Éxodo 8:7 - Biblia

⁷ Erëi ichoropa wae reta uyapo wi ou waerä ɨwɨ Egipto pe pïte reta.

Éxodo 8:7 Iomraidhean Croise

Éxodo 7:11

Erëi mburuwicha wasu uenika ichoropa wae reta jare ipaye wae reta. Jae reta uyapo wi ichoropa rupi Moisés jare Aarón uyapo rami.

Éxodo 7:22

Erëi ichoropa mburuwicha wasu pe uyeyokui wae reta jukuärái uyapo wi ichoropa rupi. Jayawe mburuwicha wasu imeño ipɨatäta jare uyapɨsaka’ä Moisés jare Aarón re kërái Tumpa jei rami.

Éxodo 8:18

Jare ichoropa wae reta omboporowa tëi wi uyapo waerä mbariwi ichoropa rupi, erëi ipuere’ä ma uyapo reta. Jare jokua rambuewe, mbariwi reta uichuu opaete kuimbae jare kuña ɨwɨ Egipto pewa reta jare jɨmba reta wi.

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

2 Timoteo 3:8

Jokua kuimbae oporomboeraanga wae reta ipɨayemɨngeta mbaetɨ ko jupi, jare jokua wɨrowia reta tëi wae re añetete’ä ko. Jae reta oyowaicho yemboe añetete wae kotɨ, kërái arakae ɨwɨ Egipto pe kuimbae ichoropa wae reta Janes jare Jambres jee wae reta oyowaicho Moisés kotɨ wae rami.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.