Éxodo 8:8 - Biblia

⁸ Joko wi mburuwicha wasu uenika Moisés jare Aarón jare jei chupe reta: “Amaeñota aï peré peë peraa piyuka mbaemɨmba reta pemee waerä peTumpa pe,” jei. “Jayawe piyerure peTumpa pe umbɨsɨrɨ waerä kua pïte reta chewi jare cheɨwɨ pewa reta wi,” jei chupe reta.

Éxodo 8:8 Iomraidhean Croise

Éxodo 10:16

Jayawe mburuwicha wasu jawoi pewa uenika yewɨ Moisés jare Aarón, jare jei chupe reta: “Ayawɨ ma peTumpa kotɨ jare pekotɨ wi.

Éxodo 10:17

Pëti wese ye awɨye pemandúa mii chewe kachi ayapo wae, jare piyerure mii cheré peTumpa ikoño mái wae pe umbɨsɨrɨ waerä chewi kua mbaesusere mano pewa,” jei mburuwicha wasu chupe reta.

Éxodo 10:18

Jayawe Moisés oë oo mburuwicha wasu jowai wi jare uyerure jese Tumpa pe.

Éxodo 14:5

Jokua rambuewe, ɨwɨ Egipto pe amokue wae umbeu imburuwicha wasu pe kërái Israel iñemoñaa reta opa ma oë yuraa ɨwɨ Egipto wi wae. Jayawe mburuwicha wasu jare imborɨa umbɨarakuaa wae reta uyembopochɨ ye Israel iñemoñaa reta kotɨ. Jayawe jei iyupe reta: “¿Mbae ra ko yayapo? ¿Marái ramo ñamaeño Israel iñemoñaa reta re oë yuraa waerä? ¡Echa’ä opa ma ñamɨkañɨ ñaï yandeyuwi yanepione reta!” jei iyupe reta.

Éxodo 32:11

Erëi Moisés uyerure Tumpa pe umbɨpɨakatu ye waerä, jare jei chupe: “CheTumpa ndikoño mái wae, Israel iñemoñaa reta ko jae ndiparawo wae reta. Opaete ore nduecha nembaepuerete rupi nde orerenoe ɨwɨ Egipto wi. ¿Maera pa ndepochɨete neï chupe reta?” jei.

Éxodo 5:2

Erëi mburuwicha wasu jei chupe reta: “¿Kía pa ko jokua peTumpa ayapɨsaka waerä jese jare amaeño waerä oë yuraa Israel iñemoñaa reta? Aikuaa’ä jokua peTumpa, jare ndarau amaeño Israel iñemoñaa reta re oë yuraa reta waerä,” jei chupe reta.

Éxodo 8:15

Erëi mburuwicha wasu uikuaa ma yawe opa umano pïte reta wae, ipɨatäta yewɨ jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 8:29

Jare Moisés jei mburuwicha wasu pe: “Kua wi aë rupiwe ayerureta aï oreTumpa pe nderé. Jare kuriye mbutu reta opata usɨrɨ ndewi, nemborɨa nembɨarakuaa wae reta wi, jare opaete ndeɨwɨ pewa reta wi,” jei. “Erëi awɨyeta ko orembɨtawɨ ye noë ndoo waerä,” jei Moisés mburuwicha wasu pe.

Éxodo 8:32

Erëitu mburuwicha wasu jekuae uyembɨpɨatäta ye jare umaeño’ä Israel iñemoñaa reta re oë yuraa reta waerä.

Éxodo 8:9

Jayawe Moisés jei chupe: “Jaekawi, erëi nde iparawo mbae nunga ora pe etei ayerure waerä Tumpa pe nderé, nemborɨa nembɨarakuaa wae reta re, jare ndeɨwɨ pewa reta re. Jayawe ramo ko pïte reta uyembɨsɨrɨta pewi jare perëta wi. Mbaetɨta pïte jembɨre; jaeño ɨ wasu pe ñonoïta,” jei Moisés chupe.

Éxodo 9:27

Joko wi mburuwicha wasu uenika woi Moisés jare Aarón, jare jei chupe reta: “Añawe aikuaa ayawɨ ma ko peTumpa kotɨ. Añetete peTumpa jupi wae ko, erëi che jare cheɨwɨ pewa reta opaete teko iya ko ore.

Éxodo 9:28

Piyerure peTumpa pe oreré umɨmbɨta waerä kua ama jɨapu jare amandau kɨyete pewa. Tamaeño ma peré peë peo waerä. Awɨye ye ma pepɨta kua ɨwɨ Egipto pe,” jei mburuwicha wasu chupe reta.

Éxodo 9:33

Jayawe Moisés opa uyemɨngeta yawe mburuwicha wasu ndiwe, oë ye oo tëta wasu wi jare upi ipo uyerure waerä Tumpa pe. Jupiwoi opa upɨta amandau jare okɨ wae, jare opa kïi ama jɨapu wae.

Números 21:7

Jáeramo jeta yuweru uyembatɨ reta Moisés oï wae pe, jare omoë reta chupe iñee: “Ore nduyawɨ ma Tumpa kotɨ jare ndekotɨ wi oreyengeta kachi wae rupi. Erëi iyerure mii Tumpa pe oreré umbɨsɨrɨ waerä kua mboi reta orewi,” jei reta Moisés pe. Jayawe Moisés uyerure Tumpa pe jese reta umbɨsɨrɨ waerä chuwi jokua mboi reta.

Hechos 8:24

Jayawe Simón ipɨatɨtɨ rewe jei chupe reta: “Piyerure mii Tumpa pe cheré, awɨye uyeyapo waerä chewe kua pere chewe wae,” jei chupe reta.