Filemón 1:6 - Biblia

⁶ Añetete yande yarowia Cristo re ramo, ime mbaembae ikawi Tumpa uyapo ma yandewe wae. Jare yarowia oyowake ramo, che ayerure aï nderé ndikuaa kawi waerä jokua mbaembae.

Guaraní Pe (Western): Simba

⁶ Ime amocue ndepurugüɨrovia rupi yandeYa re güɨrovia vae. Ayerure Tumpa pe jocua reta uicuaa cavi vaerã opaete mbae icavi vae Cristo rupi ñanoi vae.

Filemón 1:6 Iomraidhean Croise

San Mateo 25:16

“Jayawe jokua pandepo talento onoi wae umbɨpɨ woi umɨmbarawɨkɨ, jare umɨngana pandepo ye,” jei.

San Mateo 5:16

“Jukuärái wi pe reta, jokua tembipe rami, jekuaeñota ko pechaka pereko ikawi wae opaete wae jowake jae reta uecha waerä jare umbutuicha waerä peRu ara pe oï wae jee,” jei Jesús chupe reta.

1 Corintios 14:25

Jae nunga wi aramoi jae uikuaata oï iyuwi Tumpa umae yepe oï jae ipɨa japɨpe etei wae. Jayawe jae uñeñonota ɨwɨ re umbutuicha waerä Tumpa jee jare jeita: “Añetete yepe Tumpa oï pe reta ndiwe.” Jukuärái ipuere uasa.

1 Corintios 16:9

Echa’ä yepe tëi ime jeta towaicho reta kua pe, erëi öke uyepea ma chewe ayapo waerä kua pe mbarawɨkɨ yandeYa umee chewe wae.

Filipenses 4:8

Añawe hermano mii reta, ime ye mbae re aipota pumbɨarakuaa: Ime yawe mbae añetete wae jare ikawi oï wae, jokua re ko piyemɨngetata pepɨa pe. Jare piyemɨngeta wi pepɨa pe ipotawe mbae jupi oï wae re, jare ikɨa mbae oï wae re, jare ipöra oï wae re, jare ipotawe mbae uyekuaa kawi oï wae re wi. Ime yawe mbae jokua yae chupe, “Kua ikawi ko,” jare ikawi oï yawe yaipɨu waerä chuwi, jayawe jekuaeño pepɨa pe piyemɨngeta jese.

Colosenses 1:9

Jáeramo ore kua mbaembae jeräkua orewe wiwe, jekuaeño nduyerure noï peré Tumpa pe. Nduyerure noï chupe jae umee waerä pewe arakuaa jesewa, jare jokoropi uikuaaka waerä pewe mbaembae jae uipota piyapo waerä wae.

Colosenses 3:10

Jare pipɨsɨ ma peyupe teko ipɨau wae. Añawe Tumpa jekuaeño umbɨpɨau oï pepɨa, pe reta pikuaa kawi waerä Tumpa. Jare jukuärái pereko oya katu oo oï jae jeko jupi wae re.

Tito 3:14

Opaete Cristo re wɨrowia wae reta tuyemboe jekuaeño uyapo reta waerä mbaembae ikawi wae omborɨ waerä mbae uata oï chupe wae reta pe. Jare jukuärái uyapo reta yawe, ndarau yureko iyakɨ wae reta rami.

Hebreos 6:10

Echa’ä Tumpa jupi wae ko. Jare jae ndarau etei iñakañɨ oï jokua mbaembae piyapo chupe wae wi jare kërái jeta ma pemborɨ ïru hermano Cristo re wɨrowia wae reta. Echa’ä pemborɨ yawe ïru hermano reta, jukuärái uyekuaata peau ko peï Tumpa, jare jae ndarau iñakañɨ oï jokua wi.

Santiago 2:14

Hermano mii reta, ipuere ko kía jei: “Che arowia Cristo re.” Erëi jokua nunga uyapo’ä yawe mbaembae ikawi wae, jokua jae jei wae ikawi’ä maeräwe jare ndarau ipuere uepɨ.

Santiago 2:17

Imeta ko yaechaka yarowia ko Tumpa re mbae ikawi wae yayapo wae rupi. Erëi jukuärai’ä yayapo yawe, yarowia Tumpa re wae ko jae pëti teöwe rami, echa’ä ikawi’ä maeräwe.

1 Pedro 2:12

Pechaka mii teko kawi Tumpa re wɨrowia mbae wae reta ipɨte rupi. Añawe jae reta uyemɨngeta tëi kachi pekotɨ pereko kachi wae echa rami. Erëitu pereko ikawi oï yawe, jae reta uechata jare aramoi ipɨakueeta kuri Tumpa kotɨ. Jayawe uwäe yawe ara opaete wae uyemboɨ waerä Tumpa jowai, jae reta umbutuichata ñonoï Tumpa jee pereko pewa.

1 Pedro 3:1

Jae nunga wi che tae kuña reta pe kuärái: Tuiko reta ime jei wae rupi. Jare tuechaka reta teko kawi chupe reta. Amokue kuimbae wɨrowia’ä Tumpa iñee re. Erëi jae reta uecha yawe jembireko jeko kawi ikotɨ wae, aramoi uipotata wɨrowia Tumpa iñee re jembireko umɨmbeu mbae chupe rewe.

1 Pedro 3:16

Jare imeta kía kía reta aramoi kachi uyemɨngeta oï pekotɨ. Jáeramo awɨye piyapo jokua pepɨa pembɨjekota oï jese wae, jae reta imara waerä kachi uyemɨngeta peré wae re. Echa’ä uikuaata reta kërái piyapo ikawi waeño Cristo re perowia ramo.

2 Pedro 1:8

Echa’ä opaete kua jekuaeño piyapo yawe, pe reta pikuaa kawieteta Jesucristo jare jukuärái piyeyokui kawita chupe.