Filemón 1:2 - Biblia

² Ore nduraaka noï ndewe saludo. Jare nduraaka noï saludo wi yanderindɨ Apia pe, jare yandeparawɨkɨ ïru Arquipo pe, jare opaete Cristo re wɨrowia wae reta nerëta pe uyembatɨñoi wae pe.

Guaraní Pe (Western): Simba

² Aicuatía ndeve vi, Apia. Nde co jae orerindɨ yandeYa re. Jae ramiño vi aicuatía ndeve, Arquipo. Nde ndeparavɨquɨ tanta ore ndive. Aicuatía vi opaete upurugüɨrovia vae reta nerenta pe uyembatɨ vae pe, Filemón.

Filemón 1:2 Iomraidhean Croise

Romanos 16:1

Aipota amɨmbeu kawi pewe yanderindɨ mii Febe jee wae rewa. Jae jekuaeño omborɨ kawi Cristo re wɨrowia wae reta tëta wasu Cencrea pewa. Jare añawe jae uipota oo opou pepɨ.

Romanos 16:5

Pembɨsaluda mii chewe wi opaete hermano reta Priscila jare Aquila jëta pe uyembatɨñoi wae reta. Jae nunga wi pembɨsaluda mii chewe cheïru au wae Epeneto. Jae ko tenondete wɨrowia Cristo re wae ɨwɨ Asia pe.

1 Corintios 16:19

Cristo re wɨrowia wae reta ɨwɨ Asia rupi kiape kiape uyembatɨ wae omondo pewe saludo. Jae nunga wi Aquila jare Priscila jare opaete jae reta jëta pe uyembatɨ wae reta omondo wi pewe saludo. Jae reta wɨrowia wi yandeYa Cristo re.

Filipenses 2:25

Erëi che aipota amondo ye pekotɨ Epafrodito. Pe reta pembou cheré uyandareko waerä. Che au cherɨwɨ rami, jare jae uparawɨkɨ ma che ndiwe Tumpa pewarä pëti sɨndaro ikawi wae Tumpa pewa rami.

Colosenses 4:15

Pembɨsaluda mii chewe kuri hermano reta Laodicea pe ñonoï wae, jare jae nunga wi hermana Ninfas jare Cristo re wɨrowia wae reta jae jëta pe uyembatɨ wae.

Colosenses 4:17

Jare pere wi hermano Arquipo pe tuñemɨatangätu opa uyapo waerä mbarawɨkɨ yandeYa umee chupe wae.