Éxodo 8:6 - Biblia

⁶ Jayawe Aarón uyapo jukuärái, jare oë ɨ wi jetaete ye ye pïte reta jare opa tɨnee ɨwɨ Egipto.

Éxodo 8:6 Iomraidhean Croise

Éxodo 10:2

“Jare pe reta pemiärita pesambiaɨ reta pe jare perumɨmino reta pe kërái aiporaraka ɨwɨ Egipto pewa reta pe. Jare pemiärita wi chupe reta mbaembae kɨyete pewa joko pe ayapo wae rewa. Jukuärái pikuaata che ko jae Tumpa aikoño mái wae,” jei Tumpa Moisés pe.

Éxodo 15:11

OreTumpa, ¡mbaetɨ pëti awe nde rami! ¡Mbaetɨ kiawe jupiete jare imbaepuerete nde rami! ¡Opaete wae tumbutuicha nderee, echa’ä jaeño nde ndepuere ndiyapo mbaembae kɨye pewa ipuere mbaei kía uyapo wae!

Éxodo 7:19

Tumpa jei wi chupe: “Ere Aarón pe tueupi jare tupuwëe ipopoka pɨpe opaete ɨ ɨwɨ Egipto pe oï wae kotɨ – jae ko opaete ɨ wasu reta, jare ɨ raɨ reta, jare ɨpa reta, jare ɨkua reta kotɨ. Jare opaete ɨ ɨwɨ Egipto pe oï wae uyeyapota tuwɨ. Jukuärái ikota tuwɨ opaetei ɨwɨ Egipto rupi. Ɨ jɨru reta ɨwɨra pewa jare ita pewa pe awe oïta tuwɨ,” jei chupe.

Éxodo 9:14

Erëi nemaeño’ä oë yuraa reta yawe, jeiete aiporarakata ndewe, jare nemborɨa nembɨarakuaa wae reta pe, jare opaete ndeɨwɨ pewa reta pe. Jukuärái ndikuaata neï mbaetɨ ko che rami wae opaete ɨwɨ rupi.

Éxodo 9:29

Jayawe Moisés jei mburuwicha wasu pe: “Aë yawe tëta wasu wi, ayerure woita oreTumpa ikoño mái wae pe umɨmbɨta waerä ama jɨapu wae jare amandau,” jei. “Jukuärái ndikuaata oreTumpa ikoño mái wae ko jae kua ɨwɨ jare opaete pɨpe oï wae iYa,” jei.

Isaías 43:10

… Tumpa jei kuärái: “Che ko jae imeño mái aiko wae. Mbaetɨ ambɨe tumpa tenonde iko chewi wae, jare mbaetɨta ambɨe tumpa cheraɨkue rupi. Jaeño ko che.

Apocalipsis 16:13

Jayawe aecha wi dragón jare jokua mokui bestia reta. Jokua taɨkuewaete bestia jei tëi jae umɨmbeu iko Tumpa iñee. Erëi umɨmbeu yepe iko bestia tenondewa iñee. Jare mbapɨ rewe jae reta iyuru wi aecha oë mbapɨ aña kachiete wae pïte echa.