Éxodo 9:34 - Biblia

³⁴ Erëi mburuwicha wasu jokua uecha yawe, jekuae uyawɨ ye Tumpa kotɨ. Jae jare imborɨa umbɨarakuaa wae reta ndiwe umɨtäta reta ye ipɨa.

Éxodo 9:34 Iomraidhean Croise

Éxodo 4:21

Jare yuraa reta rambuewe, Tumpa jei ye Moisés pe: “Ndeo newäe yawe ɨwɨ Egipto pe, chembaepuere rupi iyapo mburuwicha wasu jowai opaete mbaembae che aechakata aï ndewe wae,” jei. “Erëi che amɨtätata mburuwicha wasu ipɨa chuwi. Jayawe jae umaeñota’ä Israel iñemoñaa reta re oë wɨrae yuraa waerä,” jei.

Éxodo 7:14

Jaɨkue rupi Tumpa jei Moisés pe: “Mburuwicha wasu ipɨatätaete jare jekuaeño umaeño’ä Israel iñemoñaa reta re oë yuraa reta waerä,” jei.

Éxodo 8:15

Erëi mburuwicha wasu uikuaa ma yawe opa umano pïte reta wae, ipɨatäta yewɨ jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 9:33

Jayawe Moisés opa uyemɨngeta yawe mburuwicha wasu ndiwe, oë ye oo tëta wasu wi jare upi ipo uyerure waerä Tumpa pe. Jupiwoi opa upɨta amandau jare okɨ wae, jare opa kïi ama jɨapu wae.

Éxodo 9:35

Mburuwicha wasu uyembɨpɨatäta ye jare umaeño’ä Israel iñemoñaa reta re oë yuraa waerä kërái Tumpa jei uyeyapota iko wae rami.