Éxodo 9:23 - Biblia

²³ Jáeramo Moisés upi yawe ipopoka ara kotɨ, Tumpa ombou woi amandau uwera amaterere rewe. Jukuärái Tumpa ombou jeta amandau tuichaete wae opaete ɨwɨ Egipto rupi.

Éxodo 9:23 Iomraidhean Croise

Génesis 19:24

Jayawe aramoiño Tumpa ombou ara wi tata jare azufre jendɨ wae tëta wasu reta Sodoma jare Gomorra re.

Éxodo 19:16

Jare joko wi mbapɨ ara pe ndimbowe yawe, aramoiño täta rupi jɨapu ara jare uwera pɨi. Jare ou amapɨ̈tu pɨ̈tumimbiete wae ɨwɨtu wasu re. Jare uyendu temimbɨ wasu tätaete rupi. Jáeramo opaete Israel iñemoñaa reta ukɨyete ramo opa urɨrɨ reta.

Éxodo 20:18

Jayawe Israel iñemoñaa reta uyandu yawe ara jɨapu jare temimbɨ wasu täta uyendu wae, jare uecha reta yawe uwera pɨi oï jare ɨwɨtu wasu tɨnee oï tatäti pe, ukɨye pɨpei urɨrɨ reta. Jare usɨrɨ reta mbɨrɨ joko wi.

Éxodo 9:18

Jáeramo kuriye kuärái ora pe ambouta jeta amandau tuichaete kɨye pewa, jokua nunga uyeyapo mbaei ɨwɨ Egipto pe uyembɨpɨ wiwe wae.

Éxodo 9:24

Jokua nunga mbaetɨi uyeyapo ɨwɨ Egipto pe uyembɨpɨ wiwe. Amandau oa upɨta mbae, jare uwera pɨi pɨi.

Apocalipsis 16:18

Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu. Jare ɨwɨ täta ukäta. Kua nunga ɨwɨkäta mbaetɨi ɨwɨ pewa reta uyembɨpɨ wiwe, echa’ä tätaete iko.

Apocalipsis 16:21

Jare ara wi oa amandau tuicha tuicha wae ɨwɨ pewa reta re. Jare pëti pëti amandau poɨ cuarenta kilo rupi. Jare ɨwɨ pewa reta jei ñee ikawi mbae wae Tumpa kotɨ amandau wasu jeko pewa, echa’ä jokua mbaesusere ikawi’äete ye ko ramo.

Apocalipsis 8:7

Jayawe pëti araɨwa umɨñee jemimbɨ wasu. Jare umɨñee yawe, aramoiño oa ɨwɨ re amandau jare tata tuwɨ rewe. Jare mbɨte seri ɨwɨra reta ɨwɨ pe oï wae okai, jare opaete kapii opa okai.