Filemón 1:16 - Biblia

¹⁶ Erëi añawe jae mbaetɨ ma ko pëti uyeyokui ndewe waeño. Añawe jae ko pëti yandehermano yaau mii wae. Jare jokua ikawiete ko pëti uyeyokui wae wi. Che au ko, erëi nde uasaete ye ma ko ndeauta aipo. Awɨye mii ma emae jese jae ko uyeyokui wae echaño. Emae mii jese jae ko nderɨwɨete rami yandeYa re wɨrowia ramo.

Guaraní Pe (Western): Simba

¹⁶ Ẽrei jae penti uyeyocui vaeño'ã ma co. Echa'ã añave jae co yanderɨvɨ yaau vae. Jare penti nderɨvɨ icavi ete ndeve penti uyeyocui ndeve vae güi. Che aau co. Jae ramiño vi nde ndeau eteta co. Echa'ã jae co penti cuimbae nde rami, jare mocui reve perovia yandeYa re.

Filemón 1:16 Iomraidhean Croise

San Mateo 23:8

“Erëi pe reta, awɨye kía tei pewe, ‘Chemboea.’ Echa’ä cheño ko jae pemboea, jare opaete pe reta oyowake pëti tëtara ko,” jei chupe reta.

Hechos 9:17

Jayawe Ananías oë oo owäiti waerä Saulo. Jare oo ma uwäe chupe yawe, oñono ipo Saulo jesa re jare jei chupe: “Cherɨwɨ Saulo, yandeYa Jesús etei uyekuaa ndewe ndeyu ndiko tape rupi rambuewe,” jei. “Jae ko chembou ndepɨ nemae ye waerä jare Espíritu Santo umee waerä ndewe mbaepuere,” jei chupe.

1 Corintios 7:22

Echa’ä yepe tëi kía pëti pione ko, erëi yandeYa ueni yawe iko waerä jae imaerä, jokua pione uyenduta oï yandeYa uepɨ rami ma ko. Jae ramiño wi yepe tëi kía jae’ä ko pionerä iko wae, erëi yandeYa ueni yawe iko waerä jae imaerä, jae ma ko Cristo pe täta rupi uyeyokui wae.

Colosenses 3:22

Jare añawe che tae uyeyokui wae reta pe kuärái: Tuyapo reta opaete mbaembae ipatrón jei chupe reta wae rupi. Awɨye tuparawɨkɨ kawi reta ipatrón umae oï jese reta yaweño jare ipatrón umbɨyerowia waeräño. Tuyeyokui kawiñoi reta chupe ipɨakɨrëɨ rewe yandeYa wi uipɨu rewe.

1 Timoteo 6:2

Jare ipatrón Cristo re wɨrowia wae ko yawe, jekuaeño tuipɨu reta chuwi. Tuyeyokui kawiete reta chupe, echa’ä ipatrón wi ko jae Cristo re wɨrowia wae Tumpa uau wae. Awɨye tuyemɨngeta reta kuärái: “Yande ñaï ma hermanorä Cristo re yarowia ramo. Jáeramo ayeyokuita’ä ma ndewe.” Jayawe kua mbaembae re eporomboe jare epurumbɨarakuaa wi.

Hebreos 3:1

Cherëtara mii reta, Tumpa etei peñono tee jae imaerä jare peparawo jae ndiwe piko waerä ara pe. Jáeramo pepɨayemɨngeta toï añetete rewe Jesucristo kotɨ. Jae ko yandeRu Tumpa ombou wae, jare jae ko yandesacerdote tenondewaete yamɨmbeu ïru wae reta pe wae.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.