Éxodo 9:15 - Biblia

¹⁵ Chepuereta tëi ma ambou mbaerasɨ jasɨete wae ndewe jare opaete ndeɨwɨ pewa reta pe, pe reta opa ma pemano waerä tëi.

Éxodo 9:15 Iomraidhean Croise

Éxodo 14:28

Jare ɨ uñatima ye yawe jenda pe, opa umbɨyasoi opaete karosa ñeräro pewa reta isɨndaro reta ndiwe, jare opaete sɨndaro opo kawayu re wae reta, jare opaetei sɨndaro ɨwɨ Egipto pewa reta uaɨkuemoña tëi Israel iñemoñaa reta yureko wae. Pëti awe mburuwicha wasu isɨndaro reta oyepe’ä ɨ wi.

Éxodo 3:20

“Jayawe chembaepuere rupi aiporarakata aï ɨwɨ Egipto pewa reta pe mbaembae ipuere mbaei kía uyapo wae pɨpe. Jayawe ramo mburuwicha wasu umaeñota peré peë peo waerä,” jei chupe.

Éxodo 9:14

Erëi nemaeño’ä oë yuraa reta yawe, jeiete aiporarakata ndewe, jare nemborɨa nembɨarakuaa wae reta pe, jare opaete ndeɨwɨ pewa reta pe. Jukuärái ndikuaata neï mbaetɨ ko che rami wae opaete ɨwɨ rupi.

Éxodo 9:16

Erëitu amaeño nderé ndiko waerä aikuaaka waerä ndewe chembaepuere, jare opaete ɨwɨ pewa reta uikuaa waerä che rewa.

Éxodo 9:3

Echa’ä ombouta mbaerasɨ jasɨ wae opaete pembaemɨmba tëta rupiwa reta re – jae ko pekawayu reta re, pemburika reta re, perɨmba camello reta re, pewaka reta re, peowecha reta re, jare pekapura reta re Tumpa ombouta mbaerasɨ jasɨ wae.

Éxodo 9:6

Jayawe pɨarewe pe Tumpa uyapo jukuärái. Opaete ɨwɨ Egipto pewa reta jɨmba opa umano. Erëi pëti awe Israel iñemoñaa reta jɨmba umano’ä etei.