Éxodo 9:22 - Biblia

²² Jayawe pɨarewe pe Tumpa jei Moisés pe: “Eupi ndepo ara kotɨ, jare oata amandau opaete ɨwɨ Egipto rupi. Oata oï kuimbae jare kuña reta re, mbaemɨmba reta re, jare opaete temitɨ reta jare ñana reta ɨwɨ Egipto rupi oï wae re,” jei chupe.

Éxodo 9:22 Iomraidhean Croise

Éxodo 10:21

Jayawe Tumpa jei Moisés pe: “Eupi ndepo ara kotɨ, jare uyeyapota pɨ̈tumimbiete ye opaete ɨwɨ Egipto rupi,” jei chupe.

Éxodo 7:19

Tumpa jei wi chupe: “Ere Aarón pe tueupi jare tupuwëe ipopoka pɨpe opaete ɨ ɨwɨ Egipto pe oï wae kotɨ – jae ko opaete ɨ wasu reta, jare ɨ raɨ reta, jare ɨpa reta, jare ɨkua reta kotɨ. Jare opaete ɨ ɨwɨ Egipto pe oï wae uyeyapota tuwɨ. Jukuärái ikota tuwɨ opaetei ɨwɨ Egipto rupi. Ɨ jɨru reta ɨwɨra pewa jare ita pewa pe awe oïta tuwɨ,” jei chupe.

Éxodo 8:16

Jayawe Tumpa jei Moisés pe: “Ere Aarón pe tokua ɨwɨ re ipopoka pɨpe mbariwi uyekuaa waerä ɨwɨkuí wi opaete ɨwɨ Egipto rupi,” jei chupe.

Éxodo 8:5

Jare jei wi chupe: “Ere Aarón pe tueupi ipopoka jare tupuwëe opaete ɨ wasu reta kotɨ, ɨ raɨ reta kotɨ, jare ɨkua reta kotɨ. Jukuärái tuyapo yuweru waerä jetaete pïte reta opaete ɨwɨ Egipto rupi,” jei Tumpa Moisés pe.

Éxodo 9:21

Erëi amokue wae reta wɨrowia’ä Tumpa iñee re jare ueyaño reta oka pe.

Apocalipsis 16:21

Jare ara wi oa amandau tuicha tuicha wae ɨwɨ pewa reta re. Jare pëti pëti amandau poɨ cuarenta kilo rupi. Jare ɨwɨ pewa reta jei ñee ikawi mbae wae Tumpa kotɨ amandau wasu jeko pewa, echa’ä jokua mbaesusere ikawi’äete ye ko ramo.