Filemón 1:5 - Biblia

⁵ Echa’ä jeräkua chewe kërái nderowia kawi neï yandeYa Jesús re wae jare kërái ndeau neï wi opaete Cristo re wɨrowia wae reta.

Guaraní Pe (Western): Simba

⁵ Echa'ã jerãcua cheve mburuau jare mburugüɨrovia nde nenoi yandeYa Jesús cotɨ jare opaete uñeñono tee yandeYa peguarã vae reta cotɨ vae.

Filemón 1:5 Iomraidhean Croise

Hechos 20:21

“Jare jekuaeño amɨmbeu opaete wae pe – judío reta pe jare judío mbae wae reta pe wi – ueya reta waerä ipɨayemɨngeta jupi mbae wae Tumpa rewa jare wɨrowia reta waerä yandeYa Jesucristo re,” jei chupe reta.

Romanos 12:13

Mbae uata yawe ïru hermano reta pe, pemborɨ mbaembae penoi wae pɨpe. Jekuaeño pembɨasa kawi piyerowia rewe opou pepɨ wae reta.

1 Corintios 16:1

Añawe ime oï ambɨe re yayemɨngeta waerä. Pe reta pipota pikuaa piko kërái pepuere waerä pemborɨ Cristo re wɨrowia wae reta tëta wasu Jerusalén pe ikuasɨ ñonoï wae reta. Kua re che ayokui ma hermano reta ɨwɨ Galacia rupi uyembatɨ wae reta, jare añawe jukuäraiete wi pewe tamɨmbeu. Ikawita ko piyapo waerä kuärái:

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Efesios 1:15

Jayawe hermano reta, jeräkua chewe perowia Jesucristo re wae jare kërái piyerau wae.

Colosenses 1:4

Numee chupe yasurupái jae mbaembae uyapo oï pepɨte pe wae re. Echa’ä pe reta pereräkua ma orewe kërái perowia Jesucristo re jare kërái peau peï wi opaete Cristo re wɨrowia wae reta.

1 Tesalonicenses 3:6

Erëi añawe Timoteo ou ye ma uwäe jokotɨ wi, jare umɨmbeu ma orewe kërái jekuaeño perowia peï Cristo re wae jare kërái piyerau päwe rewe wi. Umɨmbeu wi orewe pe reta jekuaeño pemandúa oreré orerau rewe, jare kërái pe reta pipota tëi orerecha ye kërái ore nduipota puecha ye rami.

Filemón 1:7

Che ayerowiaete aï ndepuruau re jare chepɨakatu aï jese wi. Echa’ä aikuaa nde, chehermano mii, nemɨkɨrëɨ ye ma jeta wae reta Cristo re wɨrowia wae.

1 Juan 3:23

Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.