Éxodo 8:32 - Biblia

³² Erëitu mburuwicha wasu jekuae uyembɨpɨatäta ye jare umaeño’ä Israel iñemoñaa reta re oë yuraa reta waerä.

Éxodo 8:32 Iomraidhean Croise

Éxodo 4:21

Jare yuraa reta rambuewe, Tumpa jei ye Moisés pe: “Ndeo newäe yawe ɨwɨ Egipto pe, chembaepuere rupi iyapo mburuwicha wasu jowai opaete mbaembae che aechakata aï ndewe wae,” jei. “Erëi che amɨtätata mburuwicha wasu ipɨa chuwi. Jayawe jae umaeñota’ä Israel iñemoñaa reta re oë wɨrae yuraa waerä,” jei.

Éxodo 8:15

Erëi mburuwicha wasu uikuaa ma yawe opa umano pïte reta wae, ipɨatäta yewɨ jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 8:31

Jare Tumpa uyapo Moisés uyerure chupe wae rupi, jare umbɨsɨrɨ mbutu reta jatäti ye wae mburuwicha wasu wi, imborɨa umbɨarakuaa wae reta wi, jare opaete iɨwɨ pewa reta wi. Jembɨre’ä pëti awe mbutu.

Éxodo 8:8

Joko wi mburuwicha wasu uenika Moisés jare Aarón jare jei chupe reta: “Amaeñota aï peré peë peraa piyuka mbaemɨmba reta pemee waerä peTumpa pe,” jei. “Jayawe piyerure peTumpa pe umbɨsɨrɨ waerä kua pïte reta chewi jare cheɨwɨ pewa reta wi,” jei chupe reta.

Éxodo 9:7

Jare mburuwicha wasu omondo uikuaa waerä añetete ra pëti awe Israel iñemoñaa reta jɨmba umano’ä wae. Erëi yepe tëi uikuaa añetete wae, jesewe jekuae uyembɨpɨatäta ye jare umaeño’ä Israel iñemoñaa reta re oë yuraa reta waerä.

Romanos 2:5

Erëi nde ndipota’ä ndeya jare jekuaeño ndepɨatäta neï. Jare jokua jeko pewa Tumpa iarasɨ wasu jekuaeño ukuakuaa oï ndekotɨ. Jare Tumpa jokua uitɨta oï nderé uwäe yawe ara opaete ɨwɨ pewa reta uyemboɨ waerä jae jowai jae jei waerä jae reta jeko re. Jare jokua ara ramo Tumpa uiporarakata oï ndewe täta rupi.