara’ä chewi.

Filemón 1:20

Kuärái ayerure aï ndewe, chehermano mii. Iyapo mii chewe kua ikawi wae yandeYa jee re jare jukuärái chemɨkɨrëɨ ye waerä Cristo kotɨ.

2 Juan 1:4

Che tuicha ayerowia aï, echa’ä awäe chupe amokue nemembɨ reta ñonoï ma añetete wae rupi kërái yandeRu Tumpa jei yandewe wae rupi.